Dutoronomi 9:7 - Ạḍinya Iigbia

⁷ “Ịitughian ghan ịpe nyina eḍighi bọ kụ ẹtu bọ ẹghagh ologhi Ọmoogh-we Ẹnaan phọ anyina ẹpe ẹdala phọ. Emiigh kꞌaḍio phọ ạḍiphe nyina ẹḍua bọ ẹpe ade phọ Ijipt eru esi sịen, nyina ẹmoogh oḅom ẹmhu esi Ọmoogh-we phọ.

Dutoronomi 9:7 Iomraidhean Croise

Ẹḍua 14:10

Mem dị awe phọ Ịzirel ophogh kụ ọmiin mọ awe phọ Ijipt rotu, aruugu asiph ni bịdi kụ omiigh omoghi ọmagh Ọmoogh-we phọ.

Ẹḍua 14:11

Kụ ọḅeni Mozis mọ, “Ịdipho ịdi ariiḍi ílho ẹpe Ijipt kụ nạ ụsighe bọ iyoor arumom ẹphen ẹdala phọ mọ yoor omuughu? Esi ika kụ ẹdi nạ ạtuan bọ kụsighe iyoor ạḍuanam Ijipt?

Ẹḍua 16:2

Kụ oomo phọ ạbidi oru ọteeny Mozis rꞌEeron ẹpe ẹdala phọ rogum.

Ẹḍua 17:2

Awe phọ Ịzirel ọwa sighiton Mozis kụ ọḅeni nyọdi mọ, “Ụngo iyoor mụum ọphughol.” AMozis apuru bịdi mọ, “Nyina ịtuan eeghe kụ retu bọ esi ạmi? Nyina ịtuan eeghe kụ rẹdegh bọ Ọmoogh-we phọ?”

Ẹḍua 23:21

Ịnaghanan ghan ẹḅile eḍighi ghan ịlo ọdi ạḅem. Kẹ́gbagharan ịlo ọdi ạḅem, loor esi dị mị kụ urom ni nyọdi, ḅịle ọdi kápogh ạbile we lọ ọgbagharan.

Azaya 48:8

Mị ulegheri ni mọ nyina ị́kpe oseere ologhi, mọ molhegheriom mọ nyina awe ọḅaar ẹmhu. Ịdipho kụ iḍighi kụ ighine bọ inyina ịphen phọ, kụ rꞌeniin ekpo ọnhu reḅeri anyina íḍigh bọ.

Jerimaya 11:10

Bịdi moḅula ọḅile roḍighi yogh ịkaraph ạburude ạburude phọ ạbidi, bụphe úmeera bọ úḍighi ịpe mị ạḅem bọ; bịdi mọoḅereghi ịnon ạrumugh. Ịzirel rꞌaJuda mọka ịyo phọ mị aghiran bọ rꞌạburude ạburude phọ ạbidi.

Jerimaya 32:30

Kꞌẹḅel emiighom mọ awe phọ Ịzirel rꞌawe phọ aJuda moḍighi ghan ni ịdi ị́nighe dị kiḍighi ịmi ịlo ophin ologhi.

Jerimaya 44:9

Nyina mewula oomo ịkaraph ạraraar phọ moḍighi bọ ẹpe ạramha phọ aJuda rꞌaroḅodo phọ aJeruselem, dị ạburude ạburude anyina kụ oḍighi yogh, dị ạbudaam-ẹmha phọ aJuda rꞌạnmariir phọ ạbidi kụ oḍighi yogh, rꞌanyina rꞌạnmariir phọ anyina kụ eḍighi yogh ḍụghum?

Izikiel 20:13

Kụ ọlo ghạlamo ịsiphe ẹdala phọ bịdi ụupu ni ịmi. Bịdi ọka iilogh phọ ạmi kụ oghel ịtooghi ạmi, ịpe retuom ghan bọ ghuḍum esi ạtorobo ọlo aako bịdi. Bịdi ọkaraghi kụ ọopu ḍio ophooghian phọ. Mị uukolobian ni ịlo omeera bịdi kologhoma ịikpo ọghagh ologhi phọ ạmi ẹpe ologhi ẹdala phọ kụ ophiemi ạbidi.

Izikiel 20:43

Pọ kụ amem dị nyina kẹetughian oomo ạraraar umugholoor phọ nyina eḍighi bọ rꞌịpe nyina ẹepu bọ siloor anyina loor esi oomo ịkaraph ạraraar phọ nyina eḍighi bọ.

Izikiel 20:8

Kụ ọlo bịdi ụupu ịmi kụ oghel olher ạruru. Bịdi útoḅologhi ịkaaghineen ạrumugh isa phọ ạbidi mꞌọwile ạrumugh phọ Ijipt. Mị uukolobian ni ịlo omeera bịdi kologhoma oomo ịikpo ọghagh ologhi phọ ạmi ẹpe ologhi Ijipt.

