Ẹḍua 2:3 - Ạḍinya Iigbia

³ Kụ útue mun ụbooghi, kụ ạsighe ikpu aloom egunum agbul ạḅay ịdi ạmuum káḍigh, kụ ạlogh mọony phọ ologhi aseere esi dị kepooph ọgbal ọphiiny phọ.

Ẹḍua 2:3 Iomraidhean Croise

Emiighom 11:3

Kụ oniin ạḅeni nyoniin mọ, “Itu ọḅol ọogha ọphophoghi dị ạmaar ạkpar.” Kụ iḍighi kụ bịdi ụmoogh ni iiḅoghoḍi ughol ọloghom aruutu, rꞌọogha ọḅiirom.

Emiighom 14:10

Eḍiiny phọ aSidim, ariḅidiph kụ iḍiza. Kụ mem dị Ọdaam mọ ạSodom rꞌọdaam mọ aGomora ọnya osuma, bịdi ụghi osumughu riḅidiph phọ, kụ ọlo bụeri phọ ịraar ạbudaam mọ oghilighu osuma ọghi ẹpe aruugum mọ.

Emiighom 6:14

Sịghe ogeny oreeny ạkaam oghuugh ạna, adoghoḍi iisoph kụ ạza ạgalaga azuom kụ agbul mạyagh oreeny ologhi phọ rꞌọman phọ.

Ẹḍua 1:22

Ekureriom mọ, ọdaam eelhe phọ ạlogh ologh ạḅeni we phọ ọdi mọ, “Tọrobo olephiri ọony lọ ạnir ọlo aHibru ạmar isumeeny ghan Ọphiiny aNail, kụ eru ọnyani pọ ẹwile.”

Azaya 18:2

Ạruukpaany dị ọḍua ẹpe ade phọ ạḍiphe rotu oḍiku rughuugh dị oḍighinom ikpu kụ ọzoghi Ọphiiny aNail otu. Nyina igburugburu ạruukpaany, iḅula ologhi otu. Ịpam dom ẹghiom de anyina dị ạriphiiny ẹgbiran, ẹghiom eelhe anyina dị ẹmoogh ịikpo rꞌịnyaam, ẹghiom we anyina dị ophophogh rꞌaḍizu dị rẹmogh, bụphe oomo aḅirini phọ rokiilaan ghan bọ.

Azaya 19:6

Asikol ọphiiny phọ kepur ri ẹḅoria eḍu ịdipho ạmuum mọ ramoopha bọ. Ikpu rꞌọota phọ kayoro ni,

Azaya 35:7

kụ ịghologhol ịisaar keten ighool kụ ạruunu adir emuza de dị ẹgharaghar. Riisi dị asuogh eḍum kụ erugh ghan; ạroogho ọposo rꞌikpu kụ kesi.

Matiu 2:13

Awe olegheri-ịyaar phọ rogheel, kụ ọokpaany Ọmoogh-we phọ aru ạteeny Jọsef ụmalha kụ ạḅeni mọ, “Ḅetenu ạsighe ọbumoony phọ rꞌonhiin phọ asumanam agheel Ijipt, kụ ạrol ẹpe tụtu mị ạmagh nyịna. ẠHerod kạwa ni mọony phọ ịlo oghiigh.”

Matiu 2:16

Mem dị ạHerod alegheri bọ mọ awe olegheri-ịyaar phọ mobi nyịno, rꞌọghagh ologhi kụ arom we mọ ọghi Bẹtilihem rꞌoomo ạramha phọ ekoom bọ ọzeeghi lephiri ạnmuny egbi bụlo mọman ịyal ạsia kụ esoorom. Ọdi ạsighe mem mọ ọpo awe olegheri-ịyaar phọ ọḅeni bọ nyọdi mọ ọmiin ẹenaan phọ kụ alegheriom bọ.

Iiḍighi 7:19

Ọdi aagbegheḍiom we phọ ạmiine, ạḅile ạkpaariom bụrude ạburude phọ ayira mọ osereghi ghan ịbam ạnmuny phọ ooroogh, ọbo omuughu.