Dutoronomi 9:3 - Ạḍinya Iigbia

³ Ilegheri ḍio phọ arodon mọ ọpo riḍiemiom bọ inyina ịdipho ạnian ọnuza, ọdi kụ Ọmoogh-we Ẹnaan phọ anyina. Ọdi kapiemi ni bịdi asooromi, bịdi ọtol eeḍian anyina; kụ nyina eporogh bịdi ọḍuaghu, kụ nyina eegborion epiemi bịdi, ịdipho Ọmoogh-we phọ iguanaan bọ inyina.

Dutoronomi 9:3 Iomraidhean Croise

Ẹḍua 23:23

Ọokpaany phọ ạmi kiḍiemiom ni inyina ạḅile ịsighe inyina asiemi rạmha Ạmorait rꞌạHitait rꞌạPerezait rꞌaKenanait rꞌaHivait rꞌaJebusait phọ, ḅịle mị kaagulemi ni bịdi.

Azaya 27:4

Mị rạ́kagham mun ologhi ozo iimuma avain phọ. Eru mạar dị iitoor rꞌaruuḅurom bịn kụ ẹrol sịphe eenan, pọ mị muguom bịdi nịan ạmadan.

Azaya 30:27

Rọmiin ghan ni ịikpo rꞌeegu Ọmoogh-we phọ kꞌesi dị ẹkel. Ạnian rꞌạmughi kụ reḍeenaan ghan ọghagh ologhi ọdi. Ọdi ạḅa ikpo ọnhu reemor ghan ịdipho ạnian.

Azaya 30:30

Ọmoogh-we phọ kaḍighi ni ịdi tọrobo oye kạnaghan ẹḍogh igbogh phọ ọdi kụ aloghoma ịikpo ọghagh ologhi phọ ọdi. Asinem ạnian, ekperenom ogbogh ọlophia, iiḅoghoḍi ibikpo, rꞌoghim kẹtol li.

Azaya 30:33

Mem dị meten ebia, uukolobian ni ekpisi dị aḍiboom ạnian kele ọdaam eelhe phọ Asiria. Esi phọ ẹkel kụ ẹtegh, kụ okpol egu ịpe ḍi aḍiphooghu Ọmoogh-we phọ kẹkpooniom nịan.

Azaya 33:14

Abuḍighinom ịkaraph awe phọ ạZayon ropiigha ni rꞌaḍiigu. Bịdi ọḅem mọ, “Ọoruen Ẹnaan ạkigh nịan dị reemor ghan kꞌagee-pọ. Rꞌoniin katue ni akpetenaan nịan dị ẹrol ịdipho ḍụghum?”

Maika 2:13

Ẹnaan kekughuron eten ẹngo bịdi kụ eḍiemiom bịdi omite esi ạdol iiruen. Bịdi kọka rughuugh ẹmha phọ omite ọtol dọl ẹereegh. Ọdaam ạbidi Ọmoogh-we phọ rꞌaloor kaḍiemiom bịdi amitenom.

Matiu 15:10

Kụ ạJizos ạmagh ḍita awe phọ, kụ ạḅeni mọ, “Ịnaghan ẹḅile elegheri!

Elegh ạMak 7:14

Kụ ạJizos ạḅile kẹn ạmagh we phọ, kụ ạḅeni bịdi mọ, “Oomo phọ anyina, iler rụru ịnaghanam ịmi.

Bụo aRom 8:31

Kọkaaph ika ịphen ighonoghian bọ iyira? Ịdipho Ẹnaan idianaan bọ ni iyira, ạnhian kụ kụmerenyan bọ iyira?

Bụo ạEfesos 5:17

Kéyeela. Ịkparami ghan ghụn ẹwa elegheri ịpe Ọmoogh-we phọ rạwa bọ mọ iḍighi ghan phọ.

Dutoronomi 1:30

Ọmoogh-we Ẹnaan phọ anyina iḍiemiom bọ inyina kieenaan ni inyina, ạḅile aḍighi risigh anyina oomo ịpe ọdi aḍighi bọ ẹpe Ijipt.

Dutoronomi 20:1

“Tọro amem lọ nyina ẹghi ee ẹgham rꞌạbumulogh-ḍien phọ anyina kụ nyina ẹmiin rụsu-ịnam rꞌarughuugh-ude rꞌawe ẹgham mọ ạbidi ọbugh opu bụen anyina, kékiilaan bịdi, ịdi eḍighi bọ Ọmoogh-we Ẹnaan phọ anyina odi ni rꞌanyina, ọpo ịsighe bọ inyina ẹpe ade phọ Ijipt ạḍuanam.

