Dutoronomi 9:4 - Ạḍinya Iigbia

⁴ “Mem mọ Ọmoogh-we Ẹnaan phọ anyina kaporogh bọ bịdi ạsighe egbodo phọ anyina, kẹ́ḅem ghan sịphe iloghi phọ anyina mọ aruukuan anyina kụ iḍighi bọ ịdi Ọmoogh-we phọ ịsighe bọ inyina ịlo ọmoogh ade phọ ạḍien, kụ ạri ọdi ạtuan sịpioghom ạramha phọ ịpe kụ aphorogh bọ bịdi egbodo anyina.

Dutoronomi 9:4 Iomraidhean Croise

Emiighom 15:16

Keḍighi ni inya oghiil kụ ẹemara ẹemara phọ ạna oḅula sịen phọ, loor esi dị mị káporogh Ạmorait phọ, tụtu ọḅaar ẹmhu phọ ạbidi ạbugh asi esi dị kótue ọbile dị ụliom bịdi.”

Izikiel 36:22

“Nyịidipho ḅẹni weye Ịzirel phọ dom mọ mị Ọmoogh-we dị ạmoogh oomo ịikpo ạmooghaan bọ bịdi: Ịpe mị kaḍighi bọ kẹ́mhu anyina awe phọ Ịzirel, kụ ọlo esi aḍien iigbia phọ ạmi nyina meefolomi bọ oomo areelhe lọ nyina ẹghi.

Izikiel 36:32

We Ịzirel, mị rạwa mọ nyina ilegheri mọ mị ụ́tuan inyina kụ raḍighi bọ oomo phọ ịphen. Mị rạwa mọ nyina iloghoma umugholoor rꞌaroofola ịpe nyina meḍighi bọ. Mị Ọmoogh-we dị ạmoogh oomo ịikpo kụ mạḅem.”

Lịvitikos 18:3

Keḍighi yogh ịpe bịdi oḍighi yogh bọ ẹpe eelhe phọ Ijipt nyina ẹrol ghan bọ. Íḍighi ghan ịpe bụo aKenan phọ roḍighi yogh bọ, ẹpe mị ịsighe bọ inyina rẹki. Ị́daph ghan iilogh phọ ạbidi.

Bụo aRom 11:20

Ịduon phọ ni, uḅonyon bịdi oroph ịdi eḍighi bọ bịdi úmeeraam, kụ nạ phọ mameeraam bọ odi ni esi phọ ạna. Bịleghi obaga phọ, gona ghụn loor.

Bụo aRom 11:6

Ọdi ạnma ighirigiir, ọ́tuan iiḍighi ạbidi kụ ạsaḅar bọ bịdi. Mọ Ẹnaan rẹtuan ghan iiḍighi kụ kẹsaḅar we ẹsighe, ọbo ọnma ighirigiir ọ́moogh mun ẹmhu.

1 Bụo ạKorint 4:4

Ịduon mị úloghoma bọ apum mọ íḍeenaan mọ mị mạar ụ́piom. Ọmoogh-we phọ kụ alegheri akeel rꞌapum.

1 Bụo ạKorint 4:7

Ạnhian kụ aphophe bọ nyoniin ọnyo anyina apuemi bụeri phọ? Ẹnaan kụ inyina ị́ngo bọ oomo ạraraar phọ nyina ẹmoogh bọ ḍụghum? Kụ eru ni ruunmo, nyina ighol eeghe nụun kụ rebaga ghan bọ?

Dutoronomi 12:31

Íḍighi ghan ịphen phọ egbodo Ọmoogh-we Ẹnaan phọ anyina. Oomo ịpe eḍighi bọ ḅạphanya risigh Ọmoogh-we phọ, ịpe ekia bọ nyọdi, kụ ịdi bịdi roḍighi ghan kọngo rụmugh phọ ạbidi. Nmụny ạbidi rꞌạnmanyaan ạbidi kụ ịdi bịdi rọsighe ghan koguom nịan ọngo rụmugh phọ ạbidi.

Dutoronomi 31:27

Mị alegheri ni mọ nyina awe ịgbagharan rꞌoḅom ẹmhu. Ịitughian ghan. Ghạlamo rꞌarodon phọ ạḍien mị odi bọ ni rꞌanyina, nyina awe ịgbagharan rꞌoḅom ẹmhu, kụ ẹghiom nụun ologhi mem lọ mị mamugh.

Dutoronomi 8:17

Igona siloor anyina, ọbo nyina kẹḅem ghan bọ sịphe iloghi phọ anyina mọ, ‘Ịikpo ayoor rꞌịnyaam ạraghaagh ayoor kụ ịngo bọ iyoor ẹelha phọ ẹphen.’

Dutoronomi 9:24

Nyina awe oḅom ẹmhu esi Ọmoogh-we phọ, emiigh kꞌaḍio phọ mị ilegheri bọ inyina.

Dutoronomi 9:5

Ọ́tuan ruukuan anyina rꞌịdi iloghi anyina eseleman kụ nyina rẹki bọ ọmoogh ade phọ ạbidi. Aloor esi ạsipioghom ạramha phọ kụ iḍighi bọ ịdi Ọmoogh-we Ẹnaan phọ anyina raporogh bọ bịdi kạsighe egbodo anyina, ọbo ọdi ạkparami ikpo ọnhu phọ ọdi, ịdipho dị aghunya bọ esi ạburude phọ anyina ạngo Ebraham, Ạizik rꞌạJekob.

Dutoronomi 9:7

“Ịitughian ghan ịpe nyina eḍighi bọ kụ ẹtu bọ ẹghagh ologhi Ọmoogh-we Ẹnaan phọ anyina ẹpe ẹdala phọ. Emiigh kꞌaḍio phọ ạḍiphe nyina ẹḍua bọ ẹpe ade phọ Ijipt eru esi sịen, nyina ẹmoogh oḅom ẹmhu esi Ọmoogh-we phọ.

2 Timoti 1:9

Ọdi ọ́tuan iiḍighi phọ ayira kụ ụphel bọ iyira ạḅile bọ ụmagh iyira aḍighi weye phọ ọdi. Ẹnaan ịsighe ni ọnma ighirigiir phọ ọdi kụ ẹtooghiom bọ kꞌagediidi mọ yira phọ mọḅophoghan bọ rꞌạJizos Kraist ọmoogh ooḅi ọghor.