Dutoronomi 8:14 - Ạḍinya Iigbia

¹⁴ igona siloor anyina, ọbo nyina kebaga ghan bọ ẹkiom ạnyu. Íbula ghan Ọmoogh-we Ẹnaan phọ anyina, ọpo ịsighe bọ inyina ạḍuanam ẹpe ade phọ Ijipt dọl ạrebene phọ,

Dutoronomi 8:14 Iomraidhean Croise

2 Ạbudaam 14:10

Nạ Amazaya mạze Idom ageny, kụ ologhi ạna maphoophe nyịna ạkiom ạnyu. Arughuenian phọ ạna edi bọ ḍịghaagh ạna ẹrol sịphe otu phọ ạna. Esi ika kụ nạ ạtu bọ aphoophe loor loor ịkaraph phọ ịphen phọ? Esi ika kụ ẹdi nạ rạwa bọ ịiḅaghami ẹrol dị nạ ameel, aJuda ọdaph nyịna omeel.”

2 Ạbudaam 17:38

Rꞌịyo phọ ịpe mị rꞌanyina eghiran bọ, íbula ghan, kẹn kékiilaan ghan ịnon ạrumugh.

2 Krọnikuls 26:16

Kụ ọlo mem dị Uzaya ọdaam mọ ạmoogh ịikpo iboom, bịn ọdi amiigh ophoophe aloor; ịpe kụ iḍighi ịyaar dị ọdi ameel. Ọdi aḍighi ugbini ugbini Ọmoogh-we Ẹnaan phọ ọdi, esi dị ọdi aḍigh Otu Ịiḅereghi phọ bịn ọsu ịnsens ạnyu enmeny ịnsens phọ.

2 Krọnikuls 32:25

Kụ ạHezekaya aphoophe loor iboom ọ́ḅeni mọ maḍighi esi ịpe Ọmoogh-we phọ maḍighinaan bọ nyọdi, kụ aJuda rꞌaJeruselem ọmiinom loor ịduon phọ.

Ạsuor 106:21

Bịdi owula Ẹnaan phọ ẹsighe bọ igbogh iiḍighi kụ ẹphelom bịdi ẹpe Ijipt.

Ạsuor 78:7

Ịduon phọ kẹn kụ ẹdi bịdi kọkpasi emooph ạbidi esi Ẹnaan bịn kóbula ịpe ọdi aḍighi bọ, omuton ọnaghanan ghan ịto phọ ọdi oomo amem.

Ẹḍua 13:3

AMozis ạḅeni we phọ Ịzirel mọ, “Ịitughian ghan ḍio phọ arodon. Arodon kụ ẹdi nyina ẹḍua bọ ẹpe Ijipt emite, esi phọ nyina eḍighi bọ rẹbene; ạḍiikpara ạḍighaagh ọdi kụ ẹdi Ọmoogh-we phọ ịsighe bọ inyina amitiom. Íle ghan ạbred lọ ọlogh yist.

Jerimaya 2:31

“Nyina aweye Ịzirel, iler rụru ẹnaghan ịphen mị rạkaaph bọ. Mịna ạkigh de ophugh esi anyina ḍụghum, ịdipho ade ufiri dị eḍighi ooto rꞌosooromineen? Eeghe kụ iḍighi bọ kụ nyina ẹḅem bọ mọ nyina keḍighi ịlo ịḅeeraan inyina, mọ nyina réḅula mun esi ạmi?

Jerimaya 2:6

Bịdi ịmi ụ́sighe mun ụ́manami ịyaar ghạlamo ịduon mị kụ ạtagharan bọ ni bịdi ḍịghaagh Ijipt ạḅile aḍiemiom bịdi ẹpe ẹdala phọ: ade ophugh, ade dị ẹgharaghar ẹḅile eḍighi ooto rꞌosooromineen, ekpisi dị oye kőrugh ghan ḅịle oye kꞌekulha kạ́ki.