Dutoronomi 20:4

ịdi eḍighi bọ Ọmoogh-we Ẹnaan phọ anyina kụ rạki ni eenaan anyina bụmulogh-ḍien phọ anyina, ọphel anyina ọsighe.’

Dutoronomi 4:24

ịdi eḍighi bọ Ọmoogh-we Ẹnaan phọ anyina ạnian ọnuza. Ọdi Ẹnaan dị ótiran roḅopha.

Dutoronomi 7:16

Kụ nyina epiemi oomo awe phọ ạbuphe Ọmoogh-we Ẹnaan phọ anyina katorori bọ ạlogh ḍịghaagh anyina. Bịdi kúḍigh ighirigiir esi anyina.

Dutoronomi 7:22

Ọmoogh-we Ẹnaan phọ anyina kaporogh ni rạmha phọ edi bọ risigh anyina ẹnum, ẹnum ạsighiogh. Képiemi ghan bịdi egina amem, ọbo ịnam eḍum mọ ketu ghan bọ bịn emuza.

Dutoronomi 9:6

Ilegheri mọ Ọmoogh-we Ẹnaan phọ anyina ọ́tuan ruukuan anyina kụ rịngo inyina ịma ade phọ ạḍiphe phọ mọ ịmoogh: nyina awe oḅom ẹmhu.

2 Bụo ạTesalonika 1:8

Ọdi kạsighe nem ạnian kụ anuemom bụphe Ẹnaan úlegheri bọ, rꞌạbuphe rọ́naghanan ghan bọ ooḅi ọghaaph phọ ạJizos Ọmoogh-we phọ ayira.

Bụo aHibru 12:29

ịdi eḍighi bọ Ẹnaan phọ ayira ạnian ẹpueghi.

Josua 11:12

Oomo ạramha ạbudaam mọ ịphen rꞌạbudaam mọ ạbidi, aJosua ạsighe eḍume elhool ẹgham aphiemiom bịdi, ịdipho aMozis otelhedom mọ Ọmoogh-we phọ ạto bọ ạngo nyọdi.

Josua 11:8

Kụ Ọmoogh-we phọ ạḅogh bịdi ạngo we Ịzirel, kụ ọze bịdi, ophorogh bịdi ọghi osiemi kꞌẹpe Ogbogh aSaidon, osiemi ẹpe Misrefot Maim, osiemi ẹpe erumuḍio phọ remite ghan bọ, osiemi kꞌẹpe okol phọ aMizpa kụ ọze bịdi ọmadan rꞌoye úsugheeny.

Josua 14:12

Kụ iḍighi ụngo ịmi roogbolom mọ ịphen, ịpe Ọmoogh-we phọ ạghaaph bọ ḍio phọ ạḍiphe nạ ạnaghan bọ ni, mem mọ ạmuphe Anakim phọ odoghoḍi ni rạmha phọ ạbidi ọkparami. Ạgama keḍighi ni ịdi Ọmoogh-we phọ kụrolonaan ịmi kụ mị aporogh bịdi ạsighiogh ịdipho Ọmoogh-we phọ ạḅem bọ.”

Josua 3:11

Ipogh, Igbe Ịyo phọ Ẹnaan phọ ẹmoogh bọ oomo aḅirini phọ kụ kẹpur ịḅeeny inyina Jọdan epun.

Josua 3:14

Iḍighi mem ibugha kụ aḍigho eḍigh ọphiiny phọ. Mem dị awe phọ ọḍuaghu sịphe rugbogo phọ ọḅeeny ạJodan, ariil ạrikia phọ kụ uḍia ọpham Igbe Ịyo phọ. Egina amem ịdipho ariil ạrikia phọ ọdaari ẹda bọ sịphe ọphiiny phọ

Bụo Ịiruen 4:14

Kụ aDebora ạḅeni Bạrak mọ, “Ụgua, ḅetenu. Rodon kụ ẹdi Ọmoogh-we phọ mạḅogh Sisera ạngo nyịna. Ọdi kụ nyịna káḍiemiom ḍụghum?” Kụ ạBarak ạḍua ẹpe Eegum aTabor rꞌiḍioph ọonir awe phọ ọdaph bọ nyọdi.