Dutoronomi 9:10 - Ạḍinya Iigbia

¹⁰ Kụ Ọmoogh-we phọ ụngo ịmi ịyal phọ ịdaabili asighiigh phọ ịpe ọdi ạsighe bọ ḍịghaagh ọdi kụ ạgeom. Ịsiphe asighiigh phọ kụ ịdi oomo ikpo ọnhu phọ ịpe ọdi ạghaaphan bọ rꞌanyina ẹpe ạnyu eegum mọ ologhi ạnian phọ, ḍio phọ ạḍiphe ookpomoghan phọ.

Dutoronomi 9:10 Iomraidhean Croise

Ẹḍua 31:18

Mem dị Ẹnaan mẹghaaphan bọ Mozis ẹmadan sịphe Eegum aSainai, ọdi ạngo ni nyọdi ịyal ịdaabili aḍighiigh phọ Ẹnaan rꞌaloor kụ ạge bọ iilogh phọ.

Matiu 12:28

Uwaloor Ẹnaan kụ ụngo bọ ịmi ịikpo ophoroghom aruru phọ. Ịduon phọ reḍeenaan ghan mọ ọmar phọ kꞌẸnaan maru ni sịen ogbo phọ anyina, kụ nyina ílegheri.

Elegh aLuk 11:20

Ịikpo phọ Ẹnaan kụ ẹdi mị ạsighe bọ raporoghom ruru phọ. Kụ ịduon phọ reḍeenaan ghan mọ ọmar phọ kꞌẸnaan maru ni sịen ogbo phọ anyina, kụ nyina ílegheri.

2 Bụo ạKorint 3:3

Oomo awe phọ rọmiin ni mọ nyina kụ ạḍinya phọ aKraist yoor ọsighe bọ oruom aḅirini phọ. Ḍịnya phọ ụ́ge loor eeḅoghoḍi aḍighiigh, ụge ghụn sịphe iloghi phọ awe. Ụ́geom iki, ụgeom ghụn Uwaloor Ẹnaan phọ edi ghan bọ.

Dutoronomi 10:4

Kụ Ọmoogh-we phọ ạḅile ạge ḍioph phọ iilogh phọ sịphe aloor asighiigh phọ ịdipho ịḅel phọ ịpe ọdi ạrol bọ ologhi ạnian phọ sịphe eegum mọ kụ ạghaaph bọ ịḅeni inyina ḍio phọ ạḍiphe nyina eekpomoghan bọ, ạsighe ụngo ịmi.

Dutoronomi 18:16

“Ḍio phọ ạḍiphe nyina eekpomoghan bọ ẹpe Eegum aSainai, nyina ẹeḅereghi bọ Ọmoogh-we Ẹnaan phọ anyina ẹḅem ghan mọ, ‘Seseeny, yoor kụ́naghan mun ẹḍogh phọ ạna, yoor kụ́miin mun ḍiboom mọ ạnian phọ ạḍien ọbo yoor komugh ghan bọ.’

Bụo aHibru 8:10

Nyịidipho ịphen kụ ịyo phọ mị kakiran bọ rꞌaweye phọ Ịzirel, riiḍio phọ ịpe retu bọ. Mị kạsighe iilogh phọ ạmi, ạlogh sịphe ịitughian phọ ạbidi, kụ ạgeeghi sịphe iloghi phọ ạbidi. Mị kaḍighi Ẹnaan ạbidi, kụ bịdi oḍighi weye ạmi.