Dutoronomi 9:12 - Ạḍinya Iigbia

¹² “Kụ Ọmoogh-we phọ ụḅeni ịmi mọ, ‘Ḅetenu aagborion asoor ạḍua sịen, ịdi eḍighi bọ awe phọ ạna, bụphe nạ ạsighe bọ ạḍuanam ẹpe Ijipt, mọopuan siloor. Bịdi mọgbatanaan ọbile reten phọ ịpe mị ạlogh bọ ologh ạngo bịdi. Bịdi mọḅol igbudu.’

Dutoronomi 9:12 Iomraidhean Croise

Ạsuor 78:57

kụ ụḅaar ghan ẹmhu ọḅile ọrol ẹnaghanan ịdipho ạburude phọ ạbidi, úḍuom ologhi mụdi ẹkpina dị eḍogha.

Ẹḍua 13:3

AMozis ạḅeni we phọ Ịzirel mọ, “Ịitughian ghan ḍio phọ arodon. Arodon kụ ẹdi nyina ẹḍua bọ ẹpe Ijipt emite, esi phọ nyina eḍighi bọ rẹbene; ạḍiikpara ạḍighaagh ọdi kụ ẹdi Ọmoogh-we phọ ịsighe bọ inyina amitiom. Íle ghan ạbred lọ ọlogh yist.

Ẹḍua 32:1

Mem dị awe phọ ọmiin mọ aMozis mabia ọḍua ạnyu eegum mọ osoor, bịdi uukpomoghan ni okoom Eeron kụ ọḅeni nyọdi mọ, “Yoor úlegheri ịlo memitenaan Mozis, ọpo ụsighe bọ iyoor ẹpe Ijipt ạpham amitenom. Loor ịduon phọ, ụkaanaan iyoor ẹmugh lọ kiḍiemiom iyoor.”

Hosia 6:4

Kụ ọlo, Ọmoogh-we phọ ạḅem mọ, “Weye Ịzirel rꞌaJuda, mị kiḍighinom bọ inyina eeghe? Ẹphomoghian phọ anyina esi ạmi ọnyam-ọḅatan bịn ụ́miin mun ịdipho ọotu ạḍiroor; rábia ghan mụdi ooto eḅon ạḍiroor.

Bụo aGaletia 1:6

Eḍighi ni iikia esi ạmi dị nyina mẹnuun ịduon rekel nyọpo ạsighe bọ ọghor phọ aKraist ịmagham inyina, kụ mekiton resoman ọnon ooḅi ọghaaph dị kịphel inyina atene.

Dutoronomi 31:29

Mị alegheri ni mọ mị romugh bịn nyina kẹpioghom ni ẹpuenaan siloor anyina, ekiton ẹgbatanaan eten phọ ẹphen mị ạlogh bọ ologh ịngo inyina. Nyina kẹpioghom ni ghisigh Ọmoogh-we phọ, kụ ẹkagh ologhi ọdi loor esi ịpe ạraghaagh phọ anyina reḍighi bọ, kụ ịminimiin isoroghuom inyina, suḍughul-otu phọ ịpe retu bọ.”

Dutoronomi 32:5

Nyina ị́kpianaan mun oghol mọ awe ọdi loor esi ịkaraph phọ anyina, we oghiil dị úseleman.

Dutoronomi 4:16

ọbo nyina kẹepuan ghan bọ siloor anyina, ẹkaaghi rụmugh lọ ẹghigh oye, mꞌolephiri ọony mꞌạnir-ephoph;

Dutoronomi 5:15

Ịitughian ghan mọ nyina iḍighi ni rẹbene ẹpe ade phọ Ijipt kụ Ọmoogh-we Ẹnaan phọ anyina ẹsighe ḍilhom ạḍighaagh phọ ọdi rꞌigbogh ịikpo ịsighenom inyina ạḍuanam. Kụ iḍighi kụ Ọmoogh-we Ẹnaan phọ anyina ạlogh bọ ologh ịḅeni inyina mọ iiko ghan ḍio ophooghian phọ.

Dutoronomi 9:16

kụ mị aphogh, kụ mịin aani, nyina mẹpioman eḍighi ịkaraph ẹki esi Ọmoogh-we Ẹnaan phọ anyina. Nyina mẹḅol nạm ẹsighe eḍighi ẹmugh anyina. Nyina mẹgbatanaan ẹḍua ẹbile eten phọ ẹpe Ọmoogh-we phọ ạlogh bọ ologh ịngo inyina.

Dutoronomi 9:26

Kụ mị ạaḅereghi Ọmoogh-we phọ kụ ạḅeni mọ, ‘Ẹnaan oomo ịikpo, kápiemi we phọ ạna nạ ạmoogh bọ, bụphe nạ ạsighe bọ igbogh phọ ạna ạtagharanam, bụphe nạ ạsighe bọ ḍilhom ạḍighaagh ạḍuanam ẹpe Ijipt.

Dutoronomi 9:29

Kụ bịdi phọ awe ạna dị ạsaḅar ạmoogh, bụphe nạ ạsighe bọ igbogh ịikpo phọ ạna rꞌạḍighaagh iphelegbe phọ ạna nạ azin bọ aḍighi ịdi bịdi ọḍua.’

Ạḍinya dị aJud ạge 1:10

Kụ awe phọ ạbuen phọ rotonyon ghan rạraar lọ epelom olegheri ịyaar phọ ạbidi. Ạruuphua ạdol ịnam mọ ạbidi kụ ọkaraghi ạraraar phọ repiemi bọ bịdi.

Bụo Ịiruen 2:17

Kụ bịdi ụ́naghanan kẹn ni bụo ịiruen phọ ạbidi. Kụ bịdi oyeela yogh rọdaph ghan ịnon ạrumugh, okpuḍian rọoḅereghi. Bịdi ọwile ọdaph areten phọ ịpe ạburude phọ ạbidi orelhe bọ, bụphe ọnaghanam bọ iilogh Ọmoogh-we phọ. Bịdi ụ́daph ịpe phọ kụ roḍighi.