Dutoronomi 9:1 - Ạḍinya Iigbia

¹ “Ịnaghan Ịzirel, rodon nyina kẹḅeeny Jọdan epun, ọghi ọmoogh areelhe dị ẹbugh ipu inyina, iboom ạramha dị ẹbugh kụ okoonyogh okitonom kụ epoph kꞌẹpe ạnyu.

Dutoronomi 9:1 Iomraidhean Croise

Emiighom 11:4

Kụ bịdi ọḅem mọ, “Nyịidipho ọlogh otu ẹmha ẹedaneen dị kasi okuaḍio phọ pịdi yira omitiom ḍien ḅịle kọ́walala sịen aḅirini phọ.”

Ẹḍua 32:1

Mem dị awe phọ ọmiin mọ aMozis mabia ọḍua ạnyu eegum mọ osoor, bịdi uukpomoghan ni okoom Eeron kụ ọḅeni nyọdi mọ, “Yoor úlegheri ịlo memitenaan Mozis, ọpo ụsighe bọ iyoor ẹpe Ijipt ạpham amitenom. Loor ịduon phọ, ụkaanaan iyoor ẹmugh lọ kiḍiemiom iyoor.”

Dạniel 4:11

Oreeny phọ aphoph kụ ạbugh tụtu akara okuaḍio dị tọrobo oye sịen aḅirini phọ kạmiin.

Ẹmos 2:9

“Ilegheri, weye ạmi, mọ loor ẹmhu anyina kụ ẹdi mị ạtuan kụ aphiemi we phọ Ạmorait, we dị ophoph ịdipho ọsaga kụ ọkpar ịikpo ịdipho ạsiogh.

Igbiighi 13:22

Kụ bịdi ọghi ạga esoorom mọ, kụ ọghi osi Hẹbron. Ẹpe kụ ẹdi Ahiman, aSesai rꞌaTalmai, ạnmuny phọ Anak orugh bọ. (Mọlhogh Hẹbron oḍual ạsia eten, kụ ogbi ọlogh Zoan ẹpe Ijipt.)

Igbiighi 33:51

“Kạaph ạḅeni we phọ Ịzirel mọ, ‘Mem dị nyina metenom Jọdan ọghi osi ẹpe ade phọ aKenan,

Dutoronomi 1:28

Yoor rọ́ki mun. Abumor phọ ayoor mọphue iloghi ayoor, ụlogh iyoor eepuph, ụḅeni iyoor mọ awe ẹpe kụ ụkpar ọḅile opophogh upu iyoor, ạramha phọ ẹbughogh ọḅiirogh iikpe phọ osiemi kꞌạke; kẹn yoor ụmiin ni weye aḍigbogh aḍimite ẹpe phọ.’

Dutoronomi 11:23

pụruku Ọmoogh-we phọ kaporogh bụo oomo areelhe phọ ịpe edi bọ risigh anyina, kụ nyina ẹmoogh rạmha phọ ẹbugh bọ ipu inyina, eḍiza ipu inyina.

Dutoronomi 11:31

Nyina kẹḅeeny Jọdan epun, kụ ẹki ẹteeny de phọ ạḍiphe nyina rẹki bọ ọmoogh phọ, ḍịphe Ọmoogh-we Ẹnaan phọ anyina ịngo bọ inyina mọ ịmoogh phọ, erughogh sịphe.

Dutoronomi 27:2

Kụ egbi ọteeny aḍio phọ ạḍiphe nyina kẹḅeeny bọ Jọdan epun ẹki esi ẹpe ade phọ Ọmoogh-we Ẹnaan phọ anyina ịngo bọ inyina, ekori egimogh igbogh asighiigh ẹsighe ạḅay egbulogh,

Dutoronomi 3:18

“Eniin amem mọ mị ụḅeni ni bịdi ịtooghi phọ ịphen: ‘Ọmoogh-we phọ Ẹnaan phọ anyina mịngo inyina de phọ ạḍien ạga emitenom ạJodan mọ ịtol. Nyịidipho ịnyaaghian ịlo ẹgham ẹḅeeny ephun ḍịeri phọ ạḍighaagh phọ kụ ekori ghan ịpheri phọ arughunughun phọ Ịzirel ọloghonaan ạḍighaagh bịdi kọrol de phọ ạbidi.

Dutoronomi 4:1

Kụ aMozis ạḅeni we phọ Ịzirel mọ, “Nyịidipho iler rụru ẹnaghanan oomo iilogh phọ rꞌịiruen phọ ịpe mị ịtughemi bọ inyina, ịpe nyina keḍighi ghan bọ ọbo nyina ẹrol ẹghelom de phọ ạḍiphe Ọmoogh-we Ẹnaan ạburude phọ anyina rịngo bọ inyina.

