Dutoronomi 8:15 - Ạḍinya Iigbia

¹⁵ ọpo irorori bọ inyina ẹpe eboom mọ ẹdala phọ eḍigh bọ ịikia ruugu, ẹpe ịigama ạrakaraph-ịyaar rꞌasiepere phọ edi bọ, ẹpe ạmuum úlho bọ; ọpo amitiom bọ mụum loor aḍighiigh phọ ịngo inyina;

Dutoronomi 8:15 Iomraidhean Croise

Ạsuor 105:41

Ọdi akpegheron ḍighiigh, kụ ạmuum amite, akilogh ạnyu ịisaar mụdi ọphiiny.

Ạsuor 114:8

ọpo ranme ghan bọ sighiigh katene rụunu ạmuum, ọpo rạsighe ghan bọ igbogh ạrana katene rụmuum dị rekil.

Ạsuor 136:16

Ọdi aḍiemiom we ọdi ạḅeenyom de ịisaar; ẹphomoghian phọ ọdi edi ghan bịn kꞌagee-pọ.

Azaya 30:6

Ḍịen kụ adom Ẹnaan ịlo ịnam ade ịisaar ẹpe esoorom mọ: “Abutelhedom mọ urelhe ọḅeeny eelhe aḍuugh-aḍuugh, ekpisi dị ạnam-dịka ediighi, ekpisi dị ilhom ạrakaraph-ạraraar rꞌịpheepheeny asinonom edi ghan. Ịnam adool rꞌạsikamel ạbidi ịsaany ghan ruunmo dị ẹman ikpoki ọghiom eelhe dị kẹ́ngo bịdi rꞌẹnum ọloghonaan ạḍighaagh.

Azaya 35:7

kụ ịghologhol ịisaar keten ighool kụ ạruunu adir emuza de dị ẹgharaghar. Riisi dị asuogh eḍum kụ erugh ghan; ạroogho ọposo rꞌikpu kụ kesi.

Azaya 43:19

Igon emoom ịyaar dị mị kaḍighi — memiigh ni remite — nyina kẹmiin ni nyịidipho. Mị kạkoghoron oḅodo atene ẹdala phọ kụ ịngo inyina sikol ạmuum sịphe.

Jerimaya 2:6

Bịdi ịmi ụ́sighe mun ụ́manami ịyaar ghạlamo ịduon mị kụ ạtagharan bọ ni bịdi ḍịghaagh Ijipt ạḅile aḍiemiom bịdi ẹpe ẹdala phọ: ade ophugh, ade dị ẹgharaghar ẹḅile eḍighi ooto rꞌosooromineen, ekpisi dị oye kőrugh ghan ḅịle oye kꞌekulha kạ́ki.

Hosia 13:5

Mị ụmaar ri ịpham inyina ẹpe ẹgharaghar ẹdala phọ kụ eḍighi ịisaar bịn.

Igbiighi 20:11

Kụ aMozis aphoophe ḍịghaagh ọdi rꞌịkpara phọ ạghiom ạnyu, kụ ạgurom ḍighiigh phọ ịyal amem, bịn ạmuum akilogh loor aḍighiigh phọ amite amuza, dị awe phọ rꞌịnam mọ ạbidi ọphughol.

Igbiighi 21:6

Kụ Ọmoogh-we phọ arom ịigama ạrakaraph-ịyaar kụ eru elhomi we phọ Ịzirel kụ ịbadi awe phọ Ịzirel omuughu.

1 Bụo ạKorint 10:4

Ḅịle kẹn oomo phọ ạbidi ụphughol li muniin ạmuum aruwaloor phọ. Bịdi ụphughol ghan mụum aḍighiigh aruwaloor phọ ẹdaph ghan bọ bịdi. Aḍighiigh phọ pọ aKraist rꞌaloor ọdi.

Dutoronomi 1:19

“Kụ yira ọtuugh ịpe Ọmoogh-we Ẹnaan phọ ayira ạto bọ ụḅeni iyira oḍighi kụ oḍighi. Yira ọḍua bọ sịphe Eegum aSainai kụ ọghi eten eboom ẹdala phọ eḍigh bọ ịikia ruugu ẹpe nyina ẹmiin bọ rẹki bọ roogbolom eelhe ạbuo Ạmorait phọ, osi Kades Bania.

Dutoronomi 32:13

“Ọdi aḍighi ịdi bịdi kụ ọda ghan oomo iiphopha ariisi ịsien aḅirini phọ, kụ ole ghan rạraar lọ ẹḍua sịphe ade phọ kụ emite kụ ọlaay ghan ẹnuum aḍiowo lọ ẹḍua ghan loor aḍighiigh emite, ọḅile kẹn ọlaay ghan mụnum lọ ạḍua ghan loor ạḍiikpara aḍighiigh kụ amite.