Dutoronomi 9:14 - Ạḍinya Iigbia

¹⁴ Ụwile ịmi, mị kapiemi bịdi, agbuurogh ḍien ạbidi ạsighe sịen aḅirini phọ; kụ mị kaḍighi nyịna ọde eboom eelhe dị kẹbugh epu bịdi.’

Dutoronomi 9:14 Iomraidhean Croise

Dutoronomi 29:20

Ọmoogh-we phọ oye phọ ọpo kạ́bilenaan. Ạghelhe phọ Ọmoogh-we phọ rꞌọghagh ologhi phọ ọdi kesoroghuom ni oye phọ ọpo, kụ oomo phọ itulughian phọ ịphen ọge bọ sịen ạḍinya phọ ạḍien esoroghuom oye phọ ọpo, kụ Ọmoogh-we phọ agbuurogh ḍien oye phọ ọpo ạsighe sịen aḅirini phọ.

Ạsuor 9:5

Nạ mạḅaam oomo areelhe phọ kụ apiemi bụo ạsipioghom mọ. Nạ magbuurogh siḍien ạbidi kꞌagee-pọ.

Ogonanami Phọ 3:5

Bụphe kọkpar bọ opu kọkpologhian ịphalaḅaal kụ kọ́ogbirion ḍien ạbidi sịphe ạḍinya ạbuphe odi bọ. Mị kạgba ni amitiom ghisigh Ọde phọ ạmi rꞌạruukpaany phọ ọdi mọ bụphe kọkpar bọ opu ạbuo ạmi ni.

Iiḍighi 7:51

“Nyina aweye oḅom ẹmhu rꞌịikpara iloghi dị ḍụghum rẹ́naghan ghan. Nyina rebeeghi ghan rꞌUwaloor Iigbia phọ oomo amem, ịdipho ạburude ạburude phọ anyina.

Ạsuor 109:13

Oomo ạnmuny ạnmuny ọdi omuughu, kụ ḍien ọdi kụ́utughian esi oghiil dị ratu!

Jerimaya 15:1

Kụ Ọmoogh-we phọ ụḅeni ịmi mọ, “Ghạlamo aMozis rꞌạSamuel kụ uru ni ọmeera sịen kụ ụuḅereghian ịmi, mị kạ́nma ighirigiir weye phọ ạbuen. Ḅẹni bịdi ọḍua; ḅẹni bịdi mọ ọḍua risigh ạmi.

Jerimaya 14:11

Ọmoogh-we phọ ụḅeni ni ịmi mọ, “Ịmi kúpuru ọloghonaan ạḍighaagh weye phọ ạbuen.

Asidogh 10:7

Bugey awe kọotughian mọ ạbidi ạḍiseph; kụ bụkaraph awe, kọnuun ni obula.

Dutoronomi 32:26

Mị ụḅem mọ “Mị kạwalami ni bịdi ạsighe ạkele, kụ mị aḍighi ịdi awe bịdi kọ́otughian ghan mun,”

Ẹzra 9:14

Ika nụun kụ ịdi yoor kọḅile bọ ọḅitonaan ịtooghi phọ ạna kụ oophinighan rꞌịkaraph awe phọ ạbuen? Eru mạar dị yoor ọḅile ọḅitonaan nyịna, nạ kạkagh ni ologhi iboom dị nạ kuphiemi ni iyoor ạmadan kụ kámeera oniin aḍum.

Ạsuor 106:23

Mem dị Ẹnaan ẹḅem mọ ọno kapiemi we ọno, aMozis otelhedom mọ ọdi ạsaḅar bọ ómeera mọ Ẹnaan ephiemi we phọ kụ asophoghom ophin ologhi phọ ọdi.

Jerimaya 7:16

Ọmoogh-we phọ ạḅem mọ, “Jerimaya, kạ́aḅereghinaan weye phọ ạbuen. Kákol ẹmhu ạbidi amoghi mụghumo ọoḅereghi; ịmi kụ́uḅereghian, loor esi dị mị nyịna kạ́naghanan.

Azaya 48:19

Ạnmuny ạnmuny anyina muḍiza mụdi ikpo ịisaar kụ mị mụmiin ni mọ bịdi útue uguulemi.”