Dutoronomi 4:38

Aphorogh rạmha dị ẹbugh kụ ẹmoogh ịikpo ipu inyina, ạsighe de phọ ạbidi egbodo anyina, ịsighe inyina ạlogh, ạsighe de phọ ạbidi ịngo inyina mọ ịmoogh, ịduon edi bọ kꞌarodon.

Dutoronomi 6:10

“Mem dị Ọmoogh-we Ẹnaan phọ anyina ịsighe inyina asiemi ẹpe ade phọ dị aghunya bọ ạngo bụrude phọ anyina Ebraham, Ạizik rꞌạJekob, ọngo anyina rạmha phọ ẹbugh bọ kụ ẹnighe, rạmha phọ nyina kụ ị́logh bọ,

Dutoronomi 7:1

“Mem mọ Ọmoogh-we Ẹnaan phọ anyina kịsighe bọ inyina asiemi ịlo nyina kẹmoogh bọ de phọ, kụ kạboor bọ ịminighan areelhe ạsighiogh egbodo anyina, bụo ạHitait rꞌaGirgasait rꞌẠmorait rꞌaKenanait rꞌạPerezait rꞌaHivait rꞌaJebusait, oḍual areelhe dị ẹbugh ẹmoogh ịikpo ipu inyina;

Josua 1:11

mọ ọḍua ogbogo oten ogbogo kụ ọḅeni we phọ Ịzirel mọ, “Iikoroghian riiḍien lọ nyina kele, ịdi eḍighi bọ esi ịraar aḍughul-otu yira kọḅeeny Jọdan opun, ọki ọsighe de phọ ạḍiphe Ọmoogh-we Ẹnaan phọ anyina ịngo bọ inyina mọ ịmoogh.”

Josua 1:15

tụtu bịdi oḍigh aani ọrol de phọ ạḍiphe edi bọ ạga emeelom ạJodan phọ, ḍịphe Ọmoogh-we Ẹnaan phọ anyina rạngo bọ bịdi. Mem dị ọdi mạmaar aseere oomo arughunughun phọ Ịzirel, kụ nyina egbi oḅula sịen ọghelom ade phọ ạḍien ạga emitenom ạJodan, ḍịphe aMozis otelhedom mọ Ọmoogh-we phọ ịngo bọ inyina.”

Josua 14:12

Kụ iḍighi ụngo ịmi roogbolom mọ ịphen, ịpe Ọmoogh-we phọ ạghaaph bọ ḍio phọ ạḍiphe nạ ạnaghan bọ ni, mem mọ ạmuphe Anakim phọ odoghoḍi ni rạmha phọ ạbidi ọkparami. Ạgama keḍighi ni ịdi Ọmoogh-we phọ kụrolonaan ịmi kụ mị aporogh bịdi ạsighiogh ịdipho Ọmoogh-we phọ ạḅem bọ.”

Josua 3:14

Iḍighi mem ibugha kụ aḍigho eḍigh ọphiiny phọ. Mem dị awe phọ ọḍuaghu sịphe rugbogo phọ ọḅeeny ạJodan, ariil ạrikia phọ kụ uḍia ọpham Igbe Ịyo phọ. Egina amem ịdipho ariil ạrikia phọ ọdaari ẹda bọ sịphe ọphiiny phọ

Josua 3:16

ạmuum mọ asophe okil bịn akpolan eḅum kꞌẹpe ogbo ọphiiny sịphe Ạdam, ẹmha dị edi ọogaany aZaretan; kụ ekiilom ạmuphe rasoor bọ kaḍigh Ọphiiny-Ạla phọ ẹkar bịn esophaan: kụ awe phọ oru ọḅeeny ophun esi dị etuman Jeriko.

Josua 3:6

AJosua ạḅeni bụpinyon rịkia phọ mọ, “Ịsighe Igbe Ịyo phọ erool eḍiemiom we phọ.” Kụ bịdi ọsighe Igbe Ịyo phọ orool oḍiemiom we phọ.

Josua 4:19

Awe phọ ụḍua sịphe Jọdan ḍioph aḍughul-otu ọḅel ụnwanyu phọ, kụ odoghoḍi rugbogo sịphe Gịlgal, sịphe ọku ạga emitenom aJeriko.

Josua 4:5

kụ ạḅeni bịdi mọ, “Itenom Igbe Ịyo phọ Ọmoogh-we Ẹnaan phọ anyina, ẹghi sịphe ogbo ạJodan, kụ tọrobo ọnyo anyina ạsighe ghan ḍiniin niin aḍighiigh arool ọpha, ẹdaph rughunughun phọ awe phọ Ịzirel.