Izikiel 36:31

Nyina kẹetughian ni ẹkaraph ẹzo phọ anyina rꞌariisi lọ nyina ẹpioghom, kụ nyina ẹmoogh ḍikia asiloor phọ anyina loor esi ịkaraph phọ rꞌạsipioghom mọ anyina.

Igbiighi 11:4

Buniin aruuruen urelhian ni we Ịzirel. Bịdi ụmoogh ịkaraph ạruuphua iphulupul ẹnam kụ awe phọ Ịzirel ọḅile kẹn omoghi kụ ọḅem ghan mọ, “Ạnhian kụ kụngo bọ iyoor ịnam dị yoor kọba?

Igbiighi 14:22

Oomo awe phọ ạbuen ọmiin bọ eegu phọ ạmi rꞌịiḍaany phọ ịpe mị aḍighi yogh bọ ẹpe Ijipt rꞌẹpe ẹdala phọ mụdegh bọ ịmi sịen ḍioph amem kụ ịmi ụ́naghanam.

Igbiighi 17:10

Kụ Ọmoogh-we phọ ạḅeni Mozis mọ, “Ḅulemi ịkpara phọ ẹpe Eeron aseere sịphe esomanan Igbe Ịyo phọ. Seere pạ eḍighi eḍeenaan esi ạbuo ịgbagharan phọ, eḍighi ịdi oomo ịgum mọ ạbidi kesophoghian esi ạmi ọbo bịdi komuughu ghan bọ.”

Igbiighi 21:5

bịn ọgumom Ọmoogh-we phọ rꞌaMozis mọ, “Esi ika kụ ẹdi nyina ẹtu bọ ịsighe iyoor ẹpe Ijipt emitiom ẹḍuanam, ịlo yoor oru omuughu ẹphen ẹdala phọ? Eḍien ílho, ạmuum ólho. Yoor kótue mun ọtolom eḍien ọmiinom mọ ẹphen.”

Igbiighi 25:2

Ạnmariir phọ ạbuphe ụmagh ni we phọ Ịzirel ọḅophoghan rꞌạbidi olhe ạrayaal esi phọ ọphinyon ghan bọ rịkia ọngo ruru phọ ạbidi, kụ bịdi ule malhe phọ kụ okpuḍian ọoḅereghi ruru phọ ạMoabait.

1 Bụo ạKorint 15:9

ịdi eḍighi bọ mị kụ uḍigh ạagia ạḅaram ọḅiph sịphe abutelhedom mọ. Mị phọ kẹn bịn ụ́man oghola mọ otelhedom, ịdi eḍighi bọ mị ụgbiphoghom ni bụo ạsiosi phọ Ẹnaan.

Bụo ạEfesos 2:11

Nyina aruuruen. Bụo aJu phọ kụ inyina ị́maraghi. Ịkiom ologhi dọl phọ nyina ẹrol bọ mem dị meten. Ạbuo aJu phọ righol ghan inyina mọ aruuruen, ịdi eḍighi bọ nyina réḍuna ghan, ịdipho ạbidi — kụ ạri oḍuna phọ ạbidi eḍighi ni osoph oodu phọ bịn.

Dutoronomi 31:27

Mị alegheri ni mọ nyina awe ịgbagharan rꞌoḅom ẹmhu. Ịitughian ghan. Ghạlamo rꞌarodon phọ ạḍien mị odi bọ ni rꞌanyina, nyina awe ịgbagharan rꞌoḅom ẹmhu, kụ ẹghiom nụun ologhi mem lọ mị mamugh.

Dutoronomi 8:2

Kụ ẹetughian ghan oomo areten phọ ịpe Ọmoogh-we Ẹnaan phọ anyina irelhiom bọ inyina inyadi ạsia phọ ẹpe ẹdala phọ, isooromi bọ inyina, ịdeghogh bọ inyina ophogh ọmiin ịpe edi bọ iloghi phọ anyina, mụghumo nyina reeko ni iilogh phọ ọdi, mụghumo nyina réeko.

Dutoronomi 9:24

Nyina awe oḅom ẹmhu esi Ọmoogh-we phọ, emiigh kꞌaḍio phọ mị ilegheri bọ inyina.

Dutoronomi 9:4

“Mem mọ Ọmoogh-we Ẹnaan phọ anyina kaporogh bọ bịdi ạsighe egbodo phọ anyina, kẹ́ḅem ghan sịphe iloghi phọ anyina mọ aruukuan anyina kụ iḍighi bọ ịdi Ọmoogh-we phọ ịsighe bọ inyina ịlo ọmoogh ade phọ ạḍien, kụ ạri ọdi ạtuan sịpioghom ạramha phọ ịpe kụ aphorogh bọ bịdi egbodo anyina.