Dutoronomi 8:19 - Ạḍinya Iigbia

¹⁹ Eru mạar dị nyina ewula Ọmoogh-we Ẹnaan phọ anyina bịn ẹdaph eeseeny ịnon ạrumugh, ẹeḅereghi bịdi, mị rạpur sịruru anyina rodon phọ ạḍien, bịn nyina eguul.

Dutoronomi 8:19 Iomraidhean Croise

Jerimaya 25:6

Bịdi ịḅeni ni inyina mọ kéeseeny ẹbile ekumu ịnon ạrumugh, ḅịle kẹn mọ kéḍighi ịlo kepin ologhi Ọmoogh-we phọ esi ooseeny aruru phọ nyina mẹkaaghi bọ. Mụghumo nyina ịnaghanan ni Ọmoogh-we phọ, ọbo ọdi inyina mị́liom.

Jerimaya 7:6

Kẹ́tuan mọ oye phọ aḍighi ooruen, mꞌọnyigo ọony, mꞌekpukele ạnir bịn ephogh iniin eḍighi ghan bịdi. Kẹ́ze mun weye dị ịyaar ụ́piom sịen ade phọ aḍien. Kẹ́eḅereghi mun ịnon ạrumugh, ịphen phọ kiphiemi ni inyina.

Dạniel 9:2

Ḍịḅel ạlha ọda phọ ọdi, mị odi rạaḅeghion ghan rịnya iigbia phọ kụ ạatughian ghan ịpe oḍualdi ạsia ạdol amuphe phọ aJeruselem kẹtol bọ, ọdaphan ịpe Ọmoogh-we phọ mạḅeni bọ Jerimaya oyil phọ.

Ẹmos 3:2

“Sịphe ogbo oomo areelhe phọ edi bọ sịen aḅirini phọ, nyina kụ awe dị mị malhegheri kụ ạḅile raako. Ịpe kụ iḍighi kụ ịkaraph phọ anyina elegheri bọ eḍigh ruugu, kụ ịdipho kụ ẹdi mị kạtuan bọ ịkaraph phọ anyina kụ ịlhiom inyina.”

Zẹfanaya 1:18

Ḍio dị Ọmoogh-we phọ aḍeenaan ọghagh ologhi ọdi, ghạlamo oomo asilva rꞌagol ạbidi bịn kẹ́pel bịdi. Ạnian ophin ologhi ọdi kele epiemi oomo ade phọ. Ekperenom bịn ọdi kakunughi tọrobo oye lọ odi sịen ade phọ.

Zẹfanaya 3:6

Ọmoogh-we phọ ạḅem mọ, “Mị maphiemi ikpom areelhe; mị maagulemi rạmha phọ ạbidi kụ iikpe aruutu eedanien phọ ạbidi meegulaan. Rạmha phọ awe mosumughu; areten ogbo ẹmha phọ mepokoro — rꞌoye ósugha.

Malakai 4:4

“Ịitughian ghan ịtughemi phọ aMozis otelhedom mọ ạmi, iilogh phọ rꞌịtooghi phọ ịpe mị ạngo bọ nyọdi sịphe Eegum phọ aSainai mọ oomo awe phọ Ịzirel ọdaph.

Elegh aLuk 13:3

Kị́dipho. Mị rịḅeni inyina mọ, eḍighi ịyaar dị nyina íkiton esi ịkaraph phọ anyina, nyina kemugh aani ni ịdipho bịdi omugh bọ.

Elegh aLuk 13:5

Kị́dipho. Mị rịḅeni inyina mọ, eḍighi ịyaar dị nyina íkiton esi ịkaraph phọ anyina, nyina kemugh aani ni ịdipho bịdi omugh bọ.”

Dutoronomi 11:16

Igona siloor anyina, ologhi anyina inyina kíbi, ọbo nyina kekiton ghan bọ eeseeny ịnon ạrumugh ẹeḅereghi bịdi.

Dutoronomi 31:20

Mem dị mị ạsighe bịdi asiemi ẹpe ade ẹetool rꞌọninom, ḍịphe mị aghunya bọ ạngo bụrude phọ ạbidi, bịdi role rẹpher rọbughogh bịn bịdi okiton osoman ịnon ạrumugh kụ ooseeny ghan ụḅitonaan ịmi ọphue ịyo phọ ạmi.

Dutoronomi 4:26

Mị ạmagh kẹ rꞌade oḍighi ạbugbaanaan anyina rodon. Eḍighi ịyaar dị nyina ẹḅaar ẹmhu esi ạmi, nyina kẹ́tol ebia iboom sịphe ade ẹḅeenyom ạJodan phọ nyina keḍigh bọ. Nyina keegulaan ni kpel kpel, emuneen.

Josua 23:13

pọ ilegheri mọ Ọmoogh-we Ẹnaan phọ anyina káporogh mun reelhe phọ ịphen esugha bọ risigh anyina. Kpạripe bịdi koḍighi ooto rꞌosooromineen ịdipho asiphil mꞌịka dị ịdianaan inyina, ọkigh ịdipho aruuḅurom riḍien anyina ḅịle rꞌiitoor dị kigimi ghan inyina tụtu nyina epe eguul emuneen sịen ẹmha phọ, ade phọ ạḍien Ọmoogh-we phọ Ẹnaan phọ anyina ịngo bọ inyina.

1 Sạmuel 12:25

Kụ ọlo eru mạar dị nyina eḍighi ịkaraph ẹghiom ghisigh, pọ nyina rꞌọdaam ẹmha phọ anyina koogulaan ni.”