Dutoronomi 9:5 - Ạḍinya Iigbia

⁵ Ọ́tuan ruukuan anyina rꞌịdi iloghi anyina eseleman kụ nyina rẹki bọ ọmoogh ade phọ ạbidi. Aloor esi ạsipioghom ạramha phọ kụ iḍighi bọ ịdi Ọmoogh-we Ẹnaan phọ anyina raporogh bọ bịdi kạsighe egbodo anyina, ọbo ọdi ạkparami ikpo ọnhu phọ ọdi, ịdipho dị aghunya bọ esi ạburude phọ anyina ạngo Ebraham, Ạizik rꞌạJekob.

Dutoronomi 9:5 Iomraidhean Croise

Emiighom 12:7

Ọmoogh-we phọ amite ni egaan esi Ebram kụ ạḅeni nyọdi mọ, “Ḍịen kụ ade phọ mị kạngo bọ ẹemara ẹemara phọ ạna.” Kụ ọdi ạkan enmeny ạrikia ọloghom eghuan Ọmoogh-we phọ amitenaan bọ nyọdi sịphe phọ.

Emiighom 13:15

Oomo ade phọ ạḍien nạ rạmiin bọ mị kạngo nyịna rꞌẹemara ẹemara ạna kụ keḍighi ẹlo ạna kꞌagee-pọ.

Emiighom 15:16

Keḍighi ni inya oghiil kụ ẹemara ẹemara phọ ạna oḅula sịen phọ, loor esi dị mị káporogh Ạmorait phọ, tụtu ọḅaar ẹmhu phọ ạbidi ạbugh asi esi dị kótue ọbile dị ụliom bịdi.”

Emiighom 15:7

Kụ Ọmoogh-we phọ ạḅile ạḅeni nyọdi, “Mị kụ Ọmoogh-we phọ ọpo ạsighe bọ nyịna ẹpe Ur ẹmha phọ ạBabilon amitiom ọngo ạna de phọ ạḍien mọ mọogh.”

Emiighom 17:8

Mị kạngo nyịna rꞌẹemara ẹemara phọ ạna de phọ ạḍien nạ aḍighi bọ ooruen nyịidipho; oomo ade phọ aKenan keḍighi ḍịo ana kꞌagee-pọ kụ mị aḍighi Ẹnaan ạbidi.”

Emiighom 19:29

Rẹteeny bọ mem dị kopiemi rạmha phọ rꞌarere phọ ẹpe ạLot arugh bọ, kụ Ẹnaan ẹetughian Ebraham kụ ẹngo ẹereegh Lọt osuma ọghi ekpisi dị ịiḅaghami phọ kési.

Emiighom 26:4

Kụ mị aḍighi ịdi ạnmuny phọ ạna kọmar omuzeḍi ịdipho ạraanaan phọ edi bọ kꞌạke phọ, kụ mị ạsighe oomo ạramha phọ ịphen ạngo nmụny ạna. Kọtuan nmụny ạna kụ ọseph oomo areelhe ịsien aḅirini phọ,

Emiighom 28:13

Kụ pạ phọ Ọmoogh-we phọ ạmeera ni ọogaany ạmi kụ ạḅem mọ, “Mị Ọmoogh-we phọ ni, Ẹnaan phọ Ebraham rꞌẠizik. De phọ ạḍien nạ ạmina bọ mị mạngo nyịna rꞌạnmuny ạna.

Ẹḍua 32:13

Tụutughian Ebraham rꞌẠizik rꞌỊzirel, abutelhedom mọ ạna, bụphe nạ ạtuan bọ kụ aghunya rꞌaloor, kụ ạḅeni bịdi mọ, ‘Mị kạbughe ni ọophi anyina ịdipho ạraanaan phọ edi bọ ẹpe okuaḍio; kụ oomo phọ ade phọ ạḍien mị aguanaan bọ ọngo oghiil anyina kẹtol ḍịo anyina kꞌagee-pọ.’”

Izikiel 20:14

Kụ ọlo mị úḍighi, loor esi dị ịpe mituom roofola ḍien phọ ạmi igbo areelhe phọ ịpe mịmiin bọ ịmi dị aḍiemiom Ịzirel amitiom Ijipt.

Izikiel 36:22

“Nyịidipho ḅẹni weye Ịzirel phọ dom mọ mị Ọmoogh-we dị ạmoogh oomo ịikpo ạmooghaan bọ bịdi: Ịpe mị kaḍighi bọ kẹ́mhu anyina awe phọ Ịzirel, kụ ọlo esi aḍien iigbia phọ ạmi nyina meefolomi bọ oomo areelhe lọ nyina ẹghi.

