Ẹḍua 7:3 - Ạḍinya Iigbia

³ Mị kạngo ni ọdaam eelhe phọ ọḅaar ẹmhu, kụ ghạlamo mị umiteghom ni ịminighan areḍeenaan rꞌịiḍaany phọ ạmi sịphe ade phọ Ijipt,

Ẹḍua 7:3 Iomraidhean Croise

Ẹḍua 4:21

Ọmoogh-we phọ ạḅeni Mozis mọ, “Nyịidipho nạ raḅula bọ ẹpe Ijipt, ḍighi yogh risigh ọdaam eelhe phọ oomo ịiḍaany phọ ịpe mị ạngo bọ nyịna ịnyaam oḍighi yogh phọ, kụ mị kaḍighi ni ịdi ọdaam eelhe phọ kạḅaar ẹmhu, kụ ọdi kámeera mọ awe phọ ogheel.

Ẹḍua 11:9

Ọmoogh-we phọ mạḅeni ni Mozis mọ, “Ọdaam eelhe phọ nyịna kạ́naghanan, ọbo ịiḍaany phọ ạmi eleeny sịen ade phọ Ijipt.”

Bụo aRom 15:19

rꞌịikpo areḍeenaan rꞌịiḍaany, rꞌịikpo Uwaloor Iigbia phọ kụ aḍighi oḍeenaan aruuruen ịlo bịdi kọnaghanan ghan Ẹnaan. Mị magbeelom ni ooḅi ọghaaph phọ aKraist ạman, emiigh kꞌẹpe Jeruselem kụ esi Ilurikom.

Iiḍighi 7:36

Ọdi kụ aḍiemiom bọ bịdi amitiom, aḍighi yogh ịiḍaany rꞌareḍeenaan ẹpe Ijipt rꞌịpa Ọphiiny Igbilha phọ rꞌẹpe ẹdala phọ esi inyadi ạsia.

Iiḍighi 2:22

“Weye Ịzirel, ịnaghan ọghaaph phọ ọphon! Mị rạkaaph ịlo ạJizos ọpo ạNazeret, ọpo Ẹnaan ẹngo bọ ịikpo oḍighi yogh rạraar aruugu rꞌịiḍaany rꞌareḍeenaan, ịlo ogananami esi anyina mọ ọno kụ arom ni nyọdi. Ịphen phọ imiteghu ni sịphe ogbo phọ anyina, ịdipho nyina elegheri bọ ni.

Elegh ạJon 4:48

Kụ ạJizos ạḅeni nyọdi mọ, “Rꞌoniin ọnyo anyina kámeeraam, emuton lọ ọdi mạmiin ịiḍaany rꞌareḍeenaan.”

Ạsuor 135:9

Ịsiphe kụ ẹdi ọdi aḍighi ịiḍaany rꞌareḍeenaan ịlo ọlhiom ọdaam mọ rꞌoomo awe iiḍighi ạbidi.

Maika 7:15

Uḍighinaan iyoor ịiḍaany, Ọmoogh-we, ịdipho nạ aḍighi ghan bọ mem mọ nạ ụsighe bọ iyoor ạḍuanam sịphe Ijipt.

Azaya 51:9

Ḅetenu, Ọmoogh-we, ạlhogh ḍịghaagh! Sịghe ịikpo phọ ạna ụphelom iyoor; Ḍighinom ịikpo ịdipho amem ageedi phọ. Nạ kụ uugbo bọ rukulha Rehab nonom ọphiiny phọ.

Nehemaya 9:10

Nạ uḍighi rạraar ịiḍaany esi ọdaam mọ, esi ạbuo ịtooghi phọ ọdi rꞌawe eelhe phọ ọdi, loor esi dị nạ ulegheri ni ịdi bịdi ọmiine we phọ ạna. Nạ akola ni ḍien igbogh esi ạbidi kꞌarodon.

