Dutoronomi 8:18 - Ạḍinya Iigbia

¹⁸ Ịitughian ghan Ọmoogh-we Ẹnaan phọ anyina. Ọdi kụ ịngo bọ inyina ịikpo kụ nyina ẹmoogh bọ ẹelha phọ. Ọdi ạtuan ogananami ịyo phọ ọdi, ịpe ọdi aghunya bọ esi ạburude phọ anyina, ịdipho edi bọ kꞌarodon.

Dutoronomi 8:18 Iomraidhean Croise

Emiighom 32:14

Ịyal okuron ịya ạrutu-ịga, ịyaldi arekpe, ịyal okuron ịya iyool-ịga rꞌịyaldi idughuna,

1 Krọnikuls 29:12

Oomo aruphua rꞌẹelha ẹḍua kꞌạna; nạ ạda tọrobo ịyaar rꞌịnyaam ạna rꞌịikpo ạna; kụ nạ katue ni aḍighi oye ogbogh, ạkparami.

2 Krọnikuls 25:9

Amazaya apuru oyil phọ mọ, “Kụ uḍighi ika oomo asilva ọpo mị maghol bọ ạkpe?” Oyil phọ ạphagharanaan mọ, “Ọmoogh-we phọ kạngo ni aḅulemi nyịna ịdi epu ịpe phọ!”

Ạsuor 144:1

Boom Ọmoogh-we phọ, eekpereghian ạmi! Ọdi ụtughemi ịmi ịlo elephiri kụ ụkparami ịmi ịlo ẹgham.

Ạsuor 44:3

Awe phọ ạna ụ́sighe elhool ẹgham kụ ọmooghom bọ de phọ; ḅịle kẹn, ịnyaam ạbidi kụ bịdi ị́pel bọ; ạḍighaagh elhiom mọ ạna rꞌịnyaam mọ ạna kụ ịphel bọ bịdi ịdi eḍighi bọ bịdi ọḅeeraan nyịna.

Asidogh 10:22

Ạḍiseph Ọmoogh-we phọ kụ ẹdi rẹngo ghan oye ẹelha; iboom arukumuan kéḍume nyịna iboom.

Ọtughemia Phọ 12:1

Ịdipho kụ iḍighi kụ tụutughian Ọlemia phọ ạna, sịen nạ odi bọ ịḍoogh phọ kụ egbi ọteeny ariiḍio rꞌạsia ịirurughian dị nạ kạḅem mọ, “Mị ụ́kelom ghuḍum mọ.”

Ọtughemia Phọ 9:11

Ẹnon ịyaar dị mị ạatughian ịduon: mọ, sịen aḅirini phọ ọphon, awe dị oogborion eghiil kụ rọ́nuun ghan kosi, mọ awe dị ọkpo ekpeḍien kụ rọ́kpar ghan ẹgham, mọ awe dị ọsu ologhi rógbor ghan kogbo ḍigbo, awe dị ọkpianaan kụ rógbor ghan kọrologhu igbogh ariisi. Ẹkaraph elhor rẹtolonaan ghan ni oomo awe.

Jerimaya 23:27

Bịdi rogbi ghan mọ ạmalha phọ bụno rọgba ghan bọ kaḍighi ni ịdi awe phọ ạmi kuwula ịmi, ịdipho ạburude phọ ạbidi uwula bọ ịmi bịn ọdaph Baal.

Hosia 2:8

Oomo amem ọdi ómeera ghan ologhoma mọ mị kụ ọpo ạngo bọ nyọdi ịbiakpa, miim, mụnum-ọliv rꞌoomo asilva rꞌagol phọ ọdi ạpham bọ kụ aaseenyom ghan Baal.

Dutoronomi 26:10

Kụ iḍighi kụ mị mạsighe ịḅel iimuma ịsiphe ade phọ nạ Ọmoogh-we phọ ụngo bọ ịmi atumom.’ “Sịghe ọkpa phọ aseere ude esomanan Ọmoogh-we Ẹnaan phọ ạna, kụ ạaḅereghi sịphe egbodo Ọmoogh-we Ẹnaan phọ ạna,

Dutoronomi 6:11

rꞌaruutu dị oomo igey ạraraar kụ emuza, ịdi nyina kụ ị́moogh, rꞌasighuḍia dị oguphogh, ịdi nyina kụ íguphogh, rꞌiizo avain rꞌireeny ọliv dị nyina kụ ị́zuphogh, mem lọ nyina elhe kụ ịpher inyina,

Dutoronomi 7:12

“Eru mạar dị nyina ẹnaghanam ni kụ eeko kụ ẹdaph reḍighinom, pọ Ọmoogh-we Ẹnaan phọ anyina kạpamanam ni ịyo phọ rꞌọnma ighirigiir phọ dị aghunya bọ ạngo bụrude phọ anyina.

Dutoronomi 7:8

Ịdi eḍighi bọ Ọmoogh-we phọ ịphomoghian inyina kụ ạtu bọ raako ghan ịyo phọ ịpe ạburude phọ anyina rꞌọdi oghiran bọ, kụ Ọmoogh-we phọ ạtu bọ ạsighe ḍịghaagh iphelegbe phọ ọdi ịsighenom inyina ạḍuanam, ịtagharan inyina ạsighe esi ạdol ạrebene phọ ḍịghaagh ọdaam eelhe phọ Ijipt.

Dutoronomi 8:1

“Oomo iilogh phọ ịphen mị ạlogh bọ rịngo inyina rodon, ịmaar ẹpham ẹdaph ghan eḍighi, ọbo ẹrol ẹmar emuzeḍi, ẹghi ẹsighe de phọ ạḍiphe Ọmoogh-we phọ aghunya bọ ạngo bụrude phọ anyina.

Bụo Ịiruen 3:7

Kụ awe phọ Ịzirel oḍighi ịkaraph risigh Ọmoogh-we phọ; oghel Ọmoogh-we Ẹnaan phọ ạbidi, kụ ooseeny ghan Baal rꞌAsera.

Bụo Ịiruen 7:2

Kụ Ọmoogh-we phọ ạḅeni Gịdion mọ, “Awe phọ nạ mạmoogh bọ ọbugh ọpughan dị mị ạḅogh Mịdianait phọ ạlogh ḍịghaagh awe Ịzirel bịn bịdi ootuma ghan kụ ọḅem ghan mọ ịnyaam ạbuno rꞌịikpo ạbuno kụ ịphel bọ bụno.

1 Sạmuel 2:7

Ọdi kụ aḍighi kụ abuniin awe oḍighi rukulom, buniin ạbudaam; ọdi asooromi buniin kụ aphophe buniin.