Dutoronomi 9:6 - Ạḍinya Iigbia

⁶ Ilegheri mọ Ọmoogh-we Ẹnaan phọ anyina ọ́tuan ruukuan anyina kụ rịngo inyina ịma ade phọ ạḍiphe phọ mọ ịmoogh: nyina awe oḅom ẹmhu.

Dutoronomi 9:6 Iomraidhean Croise

2 Krọnikuls 30:8

Kẹ́ḅaar ẹmhu ịdipho ạbidi, kụ ịnaghanan Ọmoogh-we phọ. Itu sịphe Otu Ịiḅereghi phọ ẹpe Jeruselem, esi phọ Ọmoogh-we Ẹnaan phọ anyina maseeriom bọ ruukuan kꞌagee-pọ, kụ ooseeny nyọdi bịn ọdi kạ́mooghom mun nịiniin inyina ophin ologhi.

2 Krọnikuls 36:13

ẠZedekaya ạḅaar ri ẹmhu esi ạNebukadnezar ọdaam mọ, ọpo ạkpaariom bọ nyọdi mọ aghunya rꞌaḍien Ẹnaan mọ ọdi kaḍugh ni oye. Ọdi ạmoogh oḅom ẹmhu kụ ómeera okiton oḅula esi Ọmoogh-we Ẹnaan phọ Ịzirel.

Ạsuor 78:8

Bịdi kọ́kigh bụrude ạburude ạbidi, we ọḅaar ẹmhu rꞌẹ́naghanan, we dị omeeraam mọ ạbidi esi Ẹnaan ụ́meera kikiki kụ úmeeraam nyọdi bịninin.

Ẹḍua 32:9

Ọmoogh-we phọ ạḅeni Mozis mọ, “Mị alegheri ni ịdi awe phọ ạbuen rọḅaar ghan ẹmhu.

Ẹḍua 33:3

Nyina rekeel ẹpe ade ẹetool rꞌọninom mọ kụ ọlo mị kị́daph inyina rꞌaloor, ịdi eḍighi bọ nyina aweye ọḅaar ẹmhu, ọbo mị kiphiemi ghan bọ inyina ẹpe eten.”

Ẹḍua 34:9

kụ ạḅem mọ, “Obo ụmoogh ịmi, eru mạar dị nạ ạmoogh ni ghụsan esi ạmi, mị rạaḅereghi ni nyịna, ụdaph ni iyoor ạghi aani. Ghạlamo awe phọ ạbuo ịgbagharan, sạr ụwilenaan igborion phọ rꞌạsipioghom mọ rꞌịkaraph phọ ayoor, kụ ụsighe iyoor mọ awe ạna.”

Izikiel 2:4

Bịdi mọḅaar ẹmhu ḅịle eghuan ịmi rụ́logh ghan. Esi ịduon phọ mị rarom nyịna ọḅeni ạbidi ịdi mị Ọmoogh-we dị ạmoogh oomo ịikpo rạḅeni bịdi.

Izikiel 20:44

Mem dị mị aḍighi ịlo ọphamanam eghuan phọ ạmi, nyina ạbuo Ịzirel phọ kelegheri ni mọ mị kụ Ọmoogh-we phọ, ịdi eḍighi bọ mị inyina úḍighi ịdi ẹkpianaan oḍighi esi ịkaraph ạroozo phọ anyina.” Ọmoogh-we dị ạmoogh oomo ịikpo mạḅem.

Izikiel 36:22

“Nyịidipho ḅẹni weye Ịzirel phọ dom mọ mị Ọmoogh-we dị ạmoogh oomo ịikpo ạmooghaan bọ bịdi: Ịpe mị kaḍighi bọ kẹ́mhu anyina awe phọ Ịzirel, kụ ọlo esi aḍien iigbia phọ ạmi nyina meefolomi bọ oomo areelhe lọ nyina ẹghi.

Iiḍighi 7:51

“Nyina aweye oḅom ẹmhu rꞌịikpara iloghi dị ḍụghum rẹ́naghan ghan. Nyina rebeeghi ghan rꞌUwaloor Iigbia phọ oomo amem, ịdipho ạburude ạburude phọ anyina.

Dutoronomi 10:16

Kụ iḍighi kụ iḍuna yogh iloghi phọ anyina ẹwile oḅom ẹmhu,

Dutoronomi 3:18

“Eniin amem mọ mị ụḅeni ni bịdi ịtooghi phọ ịphen: ‘Ọmoogh-we phọ Ẹnaan phọ anyina mịngo inyina de phọ ạḍien ạga emitenom ạJodan mọ ịtol. Nyịidipho ịnyaaghian ịlo ẹgham ẹḅeeny ephun ḍịeri phọ ạḍighaagh phọ kụ ekori ghan ịpheri phọ arughunughun phọ Ịzirel ọloghonaan ạḍighaagh bịdi kọrol de phọ ạbidi.

Dutoronomi 31:27

Mị alegheri ni mọ nyina awe ịgbagharan rꞌoḅom ẹmhu. Ịitughian ghan. Ghạlamo rꞌarodon phọ ạḍien mị odi bọ ni rꞌanyina, nyina awe ịgbagharan rꞌoḅom ẹmhu, kụ ẹghiom nụun ologhi mem lọ mị mamugh.

Dutoronomi 9:13

“Kụ Ọmoogh-we phọ ạḅile kẹn ụḅeni ịmi mọ, ‘Mị rạmiin ni we phọ ạbuen. Bịdi awe oḅom ẹmhu.

Dutoronomi 9:24

Nyina awe oḅom ẹmhu esi Ọmoogh-we phọ, emiigh kꞌaḍio phọ mị ilegheri bọ inyina.