Dutoronomi 9:9 - Ạḍinya Iigbia

⁹ Mem mọ mị maten bọ ẹpe eguum mọ ọsighe ịyal phọ ịdaabili asighiigh phọ, sighiigh ịyo phọ Ọmoogh-we phọ rꞌanyina eghiran bọ, mị ạrol bọ ẹpe ẹeḅaraph phọ inyadi aḍughul-otu. Mị eḍien úle ḅịle kẹn mụum mị ụ́pughol.

Dutoronomi 9:9 Iomraidhean Croise

1 Ạbudaam 19:8

Kụ Ilaija aḅetenu alhe eḍien ạphughol mụum, kụ eḍien phọ ẹngo nyọdi ịnyaam. Kụ ọdi arelhe inyadi ootaany rꞌinyadi aḍughul ạghi asi Sainai ẹeḅaraph iigbia phọ Ẹnaan.

2 Ạbudaam 6:22

Kụ ọdi ạphagharanaan mọ, “Kạ́ze bịdi. Ịdipho ị́nighe. Bụen phọ nạ masiphi bọ, kụ kạ́budi nạ kạḅile ạsighe elhool ẹgham mꞌạkumugh ạziom. Ngọ bịdi eḍien rꞌạmuum bịdi olhe ọphughol ogheel kꞌọde-otu phọ ạbidi.”

Ẹḍua 24:12

Ọmoogh-we phọ ạḅeni Mozis mọ, “Sịiny eegum mọ aru ụteeny ịmi. Mị kạngo nyịna ịyal asighiigh dị ọge oomo iilogh phọ kotomoghiom bọ weye phọ.”

Ẹḍua 24:15

AMozis ạsiiny Eegum aSainai kụ ọotu aakpereghiom.

Ẹḍua 24:18

Kụ aMozis ạghi aḍigh pạ ologhi ọotu phọ kụ ạsiiny eegum mọ, kụ ạrol sịphe inyadi aḍio.

Ẹḍua 31:18

Mem dị Ẹnaan mẹghaaphan bọ Mozis ẹmadan sịphe Eegum aSainai, ọdi ạngo ni nyọdi ịyal ịdaabili aḍighiigh phọ Ẹnaan rꞌaloor kụ ạge bọ iilogh phọ.

Ẹḍua 32:1

Mem dị awe phọ ọmiin mọ aMozis mabia ọḍua ạnyu eegum mọ osoor, bịdi uukpomoghan ni okoom Eeron kụ ọḅeni nyọdi mọ, “Yoor úlegheri ịlo memitenaan Mozis, ọpo ụsighe bọ iyoor ẹpe Ijipt ạpham amitenom. Loor ịduon phọ, ụkaanaan iyoor ẹmugh lọ kiḍiemiom iyoor.”

Ẹḍua 34:28

AMozis ạrolan sịphe phọ rꞌỌmoogh-we phọ inyadi ootaany rꞌinyadi aḍughul, eḍien úle, mụum ụ́pughol. Ọdi ạge sịphe ịdaabili asighiigh phọ ikpo ọnhu aḍioph phọ iilogh phọ ịpe Ọmoogh-we phọ aghiran bọ ịyo phọ.

Matiu 4:2

kụ ọdi ạkaagh ẹḍogh inyadi aḍughul-otu, kụ mọony amem kụ ọkoony asiph nyọdi.

Bụo aGaletia 4:24

Ọghaaph phọ ọphon raḍeenaan ghan mọ ịyal phọ ạnmariir phọ, pọ ịyal ịyo dị oghiran. Ọḅel ạnir phọ rạmaraghi bọ rẹbene-ạnmuny phọ, kụ ịyo phọ oghiran bọ ẹpe Eegum aSainai. AHegar kụ ạnir phọ ọphon phọ.

Dutoronomi 8:3

Kụ ọdi isooromi inyina ịrolomi inyina ọkoony, kụ ạsighe mạna ịngo inyina kụ nyina elhe (dị nyina ílegheri, ạburude phọ anyina úlegheri aani), ọbo nyina elegheri mọ oye kụ́tolonaan ghan eḍien bịn, mọ oye ạrolonaan ghan oomo ịpe ẹḍua bọ ọnhu phọ Ọmoogh-we phọ kụ emite.

Dutoronomi 9:11

Kụ rẹman inyadi aḍughul-otu, kụ Ọmoogh-we phọ ụngo ịmi ịyal phọ ịdaabili asighiigh ịyo phọ.

Dutoronomi 9:15

“Kụ mị ạḍua sịphe eegum mọ asoor ude, kụ ạnian reemor ghan sịphe eegum mọ, kụ mị ạpam ịyal phọ ịdaabili asighiigh ịyo phọ rạghaagh ạmi,

Dutoronomi 9:18

Kụ mị aḅololo ude risigh Ọmoogh-we phọ ịdipho ẹḅel amem mọ, inyadi ootaany phọ rꞌinyadi aḍughul, mị eḍien úle, mụum mị ụ́pughol, loor esi oomo ịkaraph phọ ịpe nyina eḍighi bọ risigh Ọmoogh-we phọ, kụ ẹghagh bọ ologhi ọdi.

Bụo aHibru 9:4

kụ ịsien phọ kụ ẹdi ịdaabili agol phọ ọsu ghan bọ ịnsens phọ, ḅịle rꞌizoki agol phọ ọlogh bọ mạna phọ, ḅịle rꞌịkpara phọ Eeron mẹraarogh bọ ịizughum mọ, ḅịle rꞌigbe ịyo phọ ọsighe bọ gol kụ ooteneghiom ẹphen ạnyu phọ ẹrol ghan bọ. Ologhi Igbe Ịyo phọ, ịyal phọ iiḅoghoḍi asighiigh phọ ọge bọ ọnhu ịyo phọ kụ ịrol.