Dutoronomi 8:10 - Ạḍinya Iigbia

¹⁰ Mem lọ nyina ele kụ mịpher inyina, ịseph ghan Ọmoogh-we Ẹnaan phọ anyina ịlo aḍiiḅi ade phọ dị ịngo bọ inyina.

Dutoronomi 8:10 Iomraidhean Croise

1 Krọnikuls 29:14

“Ghạlamo rꞌịduon phọ, awe ạmi rꞌạmi kótue ọkaraghi ọngo nyịna ịyaar loor esi dị oomo ạraraar aruunmo kꞌạna, yoor moḅulemi ịpe eḍighi bọ ni ịlo ạna.

Ạsuor 103:2

Boom Ọmoogh-we phọ, nạ uwaloor phọ ạmi! Kábula oomo iiḅi phọ ọdi maḍighi bọ nyịna.

Asidogh 3:9

Ngọ Ọmoogh-we phọ ịkar igeny ibugha ịsiphe ozo phọ ạna aghueniom nyọdi.

Azaya 5:1

Iler rụru mem dị mị ịmooronaan inyina ḍụor phọ aḍien, ạḍuor ọyaghiri ạmi rꞌozo iimuma avain ọdi; Ọyaghiri ạmi ạmoogh ni ozo iimuma avain dị ạrol de dị ẹnuum iboom ạnyu eegbolom mọ.

Joel 2:26

Nyịidipho nyina kẹmoogh eboom ẹlo olhe, kụ ẹgbaanyan. Nyina keeseeny Ọmoogh-we Ẹnaan phọ anyina, ọpo miḍighinaan bọ inyina iikia ạraraar. We phọ ạmi kọ́ḅitonaan mun.

Matiu 14:19

Kụ ọdi ạḅeni we phọ mọ ọrologhu ude sịphe ạroogho phọ, kụ ạsighe oogh phọ iiḅoghoḍi ạbred phọ rꞌịyal phọ ina phọ, kụ aphogh ạnyu ạke, kụ ạngo ḍịseph Ẹnaan, kụ ạparion, kụ ạsighe ạngo bụmatuan phọ ọdi. Kụ ạbumatuan phọ ọdi ọsighe ọngo we phọ.

Elegh ạJon 6:23

Ịnon arughuugh ịḍua ni Tạibirias eru esul esiḍia dị etuman esi phọ Ọmoogh-we phọ ạsighe bọ ạbred phọ kụ rọngo ḍịseph Ẹnaan kụ aḍita awe phọ olhe bọ.

Bụo aRom 14:6

Tọrobo oye lọ raako ghan ḍiniin aḍughul-otu, pọ ịlo ọloghom eghuan Ọmoogh-we phọ ni. Oye lọ ịyaar úgbi, pọ ịlo ọloghom eghuan Ọmoogh-we phọ ni, ịdi eḍighi bọ ọdi rakol ghan ni ẹmhu eḍien phọ ọdi alhe bọ kạseph Ẹnaan. Oye lọ agbiighi rạraar olhe, pọ ịlo ọloghom eghuan Ọmoogh-we phọ ni, kụ ạḅile ni rạsephom ghan Ọmoogh-we phọ.

1 Bụo ạKorint 10:31

Kụ mị ạpagharanaan ạḅeni we mọ, “Tọrobo ịlo nyina eḍighi, mꞌamale ḅịle mꞌịpughol, iḍighi ghan oomo phọ ịne eghueniom Ẹnaan.

Dutoronomi 31:20

Mem dị mị ạsighe bịdi asiemi ẹpe ade ẹetool rꞌọninom, ḍịphe mị aghunya bọ ạngo bụrude phọ ạbidi, bịdi role rẹpher rọbughogh bịn bịdi okiton osoman ịnon ạrumugh kụ ooseeny ghan ụḅitonaan ịmi ọphue ịyo phọ ạmi.

Dutoronomi 8:9

de dị eḍien olhe kíkuom ghan inyina, ịyaar inyina kékuom ghan sịphe ade phọ. Asighiigh phọ ạbidi ẹmoogh okuron. Kụ oguph ologhi aroogbolom mọ bịn ọgiata kụ odi.

1 Bụo ạTesalonika 5:18

Tọrobo ịlo ẹrol ịngo ghan ni Ẹnaan ḍịseph. Ịphen kụ ịdi Ẹnaan rẹwa ghan ḍịghaagh anyina, ịdi eḍighi bọ nyina ạbuo kꞌạJizos Kraist.