Jerimaya 23:27

Bịdi rogbi ghan mọ ạmalha phọ bụno rọgba ghan bọ kaḍighi ni ịdi awe phọ ạmi kuwula ịmi, ịdipho ạburude phọ ạbidi uwula bọ ịmi bịn ọdaph Baal.

Dạniel 11:12

Ọdi kaabaga ni loor esi ọkpar opu phọ ọdi rꞌịbadi awe ẹgham mọ ọdi mạze bọ, kụ ọlo ọdi kạ́kpar ghan apu oomo amem.

Hosia 13:6

Kụ mem dị nyina eḍigh bọ ḍigey ade phọ ịgbaanyan bọ inyina, bịn nyina ephoophe loor iwula ịmi.

Igbiighi 15:39

Ịsawolowo phọ keḍighi ghan ịdi tọro amem lọ nyina ephogh bịn nyina kẹetughian ghan iilogh phọ ạmi kụ kẹdaph ghan eḍighi, ọbo nyina kẹdaph ghan bọ rụuphua iloghi phọ anyina rꞌịpe ariḍien phọ anyina rẹmiin bọ bịn ẹdaph ele ẹmha,

Dutoronomi 13:6

“Eru mạar dị umor ạna mꞌọony onhiin ạna, mꞌọony ạna mꞌọnyani ạna, mꞌoophineen ạnir ạna mꞌọyaghiri ạna dị rꞌạna ẹḅoph ologhi, kụ aru raakeleghi mọ tue ọghi ọoḅereghi ịnon ạrumugh ịpe nạ rꞌạburude phọ anyina úlegheri bọ,

Dutoronomi 17:20

Ọdi kúpoophe loor upuemi bumor ọdi we phọ Ịzirel; ḅịle kẹn, ọdi kụ́gunom iilogh phọ, anme akiton ạghi ḍịghaagh elhiom mꞌạḍighaagh ekeeny, ọbo ọdi ạrol abia sịphe ạgada ọdaam ẹmha phọ, ọdi rꞌạnmuny phọ ọdi sịphe Ịzirel.

Dutoronomi 4:9

Igona siloor anyina, ẹphama uwaloor anyina, ọbo nyina kebula ghan bọ rạraar phọ ịpe nyina ẹmiin bọ, ọbo kẹḍua ghan bọ iloghi anyina oomo asuḍughul-otu aghuḍum mọ anyina; ẹtughemi ịphen phọ nmụny phọ anyina rꞌạnmuny ạnmuny phọ anyina.

Dutoronomi 5:6

‘Mị kụ Ọmoogh-we Ẹnaan phọ anyina ọpo ịsighe bọ inyina ạḍuanam ẹpe ade phọ Ijipt sịphe nyina eḍighi ghan bọ rẹbene phọ.

Dutoronomi 6:11

rꞌaruutu dị oomo igey ạraraar kụ emuza, ịdi nyina kụ ị́moogh, rꞌasighuḍia dị oguphogh, ịdi nyina kụ íguphogh, rꞌiizo avain rꞌireeny ọliv dị nyina kụ ị́zuphogh, mem lọ nyina elhe kụ ịpher inyina,

Dutoronomi 8:11

“Igona siloor anyina, íbula ghan Ọmoogh-we Ẹnaan phọ anyina. Iiko ghan iilogh phọ ọdi, rꞌịiruen phọ ọdi, rꞌịtooghi phọ ọdi, ịphen mị ạlogh bọ rịngo inyina rodon.

Dutoronomi 8:13

mem dị ạsinam rꞌiyool-ịga phọ anyina mẹmaraghian, agol rꞌasilva phọ anyina mamuza; mem dị oomo phọ ạraraar phọ nyina ẹmoogh bọ meḍiza,

Bụo Ịiruen 3:7

Kụ awe phọ Ịzirel oḍighi ịkaraph risigh Ọmoogh-we phọ; oghel Ọmoogh-we Ẹnaan phọ ạbidi, kụ ooseeny ghan Baal rꞌAsera.