Izikiel 36:32

We Ịzirel, mị rạwa mọ nyina ilegheri mọ mị ụ́tuan inyina kụ raḍighi bọ oomo phọ ịphen. Mị rạwa mọ nyina iloghoma umugholoor rꞌaroofola ịpe nyina meḍighi bọ. Mị Ọmoogh-we dị ạmoogh oomo ịikpo kụ mạḅem.”

Lịvitikos 18:24

“Ị́ipuan ghan siloor anyina esi oomo ạraraar phọ ịphen. Areelhe phọ nyina rẹki bọ mọopuan siloor ạbidi esi oomo ạraraar phọ ịphen phọ. Kụ iḍighi kụ mị kaporogh bọ bịdi ạwalalami ạsighiogh.

Lịvitikos 18:25

Ade phọ kẹn mẹphuph aani, kụ mị ạtu bọ ạsighe ịkaraph phọ ạḅam ẹmhu ạbidi, kụ ade phọ rꞌaloor mekuḅa bụphe orugh bọ ezuughi.

Maika 7:20

Nạ kaḍeenaan ọmeeraam rꞌẹphomoghian oomo amem weye ạna, bụo ẹemara Ebraham rꞌạJekob, ịdipho nạ aguanaan bọ bụrude ạburude ayoor mem dị meten.

Iiḍighi 3:25

Nyina kụ ạnmuny ariil phọ. Nyina kụ kele erua ịyo phọ ịpe Ẹnaan rꞌạburude ạburude phọ anyina oghiran bọ. ‘Kọtuan ẹemara ạna kụ ọngo ḍịseph oomo arughunughun aḅirini phọ’, ịdipho Ẹnaan ẹḅeni bọ Ebraham.

Bụo aRom 11:28

Ịdipho bụo aJu phọ oghel bọ ooḅi ọghaaph phọ, Ẹnaan mẹlhogh bịdi ḍien, ọbo eepoogh imitenaan inyina aruuruen phọ. Kụ ọtuan ịdipho Ẹnaan ẹsaḅar bọ bụo aJu phọ ẹsighe, ọdi akol li ẹmhu abugbogh ạburude phọ ạbidi ạloghoma aani bịdi.

Bụo aRom 15:8

ịdi eḍighi bọ mị rịḅeni ghan inyina mọ aKraist aḍighi otelhedom ạbuo aJu phọ oḍeenaan mọ Ẹnaan ẹkpe ni oḍuom ologhi, rꞌọḅile oḍighi oguan phọ dị aguanaan bọ bugbogh ạburude phọ,

Dutoronomi 1:8

Ipogh. Mị miseenaan inyina oomo ade phọ ạḍiphe edi bọ risigh anyina; ịki ẹmoogh de phọ ạḍiphe Ọmoogh-we phọ aghunya bọ ạngo bụrude phọ anyina, Ebraham, Ạizik rꞌạJekob, rꞌạnmuny phọ ạbidi.’”

Dutoronomi 12:31

Íḍighi ghan ịphen phọ egbodo Ọmoogh-we Ẹnaan phọ anyina. Oomo ịpe eḍighi bọ ḅạphanya risigh Ọmoogh-we phọ, ịpe ekia bọ nyọdi, kụ ịdi bịdi roḍighi ghan kọngo rụmugh phọ ạbidi. Nmụny ạbidi rꞌạnmanyaan ạbidi kụ ịdi bịdi rọsighe ghan koguom nịan ọngo rụmugh phọ ạbidi.

Dutoronomi 18:12

Oomo ạbulo roḍighi yogh ghan ịphen phọ ạḅaphanya ni esi Ọmoogh-we phọ. Loor ẹmhu ạsiḅaphanya phọ ịphen kụ ẹdi Ọmoogh-we Ẹnaan phọ anyina ạtu bọ raporogh bịdi kạsighiogh esomanan anyina.

Dutoronomi 18:9

“Mem lọ nyina ẹghi esi ẹpe ade phọ Ọmoogh-we Ẹnaan phọ anyina rịngo bọ inyina, ị́daph ghan sịḅaphanya phọ ịpe areelhe phọ ạbidi roḍighi bọ eḍighi aani.

Dutoronomi 20:18

ọbo bịdi kịtughemi ghan bọ inyina, bịn nyina ẹtuugh ẹdaph eḍighi aani sịḅaphanya phọ ịpe bịdi roḍighinaan bọ rụmugh phọ ạbidi.

Tạitos 3:5

Ọ́tuan iiḅi iiḍighi dị yira rꞌaloor oḍighi yogh, ạtuan ghụn ọnma ighirigiir phọ ọdi kụ ụphel bọ iyira, loor esi ạmuum mọ uwur bọ iyira ootolom ịkaraph phọ, rꞌemoom ẹmaram rꞌakumoom aghuḍum mọ Uwaloor Iigbia phọ rụngo ghan bọ iyira.