Jems 1:1 - Ạḍinya Iigbia

¹ Mị aJems, ọnyo oḍighi phọ Ẹnaan rꞌạJizos Kraist Ọmoogh-we phọ, kụ ụge ḍịnya phọ ạḍien ratuomaan ḍioph rꞌịyal arughunughun ạbuo aJu phọ ọwalala bọ oomo areelhe phọ. Mị mipuru inyina.

Jems 1:1 Iomraidhean Croise

1 Ạbudaam 18:31

Ilaija ạsighe ḍioph rꞌịyal ạrana ạdaph ọnhu arughunughun phọ ạnmuny phọ ạJekob ẹman bọ, ọpo ikpo ọnhu ọghaaph Ọmoogh-we phọ ẹghi bọ ẹḅeni mọ, “Ḍien ạna kokol mọ Ịzirel.”

Ẹzra 6:17

Bịdi ụphinyon ni rịkia oniin okuron ilephiri ạsinam, ịyal okuron idughuna, rꞌinya okuron ạnmuny iyool-ịga kụ ọngo ḍioph rꞌịyal ạrutu-ịga ịlo ạrikia ịkaraph, oniin ọlo eniin eghun Ịzirel.

Esta 3:8

Esi ịduon aHaman ạḅeni ọdaam mọ mọ, “Awe odi ni dị ọwalala oomo eelhe ọda phọ ạna kụ omuza tọrobo ạpakiri. Bịdi ọpam riḍighinom ạraraar dị ẹgbatanaan ịlo ạbunon awe. Ḅịle kẹn, bịdi rọ́daph ghan iilogh eelhe phọ. Esi ịduon phọ kẹ́kpianaan nyịna omeeraam ạbidi.

Ẹḍua 24:4

AMozis ạge ni oomo ịto Ọmoogh-we phọ aseere loor ạḍinya. Eḅon ạḍiroor ạḍieri phọ aḍio phọ, ọdi ạkan enmeny ạrikia sịphe azin eegum mọ kụ ạmeremi ḍioph rꞌịyal ạrana, ẹdaphan ḍioph rꞌịyal arughunughun phọ Ịzirel.

Ẹḍua 28:21

Tọrotoro ẹna esi aḍioph rꞌịyal phọ ẹmoogh ghan ḍien oniin ọony phọ ạJekob dị ọge, ọmeera enye arughunughun phọ Ịzirel.

Ẹḍua 39:14

Ạnyu ạtorotoro eekia ẹna phọ esi aḍioph rꞌịyal phọ ụge ghan ḍien oniin ọony phọ ạJekob, pịdi ẹmeera enye aḍioph rꞌịyal arughunughun phọ Ịzirel.

Izikiel 12:15

“Mem dị mị ạwalalami bịdi ogbo awe ịnon areelhe phọ rꞌịsiphe iiruen areelhe phọ, bịdi kolegheri ni mọ mị kụ Ọmoogh-we phọ.

Lịvitikos 26:33

Kụ mị ịwalalami inyina aleenye oomo areelhe, kụ mị ạsighe elhool ẹgham iphoroghom inyina, kụ ade phọ anyina eguul, kụ ạramha phọ anyina epe.

Matiu 10:3

aFilip rꞌaBatolomiu; ạTomos rꞌaMatiu ọbonyiom iisogh phọ; aJems ọony phọ Ạlfios, rꞌạTadios;

Matiu 13:55

Ọphon phọ ḍịen kọ́ony ọkaam ạmaka phọ? AMeri ḍịen kụ kónhiin phọ ọdi? AJems rꞌạJosef, rꞌaSaimon rꞌaJudas ḍịen kábumor phọ ọdi?

Matiu 19:28

Kụ ạJizos ạḅeni bịdi mọ, “Mị ạkar rịḅeni ghan inyina mọ mem omoom ọmar phọ ọpo Ọony phọ Oye kạtolom bọ ạgada ọdaam ẹmha eghuan phọ ọdi, nyina phọ ạbuen rịdaph bọ ịmi kẹtolom aani ḍioph rꞌịyal ạsigada ọdaam ẹmha, kụ eegbo ịiruen ẹngo ḍioph rꞌịyal arughughun phọ Ịzirel.

Elegh ạMak 3:18

rꞌẠndru, rꞌaFilip, rꞌaBatolomiu, rꞌaMatiu, rꞌạTomos, rꞌaJems ọony Ạlfios, rꞌạTadios, rꞌaSaimon ọpo aKenan,

Elegh aLuk 22:30

Nyina kele ni ẹpughol, ẹpe ọmar phọ ạmi, kụ nyina kẹtolom ni sịgada ọdaam ẹmha eegbo ịiruen ẹngo ḍioph rꞌịyal arughunughun phọ Ịzirel.”

