Jems 1:10 - Ạḍinya Iigbia

¹⁰ Kụ ọolha phọ kẹn ạmoogh ni iboh, mem dị Ẹnaan mesooromi dọl phọ ọdi! Ọdi kamugh ni ịdipho ipoola,

Jems 1:10 Iomraidhean Croise

Job 14:2

Yira roogborion ghan kophoph ọḅile ọgharaghar ịdipho ạsifalaway; yira rope ghan ịdipho ạroogho.

Ạsuor 102:11

Aghuḍum ạmi ạkigh oogho adulhe; mị ạkigh tụgharaghar ạroogho.

Ạsuor 103:15

Ẹlo-ẹlo ayira, aghuḍum ayira ạkigh rọogho. Yira ropoph ghan koḍum mụdi ạfalaway eḍum;

Ạsuor 37:2

ịdi eḍighi bọ ị́kel mun dị kọsam bịdi ịdipho ạroogho olereghi, kụ bịdi ọkaraghar yogh kụ omuughu ịdipho ạroogho.

Ạsuor 39:6

Oye ịdipho oogho, rakumuan ghan oopho arukumuan bịn, raakpomoghi ghan ẹelha phọ ọdi kaseerian kụ ọpo kaliom bọ ẹelha phọ ọdi ólhegheri.

Azaya 40:6

Oye atu rạlooghi mọ, “Igbeelom dom!” Mị apuru mọ, “Eeghe adom kụ ẹdi mị kagbeelom bọ?” “Gbeelom mọ oomo awe ọkigh rọogho; Aghuḍum ạbidi óbia opu kụo ạsifalaway ologhi eḍum.

Azaya 40:7

Ạroogho renyororo ghan ni kụ ạsifalaway rekelele ghan ni, mem dị Ọmoogh-we phọ aruom ookuugh kụ aghugh ạḅeeny bịdi. Awe rótue mun kọkparam opu rọogho.

Azaya 57:15

“Mị kụ Ọkar Egbogh Ẹnaan Iigbia phọ, ọpo odi bọ kꞌagee-pọ. Mị atugh esi iigbia dị ephoph, kụ mị ạḅile odianan rꞌawe lọ osooromi loor kụ ọwile yogh oḍighi ịkaraph, ọbo mị aḅulemi omeeraam rꞌoḍuom ologhi ạbidi.

Azaya 66:2

Mị rꞌaloor kụ ụlhem bọ aḅirini phọ! Awe dị osooromi loor kụ okiton esi ịkaraph ụḅeeraan ịmi, rꞌawe dị ughiilaan ịmi kụ ụnaghanan ịmi.

Matiu 5:3

“Iboh kꞌẸnaan edianaan ni bụphe ologhoma bọ mọ ẹkparam ni ruwaloor phọ ạbuno; ọmar phọ kꞌẸnaan ọlo ạbidi ni.

Matiu 6:30

Ẹnaan rẹsighe ghan sịfalaway kụ keenmenemi rọogho elegheḍum mọ ịpe rodon ọmiin bọ bịn iḍue phọ kẹḅaal bọ koguom bọ ni nịan. Nyina ílegheri mọ ọdi kiinmenemi ni inyina apuemi pạ ḍụghum? Nyina awe dị omeeraam ụ́manam.

1 Bụo ạKorint 7:31

bụlo ọphamanam rạraar aḅirini phọ kụ́sighe emooph ạbidi ụkpasi sịphe, ịdi eḍighi bọ aḅirini phọ yira rọmiin bọ rạteeny eekuna.

Bụo aFilipai 3:8

Kị́pe phọ bịn, mị ạmaghami mọ oomo phọ ịdi eekuna amuphe, ịdi eḍighi bọ olegheri ghan ạJizos Kraist Ọmoogh-we phọ ạmi kụ ịmoogh sụo epu. Mị mạtuan ẹmhu phọ ọdi atoḅologhi oomo ạraraar, ọbo aKraist kụ aḍighi sụo phọ ạmi,

1 Timoti 6:17

Ḅẹni ni ạkpaariom bụphe ọmoogh bọ ẹelha ịsien aḅirini phọ mọ bịdi kúbaga, ḅịle mọ bịdi kụ́sighe oḍuom ologhi ạbidi useere loor ẹelha phọ reten bọ oler phọ, oseere ghụn ni esi Ẹnaan phọ rịngo ghan bọ iyira oomo ạraraar lọ yira kọkelhom.

Jems 4:14

Nyina elegheri ni ịpe kemite bọ iḍue ḍụghum? Tọ, aghuḍum mọ anyina ạkighom ọotu ạḍiroor dị mọony amem bịn ụ́miin mun.

1 Pita 1:24

Ịdipho ạḍinya iigbia phọ rẹḅem ghan bọ mọ, “Oomo awe phọ ọkighogh rọogho, kụ oomo eghuan phọ ạbidi ẹkighogh ipoola ạroogho phọ. Ạroogho renyororo ghan ni, ḅịle kẹn ipoola rẹkar ghan ni,

1 Jọn 2:17

Aḅirini phọ rꞌoomo ạruuphua phọ ọdi rape, kụ oye phọ ọpo raḍighi ghan bọ ịpe Ẹnaan rẹwa bọ kạtol li kꞌagee-pọ.