Ẹḍua 11:3 - Ạḍinya Iigbia

³ Ọmoogh-we phọ aḍighi ịdi awe phọ Ijipt ọngo rughuenian we phọ Ịzirel. Ịdi epu pạ awe iiḍighi phọ rꞌoomo awe phọ ụmiin mọ aMozis ogbogh oye.

Ẹḍua 11:3 Iomraidhean Croise

Emiighom 12:2

Mị kạngo ni eboom ẹemara etum ẹemara, bịdi koḍighi ni egbogh eelhe. Mị kạseph ni nyịna, aḍighi ịdi aḍien ạna keeleghaan kụ nạ aḍighi ḍịseph.

Emiighom 39:21

Kụ Ọmoogh-we phọ ạrolonaan Jọsef, ạnma ghan nyọdi ighirigiir, aḍighi ịdi ọpo rapogh ghan bọ bụo ikoli phọ aphoghom ghan nyọdi egeny ekpeḍien.

2 Sạmuel 7:9

Mị odi ghan ni rꞌạna tọrobo ekpisi lọ nạ ạghi, kụ nạ rạki ọteeny ẹpomoghian phọ ạna bịn mị ụngo ghan ni nyịna ọkpar opu. Mị kamitiom ni ḍien phọ ạna ịdipho aḍien ọkar abugbogh abuḍiemiom dị odi aḅirini phọ.

Esta 9:4

Iḍighi ni ịdi eeleghaan oomo eelhe ọda phọ mọ aModekai nyịidipho maḍighi oye ịikpo sịphe ogiga ọdaam mọ kụ ịikpo phọ ọdi rẹbugh ghan bịn.

Ạsuor 106:46

Ọdi aḍighi ịdi oomo ạbuphe ọgbiphoghom bọ bịdi ọmoogh ọnma ighirigiir ạbidi.

Ẹḍua 12:35

Kụ bịdi ọtuugh oḍighi ịpe aMozis ạḅeni bọ bịdi; bịdi ọghi ọlomian rạghaagh awe Ijipt iinmenan rꞌạraraar inme dị ọsighe silva rꞌagol kụ oḍighinom.

Ẹḍua 12:36

Ọmoogh-we phọ aḍighi ni ịdi awe phọ Ijipt ọlogh bịdi eghuan, kụ ọngaani yogh bịdi rạraar phọ ịpe bịdi ọlom bọ. Ịdipho kụ ẹdi awe phọ Ịzirel ạanyi ruphua awe phọ Ijipt ọḍuanam.

Ẹḍua 3:21

“Mị kaḍighi ịdi awe phọ Ijipt kọlogh nyịna eghuan ẹrol dị, mem lọ awe phọ ạmi ọḍua, bịdi kókeel rꞌoopho ạraghaagh.

Azaya 60:14

Ạnmuny ạbuphe ọgbiphoghom bọ nyịna kotu ni Kụ ozumeri rụmhu oḍeenaan arughuenian ạbidi ọngo ạna. Oomo ạbulo eniin amem ụ́manami nyịna ịyaar kooseeny sịphe rạda aruwol ạna. Bịdi kọmagh nyịna mọ ‘Ẹmha Ọmoogh-we phọ,’ ‘Zạyon, ẹmha Ẹnaan Iigbia phọ Ịzirel.’

Iiḍighi 7:22

Kụ oromoghiom Mozis ịlo oomo olegheri-ịyaar ạbuo Ijipt, kụ ọdi aḍighi ogbogh oye sịphe ikpo ọnhu phọ rꞌiiḍighi phọ ọdi.

Dutoronomi 34:10

Ẹsighe kꞌaḍio phọ ạḍiphe sịphe Ịzirel ọnon oyil dị ạḅile ạrol ịdipho aMozis ólho, ọpo Ọmoogh-we phọ alegheri bọ risigh rꞌarisigh.

Dutoronomi 34:11

Ọnon oyil ólho dị aḍighi ịdo areḍeenaan rꞌịiḍaany phọ ịpe Ọmoogh-we phọ arom bọ Mozis mọ aḍighi yogh ẹpe ade phọ Ijipt, aḍeenaan ọdaam eelhe phọ rꞌoomo abutelhedom mọ ọdi rꞌoomo ade phọ ọdi.

Josua 4:14

Ḍio phọ ạḍiphe Ọmoogh-we phọ aphophe Josua ạbughe risigh oomo awe phọ Ịzirel, kụ bịdi oghiilaan ghan nyọdi ịdipho bịdi oghiilaan ghan bọ Mozis, oomo asiḍughul-otu aghuḍum mọ ọdi.

Ogonanami Phọ 3:9

Ịnaghan. Bụphe oḍigh bọ eghoroghan phọ aSetan kụ oghophora bọ ọḅem mọ ạbuno ạbuo aJu phọ, mị kaḍighi dị bịdi kotu okpuḍughian sịphe aruwol phọ anyina. Oomo phọ ạbidi kolegheri ni mọ mị ịphomoghian ni inyina.