Elegh aLuk 6:15

rꞌaMatiu, rꞌạTomos, rꞌaJems ọony phọ Ạlfios, rꞌaSaimon Zelotis, rꞌaJudas ọony aJems,

Elegh ạJon 12:26

Oye lọ rạwa oḍighi oḍighi ọngo ạmi ụdaph ghan ịmi! Kụ ẹpe mị odi bọ kụ ẹdi ọdi kạtol aani. Oye lọ aḍighi oḍighi ụngo ịmi, Ọde phọ ạmi kakueni ni.”

Elegh ạJon 7:35

Kụ ạbuo aJu phọ mọ, “Ọdi rạwa ghan ọghi ẹghen, dị yira nyọdi kọ́miin mun bọ? Ọdi kạkiighi rạmha phọ ịpe ạbuo aGris odi bọ sịphe ogbo ạbuo aJu phọ ọtughemi ghan ạbuo aGris phọ ḍụghum?

Iiḍighi 12:17

Kụ ọdi ạabo mọ bịdi oḅoroghian, kụ ạghaaph ịpe Ọmoogh-we phọ ạsighe bọ nyọdi amitiom pạ otu ikoli phọ ạḅeni bịdi. Kụ ọdi ạḅem mọ, “Ịkaaph ịphen phọ ẹḅeni Jems rꞌạbueri ạbuo ạsiosi phọ!” Kụ ọdi ạḍua agheel ẹnon ekpisi.

Iiḍighi 15:13

Bịdi rọghaaph rọwile, kụ aJems ạghaaph akureriom mọ, “Bụo asiya, ịnaghanan ịmi!

Iiḍighi 15:21

Kụ ạri mạal li iilogh phọ aMozis rubughotu phọ tọrobo aḍio ophooghian kꞌaḍiodiidi, ọkaaph ikpo ọnhu phọ ọdi ẹmha kịrokiro.”

Iiḍighi 15:23

Ịduon kụ ịdi ọge bọ ọghiom mọ, “Yoor, abutelhedom mọ rꞌikumoor awe phọ, mipuru inyina aruuruen ạbuo asiya phọ ayoor odi bọ Ạntiok rꞌạSiria rꞌaSilisia.

Iiḍighi 2:5

Igbo ạbuo aJu phọ orugh aani bọ Jeruselem buniin uḍighi ni weye aruukuan dị ọḍua eelhe kịrokiro sịen aḅirini phọ kụ oru.

Iiḍighi 21:18

Rẹḅaal kụ ạPol rꞌayoor ọghi kꞌaJems; kụ oomo phọ ikumoor awe ạsiosi phọ ụrol li pạ.

Iiḍighi 23:26

“Mị, ạKlodios Lisias, kụ ụge ḍịnya phọ ạḍien raruomaan nyịna ạFeliks ọdaam eelhe phọ. Nạ odi.

Iiḍighi 26:7

Ḍioph rꞌịyal arughunughun phọ ayoor oḍuom ni ologhi mọ komuneni ni oguan phọ, kụ ọtu bọ rọoḅereghi Ẹnaan ḍughul rꞌootaany. Ye phọ, eḍighi ni iikia iboom dị bụo aJu phọ ọtuan oḍuom ologhi phọ ọphon kụ ruḅoroghom ịmi. Uḍighi ika kụ nyina ghụn ni kụ ímeeraam bọ mọ Ẹnaan reḅerion ghan ni bụlo momuughu?

Iiḍighi 8:1

Aḍuugh phọ ịnighe ni ologhi ạSol. Kụ emiigh kꞌaḍio phọ ạḍiphe oboom ọgbiphoghom ạrolonaan ni bụphe omeeraam bọ Jịzos ẹpe Jeruselem, kụ oomo phọ ạbidi, omuton butelhedom mọ, ọwalala yogh ẹpe areelhe phọ aJudia rꞌaSameria.

Bụo aRom 1:1

Mị ạPol, ọnyo oḍighi phọ ạJizos Kraist, Ẹnaan ẹsaḅar bọ ẹmagh mọ aḍighi otelhedom, ạghaaph ghan ooḅi ọghaaph phọ kụ ụge bọ ḍịnya phọ ạḍien riruomaan inyina.

Bụo aGaletia 1:19

Mị ụ́miin ọnon otelhedom, emuton Jems umor Ọmoogh-we phọ.

Bụo aGaletia 2:12

Tụtu abuniin awe dị aJems ạlogh kotu bọ osi ẹpe, aPita alhian ghan ni eḍien rꞌaruuruen phọ momeeraam bọ Kraist. Kụ awe phọ ạbuen rosi, bịn ọdi amiigh ạgbatanaan bịdi aḅulolom ọman, loor oghiilaan ạbuphe ọkpaariom bọ mọ oḍunogh ghan ruuruen phọ.

