Dutoronomi 8:16 - Ạḍinya Iigbia

¹⁶ ọpo ịngo bọ inyina mạna ẹpe ẹdala phọ mọ ile (eḍien dị ạburude anyina úlegheri), isooromi bọ inyina, ịdeghogh bọ inyina aphogh rạwa oḍighi anyina igeny ruukuna phọ.

Dutoronomi 8:16 Iomraidhean Croise

Emiighom 22:1

Ịphen phọ reru eten, kụ Ẹnaan ẹdegh Ebraham kụ ẹmagh, “Ebraham,” kụ ọdi ameera kụ ạḅem mọ, “Pọrono, ạmi sịen.”

2 Krọnikuls 32:31

Kụ ghạlamo amem ạruukpaany ọḍua bọ Bạbilon kụ oru olegheri ịlo imananaan phọ emite bọ sịphe ade phọ, Ẹnaan iḍighi ni ịdi ạHezekaya arelhe ẹlo ọdi esi ọmiin ẹzo phọ ọdi.

Job 42:12

Kụ Ọmoogh-we phọ ạseph ruukuna phọ aJob apuemi ịpe ọdi ạseph bọ emiighom mọ. AJob ạmoogh ḍioph rꞌinya ọonir iyool-ịga, odiiny ọonir ạsikamel, ịyal ọonir ạsinam, ḅịle rꞌoniin ọonir ịnam adool.

Ạsuor 119:68

Pọ eeghe ịdi nạ ạnighe — rꞌọnma ighirigiir. Ụtughemi ịmi ịtooghi phọ ạna.

Ẹḍua 15:25

Kụ aMozis amoghiom Ọmoogh-we phọ, kụ Ọmoogh-we phọ aḍeenaan nyọdi ekulha oreeny dị ọdi asumeeny ologhi ạmuum mọ bịn ạmuum mọ ạnighe ọphughol. Sịphe phọ kụ ẹdi Ọmoogh-we phọ ạngo bịdi iilogh ọrolom ghan; ịsiphe kẹn kụ ẹdi ọdi ạdegh olegheri iloghi phọ ạbidi.

Ẹḍua 16:15

Mem dị awe Ịzirel ọmiin bọ, bịdi úlegheri ịyaar lọ eru kụ oniin apuru nyoniin mọ, “Ẹpe phọ eeghe?” Kụ aMozis ạḅeni bịdi mọ, “Ẹpe phọ eḍien dị Ọmoogh-we phọ ịngo inyina olhe.

Ẹḍua 16:31

Kụ awe phọ Ịzirel oghol ḍien ịyaar phọ mọ ạmana. Ạkigh ẹbam ẹphalaḅaal eemuma, ạḅaal, kụ radugh ịdipho ịbam ipoḍi ạkikia lọ oḍighinom ẹnuum aḍiowo.

Ẹḍua 16:4

Ọmoogh-we phọ ạḅeni Mozis mọ, “Nyịidipho mị kamitiom eḍien ịdipho ikpo ọlophia dị kẹḍua okuaḍio kụ ekar ịngo inyina, kụ awe phọ kọki ghan aḍio etum ḍio ookoroghi ẹlo aḍio phọ bịn. Mị kạdegh bịdi apogh mụghumo bịdi kọdaph ni iilogh phọ ạmi kụ otelhiom mụghumo bịdi kọ́daph.

Ẹḍua 20:20

AMozis ạḅeni we phọ mọ, “Kékiilaan. Ẹnaan meru ọoḅeghion anyina ophogh ḅịle rꞌoḍighi ịdi nyina kẹnaghanan ghan nyọdi, ọbo nyina kẹpioghom ghan bọ.”

Asidogh 17:3

Ogey agol rꞌasilva kọlogh nịan kụ olegheriom, kụ ologhi oye Ọmoogh-we phọ bịn kụ ralegheri ghan.

Dạniel 11:35

Kọze ni buniin ikpolom awe olegheri-ịyaar phọ, kụ ọlo ịphen phọ kewoph ni we phọ. Ịphen phọ kụ kẹtol ghan tụtu eekuna phọ eru, amem mọ Ẹnaan mẹto bọ eseere.

Bụo aRom 8:28

Yira olegheri ni mọ Ẹnaan rẹlogh ghan ni ḍịghaagh mọ oomo ạraraar ẹnighenaan bụphe ọphomoghian bọ nyọdi, bụphe ọdi ạatughian bọ kụ ạmagh.

2 Bụo ạKorint 4:17

Kụ ọony ịminimiin phọ yoor rọmiinom bọ ekulha amem mọ ạmuen phọ kiruom ni iyoor ẹbalabala eegu kꞌagee-pọ dị epeleghiom ni ịminimiin phọ iboom.

Dutoronomi 13:3

pọ kẹ́naghanan ọghaaph oyil phọ ọpo mꞌọmalhaam rạmalha phọ ọpo, ịdi eḍighi bọ Ọmoogh-we Ẹnaan phọ anyina kụ rịdeghogh ghan inyina ophogh mụghumo nyina ẹpomoghian ni Ọmoogh-we Ẹnaan phọ anyina rꞌoomo ologhi anyina rꞌoomo uwaloor anyina.

Dutoronomi 8:2

Kụ ẹetughian ghan oomo areten phọ ịpe Ọmoogh-we Ẹnaan phọ anyina irelhiom bọ inyina inyadi ạsia phọ ẹpe ẹdala phọ, isooromi bọ inyina, ịdeghogh bọ inyina ophogh ọmiin ịpe edi bọ iloghi phọ anyina, mụghumo nyina reeko ni iilogh phọ ọdi, mụghumo nyina réeko.

Dutoronomi 8:3

Kụ ọdi isooromi inyina ịrolomi inyina ọkoony, kụ ạsighe mạna ịngo inyina kụ nyina elhe (dị nyina ílegheri, ạburude phọ anyina úlegheri aani), ọbo nyina elegheri mọ oye kụ́tolonaan ghan eḍien bịn, mọ oye ạrolonaan ghan oomo ịpe ẹḍua bọ ọnhu phọ Ọmoogh-we phọ kụ emite.

Jems 1:12

Iboh kꞌẸnaan edianaan ni oye lọ ạmerenyan ịiḅaghami; kozu ni nyọdi eghoony aghuḍum mọ ẹpe Ẹnaan eguanaan bọ bụphe ọphomoghian bọ nyọdi.

1 Pita 1:7

Ịphen phọ ịlo olegheriom mọ omeeraam mọ anyina ogey ni. Gol dị kạpu ghan ni bịn ọsighe ghan ni nịan kụ ropoghom mọ ogey ni. Ịduon phọ kẹn kụ ẹdi kopogh aani ni omeeraam mọ anyina ạman bọ ni ịyaar iboom apu gol, pịdi olegheriom mọ katue ni ạkparam ạteeny ḍio phọ kogananami bọ Jịzos Kraist ọbo nyina ẹmoogh ḍịseph rꞌeegu ḅịle rꞌeghuan.