Biblia Todo Logo
Bìoball air-loidhne

- Sanasan -




Dutoronomi 8:17 - Ạḍinya Iigbia

17 Igona siloor anyina, ọbo nyina kẹḅem ghan bọ sịphe iloghi phọ anyina mọ, ‘Ịikpo ayoor rꞌịnyaam ạraghaagh ayoor kụ ịngo bọ iyoor ẹelha phọ ẹphen.’

Faic an caibideil Dèan lethbhreac




Dutoronomi 8:17
17 Iomraidhean Croise  

ọbo kẹn aphoophe loor ạmi loor esi ẹelha phọ ạmi.


Awe phọ ạna ụ́sighe elhool ẹgham kụ ọmooghom bọ de phọ; ḅịle kẹn, ịnyaam ạbidi kụ bịdi ị́pel bọ; ạḍighaagh elhiom mọ ạna rꞌịnyaam mọ ạna kụ ịphel bọ bịdi ịdi eḍighi bọ bịdi ọḅeeraan nyịna.


Ọdi aseere mem ọwa ọmiin rꞌamem ophiemi mem oseerian rꞌamem oroḅologhi,


Ẹnon ịyaar dị mị ạatughian ịduon: mọ, sịen aḅirini phọ ọphon, awe dị oogborion eghiil kụ rọ́nuun ghan kosi, mọ awe dị ọkpo ekpeḍien kụ rọ́kpar ghan ẹgham, mọ awe dị ọsu ologhi rógbor ghan kogbo ḍigbo, awe dị ọkpianaan kụ rógbor ghan kọrologhu igbogh ariisi. Ẹkaraph elhor rẹtolonaan ghan ni oomo awe.


Aruzu awe dị momuughu ẹsaraan ni oomo phọ ariisi phọ ịdipho arugu ẹenir lọ koḅephom eḍien, ịdipho ịbiakpa lọ ogbo bịn kụ ọwile dị oye ookpomoghi úlho. Ịphen kụ ịdi Ọmoogh-we phọ ụḅeni ịmi mọ kạaph.”


Nạ umuul ḍighi olegheri ịyaar kụ ạrol ghan ọmoogh ạsuo. Pọ eeghe ịdi nạ raabagaam ẹelha ạna!


Kụ iḍighi kụ nạ ogbogh ọdaam, dạph oroma phọ ạmi. Bịle oḍighi yogh ịkaraph. Ḍighi ghan ịlo ẹnighe kụ ạnma ighirigiir rukulom, bịn nạ agbi nụun ọmoogh edughom ọghiom ghisigh.”


ọdi ạḅem, “Ịmiin ịdi ạBabilon aleeny! Mị kụ ụlogh mọ eḍighi ẹkpana ẹmha ạmi eḍeenaan ịikpo phọ ạmi ḅịle rꞌịnyaam, eghuan phọ ạmi ḅịle rꞌịtooghi ogbogh ọdaam.”


‘Yira moḍum,’ bịdi ọḅem. ‘Yira mọmoogh ẹelha. Kụ oye ólho dị kụḍagha iyira mọ aghuḍum ayira ạkuo iigbegheḍiom.’


Bịdi ọḅile ghan rooseeny ghan rạraar ạkoni ạbidi kụ oḍighi ghan rạraar aghuḍum rọngo, loor esi dị ạraraar ạkoni phọ ạbidi rẹngo ghan bịdi oomo ịma lọ bịdi ọwa.


Ạnhian kụ aphophe bọ nyoniin ọnyo anyina apuemi bụeri phọ? Ẹnaan kụ inyina ị́ngo bọ oomo ạraraar phọ nyina ẹmoogh bọ ḍụghum? Kụ eru ni ruunmo, nyina ighol eeghe nụun kụ rebaga ghan bọ?


“Eru mạar dị nyina ẹḅem sịphe iloghi phọ anyina mọ ạramha phọ ịphen kụ ịbugh ipu iyoor, mọ yoor kótue oporogh bịdi,


“Mem mọ Ọmoogh-we Ẹnaan phọ anyina kaporogh bọ bịdi ạsighe egbodo phọ anyina, kẹ́ḅem ghan sịphe iloghi phọ anyina mọ aruukuan anyina kụ iḍighi bọ ịdi Ọmoogh-we phọ ịsighe bọ inyina ịlo ọmoogh ade phọ ạḍien, kụ ạri ọdi ạtuan sịpioghom ạramha phọ ịpe kụ aphorogh bọ bịdi egbodo anyina.


Kụ Ọmoogh-we phọ ạḅeni Gịdion mọ, “Awe phọ nạ mạmoogh bọ ọbugh ọpughan dị mị ạḅogh Mịdianait phọ ạlogh ḍịghaagh awe Ịzirel bịn bịdi ootuma ghan kụ ọḅem ghan mọ ịnyaam ạbuno rꞌịikpo ạbuno kụ ịphel bọ bụno.


Ọdi kụ aḍighi kụ abuniin awe oḍighi rukulom, buniin ạbudaam; ọdi asooromi buniin kụ aphophe buniin.


Kụ ọlo aDevid ạphagharanaan ni mọ, “Bumor ạmi, kéḍighi ịdipho esi ạraraar phọ Ọmoogh-we phọ mụngo bọ iyira. Ọdi ạmaar ri uuko iyira, ạḅile ụngo iyira ọkpar opu esi awe phọ oru bọ ibum mọ.


Lean sinn:

Sanasan


Sanasan