Dutoronomi 8:3 - Ạḍinya Iigbia

³ Kụ ọdi isooromi inyina ịrolomi inyina ọkoony, kụ ạsighe mạna ịngo inyina kụ nyina elhe (dị nyina ílegheri, ạburude phọ anyina úlegheri aani), ọbo nyina elegheri mọ oye kụ́tolonaan ghan eḍien bịn, mọ oye ạrolonaan ghan oomo ịpe ẹḍua bọ ọnhu phọ Ọmoogh-we phọ kụ emite.

Dutoronomi 8:3 Iomraidhean Croise

Ạsuor 105:40

Bịdi ọlom, kụ ọdi aruomaan rạsaraghu; ọdi ạngo bịdi eḍien kꞌạke dị ẹgbaanyan bịdi.

Ạsuor 37:3

Ḍuom ologhi Ọmoogh-we phọ bịn, aḍighi ghan igeny, ọbo ạrol sịen aḅirini phọ abia, kụ agey ni kọngo ghan ni nyịna eḍien olhe.

Matiu 4:4

Kụ ạJizos ạphagharanaan nyọdi mọ, “Ọge ni pạ ạḍinya iigbia phọ mọ, ‘Oye kạ́tolom rꞌeḍien bịn, emuton oomo ikpo ọnhu phọ ịpe ẹḍua bọ ọnhu Ẹnaan kụ emite.’”

Elegh aLuk 4:4

Kụ ạJizos mọ, “Ọge ni sịphe ạḍinya iigbia phọ mọ, ‘Oye kạ́tolom eḍien bịn.’”

1 Bụo ạKorint 10:3

Oomo phọ ạbidi ule ni eniin phọ eḍien aruwaloor phọ.

Dutoronomi 29:5

Mị irelhiom bọ inyina inyadi ạsia ẹpe ẹdala phọ, arukpe phọ anyina inyina íḅu ị́gharam, arokoro phọ anyina edi ni sịphe aruwol phọ anyina íḅu.

Dutoronomi 29:6

Nyina eḍien íle, miim ịya nyina ị́pughol, zịni nyina ị́pughol, ọsighe olegheriom mọ mị kụ Ọmoogh-we Ẹnaan phọ anyina.

Dutoronomi 32:47

Ịtughemi phọ ịphen kóopho ikpo ọnhu, eḍighi aghuḍum mọ anyina. Ịdaphan kụ nyina kẹmoogh kụudoony aghuḍum ẹpe ade phọ edi bọ ẹḅeenyom ạJodan ẹpe nyina keḍigh bọ etugh.”

Dutoronomi 9:9

Mem mọ mị maten bọ ẹpe eguum mọ ọsighe ịyal phọ ịdaabili asighiigh phọ, sighiigh ịyo phọ Ọmoogh-we phọ rꞌanyina eghiran bọ, mị ạrol bọ ẹpe ẹeḅaraph phọ inyadi aḍughul-otu. Mị eḍien úle ḅịle kẹn mụum mị ụ́pughol.