Bụo aGaletia 2:9

Kụ aJems rꞌaPita rꞌạJon, bụphe bụo ịḍagha phọ rokol ghan bọ mọ ạroko ogbo phọ, ọmiin bọ mọ Ẹnaan mịngo ịmi ọghor phọ ọphon, ụsighe ni Bạnabas rꞌạmi oḍighi siya ạbidi esi oḍighi phọ. Kụ oomo phọ ayoor omeeraam gbiririph mọ yoor ọrol ogbo aruuruen phọ kụ oḍighi oḍighi phọ, mọ bịdi ọrolan bụo aJu phọ.

Dutoronomi 28:64

“Ọmoogh-we phọ kịwalami ni inyina aleenye oomo arikpisi, emiigh kꞌeekuna aḅirini phọ ẹphen ẹghi esiemi nyẹeri phọ eekuna phọ; kụ nyina ẹtol ẹpe phọ kụ ẹeḅereghi ghan ịnon ạrumugh ireeny rꞌạrana, dị nyina rꞌạburude phọ anyina úlegheri.

Dutoronomi 30:3

Pụruku Ọmoogh-we Ẹnaan phọ anyina kiḅulemi inyina ḍigbaany ạdol ẹelha phọ anyina, kụ Ọdi ịnma inyina ighirigiir, kụ Ọdi aakpomoghi bụphe Ọdi ạwalalami bọ ịnon areelhe phọ aḅulemi.

Dutoronomi 32:26

Mị ụḅem mọ “Mị kạwalami ni bịdi ạsighe ạkele, kụ mị aḍighi ịdi awe bịdi kọ́otughian ghan mun,”

Dutoronomi 4:27

Ọmoogh-we phọ kịiwalami ni inyina ạngo ịnon areelhe dị ịphurukpu anyina bịn kụ koḍum.

Bụo aFilipai 1:1

Mị ạPol rꞌaTimoti, bụo oḍighi phọ ạJizos Kraist, kụ ụge ḍịnya phọ ạḍien rotuomaan oomo phọ anyina aweye phọ Ẹnaan edi bọ Filipai kụ mẹḅophoghan bọ Jịzos Kraist, ḅịle rꞌabupoghom ạbuo ạsiosi phọ rꞌạbuphe ọsaḅar bọ oseere mọ ọloghonaan ghan ḍịghaagh bụo ạsiosi phọ.

2 Timoti 4:21

Káabinyemiom origheel kụ egbi ọteeny amem ẹephoom mọ. ẠYubulos, rꞌaPudens, rꞌạLinos, rꞌạKlodia, rꞌoomo ạbueri asiya phọ mopuru nyịna.

Tạitos 1:1

Mị ạPol ọokpaany phọ Ẹnaan rꞌotelhedom mọ ạJizos Kraist kụ rạge ḍịnya phọ ạḍien. Ẹnaan kụ ịsaḅar ịmi ọghi ọlhoghonaan ạḍighaagh ọkparami ghan omeeraam ạbuphe ọdi mạsaḅar bọ oḍighi aweye phọ ọdi, ọbo bịdi olegheri igey ịtughemi ịpe ẹḅophan bọ ruukuan phọ rꞌịtughemi ạsiosi phọ ayira,

1 Pita 1:1

Mị aPita otelhedom mọ ạJizos Kraist kụ ụge ḍịnya phọ ạḍien riruomaan inyina phọ Ẹnaan ẹsaḅar bọ kụ erughogh bọ ẹwalala reelhe phọ ạPontos rꞌaGaletia rꞌaKapadosia rꞌEsia rꞌaBaitinia.

2 Pita 1:1

Mị aSaimon Pita, ọnyo oḍighi rꞌotelhedom mọ ạJizos Kraist, kụ ụge ḍịnya phọ ạḍien riruomaan inyina ạbuphe mẹtuan bọ ruukuan phọ ạJizos Kraist Ẹnaan rꞌỌpelia phọ ayira, ẹmoogh aani omeeraam dị mạman ịyaar aalenyan nyọon ayoor.

Ạḍinya dị aJud ạge 1:1

Mị aJud umor phọ aJems, ọnyo oḍighi ạJizos Kraist, kụ ụge ḍịnya phọ ạḍien riruomaan inyina ạbuphe edimom bọ ẹphomoghian Ẹnaan Ọde phọ, ḅịle kẹn eḍigh bọ ḍibuo phọ ạJizos Kraist.

Ogonanami Phọ 7:4

Kụ ụḅeni ni ịmi ḍita ạbuphe ọloghoḍi bọ elegh phọ rolhor phọ ạbidi, kụ aḍita awe oomo arughunughun phọ Ịzirel ịman oniin okuron rꞌinyadi rꞌinya.