Dutoronomi 9:2 - Ạḍinya Iigbia

² Nyina elegheri nmụny phọ Anakim, we phọ ạbuphe orugh ghan ẹpe phọ, ịdi bịdi ọbughogh opophogh. Nyina rẹnaghan ghan ni ịpe rọḅem ghan bọ mọ, ‘Ạnhian kụ katue ạmeera egbodo ạnmuny phọ Anakim.’

Dutoronomi 9:2 Iomraidhean Croise

Job 11:10

Eḍighi ịyaar dị Ẹnaan esiph nyịna ẹmeremi esi ịiruen, ạnhian kụ katue akikima nyọdi?

Ẹḍua 9:11

Bụo ịiḍaany phọ útue mun ụ́meera egbodo aMozis loor arufuku phọ, ịdi eḍighi bọ arufuku phọ ịḅologh ni oomo ạbidi, awe ịmiin phọ rꞌoomo awe phọ Ijipt.

Dạniel 11:16

Ọlo ạSiria phọ kaḍighom rꞌẹekpara ekpeḍien kaḍighi bịdi ịlo ẹḅeeraan nyọdi, oye kámirighan nyọdi. Ọdi kạmeera ni sịphe Ade phọ Oguanaan bọ kụ akpobiom rꞌịikpo phọ ọdi.

Dạniel 8:4

Mị ụmiin dị odughuna phọ rạkuloghom ghan rạphaal ọdi kạghiom ẹpe emeelom erumuḍio phọ, rꞌẹpe ephunom mọ, rꞌẹpe esoorom mọ. Ẹnam ílho dị erue ekikima nyọdi mụghumo okpetenaan ịikpo ọdi. Ọdi aḍighi ghan tọrobo ịlo ẹḅeeraan nyọdi ạḅile aphoophe loor.

Ẹmos 2:9

“Ilegheri, weye ạmi, mọ loor ẹmhu anyina kụ ẹdi mị ạtuan kụ aphiemi we phọ Ạmorait, we dị ophoph ịdipho ọsaga kụ ọkpar ịikpo ịdipho ạsiogh.

Nẹhum 1:6

Mem dị ophin ologhi odianaan nyọdi, ạnhian kụ kakpetenaan? Ọdi raakuom ghan ophin ologhi ọdi mụdi anem ạnian; asighiigh eetughuḍian eten ophugh ghisigh ọdi.

Igbiighi 13:22

Kụ bịdi ọghi ạga esoorom mọ, kụ ọghi osi Hẹbron. Ẹpe kụ ẹdi Ahiman, aSesai rꞌaTalmai, ạnmuny phọ Anak orugh bọ. (Mọlhogh Hẹbron oḍual ạsia eten, kụ ogbi ọlogh Zoan ẹpe Ijipt.)

Igbiighi 13:28

Awe phọ orugh bọ ẹpe ade phọ awe ịikpo. Odoghoḍi ni rạmha phọ ạbidi ọkuami, kụ ạramha phọ ạbidi ẹbughogh. Omuton ịphen phọ, yoor ụmiin ni ọto Anak ẹpe phọ.

Igbiighi 13:33

Yoor ụmiin kẹn ni ẹpe phọ ịgbagara arephelegbe phọ, ạnmuny phọ Anak; yoor uloghoma dị oghom ịdipho asuogh-aben, kụ ịduon kẹn kụ ịdi yoor ọrol esi ạbidi.”

Dutoronomi 1:28

Yoor rọ́ki mun. Abumor phọ ayoor mọphue iloghi ayoor, ụlogh iyoor eepuph, ụḅeni iyoor mọ awe ẹpe kụ ụkpar ọḅile opophogh upu iyoor, ạramha phọ ẹbughogh ọḅiirogh iikpe phọ osiemi kꞌạke; kẹn yoor ụmiin ni weye aḍigbogh aḍimite ẹpe phọ.’

Dutoronomi 2:21

Bịdi ịgbagara awe, oḍiza, opophogh ịdipho awe phọ Anakim, kụ Ọmoogh-we phọ aphiemi bịdi aagulemi egbodo awe Amon phọ, kụ bịdi ạarom bịdi de phọ orugh.

Dutoronomi 7:24

kụ atorori rạalha ạramha phọ ạbidi ạlogh ḍịghaagh anyina kụ nyina ephiemi siḍien phọ ạbidi sịen aḅirini phọ. Oye dị kạmeera egbodo anyina ólho, tụtu nyina ephiemi bịdi ẹman.

Josua 11:21

AJosua ạghi mem mọ ạmuphe phọ kụ aphiemi Anakim mọ ạmadan ẹpe aroogbolom mọ, emiigh Hẹbron ẹghi esi Debir ẹḍua Anab ọghi osi oomo aroogbolom mọ aJuda rꞌỊzirel. AJosua aphiemi bịdi rꞌoomo ạramha phọ ạbidi.

Josua 11:22

Rꞌoniin ọlo Anakim dị osugheeny ẹpe ade phọ awe phọ Ịzirel ọ́rol, omuton ẹpe Gaza, Gạt rꞌẹpe Ạsdod kụ arikpisi dị ẹphurukpu awe osugha.

Josua 15:14

Kụ ạKeleb aphorogh ịraar ạnmuny Anak ạsighiogh: Sesai, Ahiman rꞌaTalmai. Bịdi ụḍua ni ọkuruḅaka Anak kụ omite.