Dutoronomi 9:19 - Ạḍinya Iigbia

¹⁹ Kụ mị ughiilaan ni ịpe rẹeḅaghami bọ kụ Ọmoogh-we phọ ạghagh bọ ologhi ịlo ophiemi anyina, kụ Ọmoogh-we phọ ạḅile ụnaghanan bọ ịmi mem mọ ạmuphe.

Dutoronomi 9:19 Iomraidhean Croise

Dutoronomi 10:10

“Kụ mị ạḅile ạrol ẹpe eegum mọ, ịdipho ẹḅel amem mọ, rꞌinyadi aḍughul-otu. Kụ Ọmoogh-we phọ ạḅile ụnaghanan ịmi mem mọ ạmuphe, kụ Ọmoogh-we phọ inyina íphiemi bọ.

Ạsuor 99:6

AMozis rꞌEeron kụ ariil ạrikia ọdi, kụ ạSamuel oniin ọdi ạaḅereghi ghan nyọdi. Bịdi ụmagh ni Ọmoogh-we phọ kụ ọdi ạnaghanan bịdi.

Ẹḍua 33:17

Ọmoogh-we phọ ạḅeni Mozis mọ, “Mị kạtuugh ni aḍighi ịdipho nạ mạlhom bọ. Mị alegheri ni nyịna akuphom owol kụ nạ ụḅeeraan ni ịmi.”

Ẹḍua 32:14

Kụ Ọmoogh-we phọ anme ologhi ọdi, kụ ạwilenaan we phọ ọdi ịpe ọdi ạwa bọ oḍighi phọ.

Ạsuor 106:23

Mem dị Ẹnaan ẹḅem mọ ọno kapiemi we ọno, aMozis otelhedom mọ ọdi ạsaḅar bọ ómeera mọ Ẹnaan ephiemi we phọ kụ asophoghom ophin ologhi phọ ọdi.

Dutoronomi 9:8

Ghạlamo rꞌẹpe Eegum aSainai bịn nyina iḍighi ni ịdi ẹghagh ologhi Ọmoogh-we phọ, kụ ọdi ạnyaaghian ịlo ophiemi anyina.

Bụo aHibru 12:21

Ịdi esi phọ ẹrol bọ iḍighi ịikia ruugu dị tụtu aMozis ạḅem mọ, “Aloor ạmi repiigha ni loor akuboom aruugu.”

Ẹḍua 34:10

Ọmoogh-we phọ ạḅeni Mozis mọ, “Nyịidipho mị maghiran ịyo rꞌoomo awe phọ Ịzirel. Risigh ạbidi mị kaḍighi ịiḍaany, ịdi kőḍighi ghan sịen aḅirini phọ, kẹn ke̋mite ghan ẹnon eelhe. Oomo awe kọmiin ni ọdo igbogh ạraraar dị mị Ọmoogh-we phọ katue aḍighi loor esi dị mị kaḍighinaan nyịna ịyaar aḍiigu.

Dutoronomi 9:20

Kụ Ọmoogh-we phọ ạghagham ologhi Eeron kụ ạwa ịlo ophiemi ọdi, kụ mị aghol ẹmhu Eeron ạaḅereghi mem mọ ạmuphe.

Dutoronomi 11:17

Bịn Ọmoogh-we phọ mịghagham inyina ologhi bịn akughi okuaḍio phọ bịn ọlophia ọ́lhoph mun bịn ade phọ ísoor mun eḍien, bịn nyina eguul epe emuneen sịphe ịma ade phọ Ọmoogh-we phọ ịngo bọ inyina.

Ạsuor 78:59

Ẹnaan ẹghagham we phọ ọdi ologhi mem dị ọdi ạmiin bọ ịphen phọ, kụ ọdi aghel bịdi ạkpaariom.

Igbiighi 11:2

Kụ awe phọ Ịzirel omoghi ophoghom Mozis ọloghonaan ạḍighaagh kụ ọdi ạaḅereghi Ọmoogh-we phọ kụ ạnian phọ eḍim.

Ạsuor 106:19

Bịdi ọsighe gol kụ ọlemom mọony aḍilephiri ạnam dị oseere sịphe Sainai kụ ooseeny ẹkaaneen ịyaar phọ ẹpe;