Dutoronomi 7:19

oboom mọ ọdegh ophogh phọ ọpo ariḍien phọ anyina ẹmiin bọ, rꞌareḍeenaan phọ, rꞌịiḍaany phọ, rꞌạḍighaagh iphelegbe phọ ọdi azin bọ, ḍịphe Ọmoogh-we Ẹnaan phọ anyina ạsighe bọ kụ ịsighenom inyina ạḍuanam. Ịdipho kụ ịdi Ọmoogh-we Ẹnaan phọ anyina kaḍighi oomo awe phọ ạbuphe nyina rekiilaan bọ.

Dutoronomi 4:34

Ẹkaaneen ịyaar mẹghi ghan ni ẹsighe we ẹnon eelhe kụ eḍighi bụo ọdi, ịdipho Ọmoogh-we Ẹnaan phọ anyina iḍighi bọ inyina ẹpe Ijipt? Risigh anyina kụ ọdi aḍeenaan ịikpo rꞌịnyaam; ọdi amitiom rẹezegh rꞌẹgham, aḍighi ịiḍaany rꞌimananaan, rꞌiiḍighi aḍiigu.

Ẹḍua 9:16

Esi ịphen phọ kụ ịdi mị ạwile bọ nyịna mọ tọl: oḍeenaan ạna ịikpo phọ ạmi, ọbo aḍien phọ ạmi eleeny oomo aḅirini phọ.

Ẹḍua 4:29

Kụ aMozis rꞌEeron ọghi ẹpe Ijipt ookpomoghi oomo ikumoor awe phọ Ịzirel.

Ẹḍua 4:7

Kụ Ọmoogh-we phọ ạḅeni nyọdi mọ, “Ḅịle ạlogh ḍịghaagh phọ ạna ipholophool phọ ạna.” Ọdi ạtuugh aḍighi, kụ ọdi ạḅile amitiom bịn memoon ịdipho ịpheri phọ ariisi aloor phọ ọdi.

Bụo aRom 9:18

Esi okpere, Ẹnaan rẹnma ghan ighirigiir ọlo ạḅeeraan nyọdi kẹngo ọḅaar ẹmhu ọlo ạḅeeraan nyọdi.

Ẹḍua 3:20

Kụ mị kaḍeenaan ni ịikpo phọ ạmi kụ ạliom bụo Ijipt reten oḍighi aḍiigu sịphe ogbo phọ ạbidi bịn ọdi kameera ni nyina ẹghi.

Ẹḍua 7:13

Ologhi phọ ọdaam eelhe phọ ódugh ạgbagara ni, ọ́naghanan ịpe bịdi rọkaaph bọ, ịdipho Ọmoogh-we phọ mạtuugh bọ ạḅem.

Ẹḍua 11:10

AMozis rꞌEeron uḍighi yogh ni oomo ịiḍaany phọ ịphen risigh ọdaam eelhe phọ, kụ Ọmoogh-we phọ ạkparami ni ologhi ọdi. Kụ ọdaam eelhe phọ ómeera mọ awe phọ Ịzirel ọḍua sịphe ade phọ Ijipt ogheel.

Ẹḍua 14:4

Mị kạkparami ologhi ọdaam eelhe phọ kụ ọdi aporogh bịdi, kụ ọkpar opu phọ ạmi esi ọdaam eelhe phọ rꞌoomo awe ẹgham mọ ọdi kụngo ni ịmi rughuenian. Kụ awe phọ Ijipt kolegheri ni mọ mị kụ Ọmoogh-we phọ.” Kụ bịdi ọtuugh ịdipho phọ oḍighi.

Ạsuor 78:12

Ạburude ạburude ạbidi ọrol ropogh ghan kụ Ẹnaan eḍighi ghan ịiḍaany sịphe ẹyaghaghaany eelhe phọ aZoan ẹpe ade phọ Ijipt.

Asidogh 21:1

Edughanaan Ọmoogh-we phọ ọmaar ọpham ologhi ọdaam mọ ịdipho orelhiom ạmuum okol.