Dutoronomi 7:9 - Ạḍinya Iigbia

⁹ Kụ ilegheri mọ Ọmoogh-we Ẹnaan phọ anyina, ọdi kụ Ẹnaan oḍuom ologhi dị raako ghan ịyo phọ rꞌọnma ighirigiir esi ạbuphe ọphomoghian bọ nyọdi, kụ rooko ghan bọ iilogh phọ ọdi, esi oniin ọonir oghiil.

Dutoronomi 7:9 Iomraidhean Croise

Emiighom 17:7

“Mị kạkparami ni ịyo phọ ạmi rꞌạna, rꞌẹemara ẹemara phọ ạna, rꞌarighiil ạna ghisigh. Ịyo phọ ạmi kẹtol li kꞌagee-pọ. Mị kaḍighi Ẹnaan ạna rꞌẸnaan ẹemara ẹemara phọ ạna.

Emiighom 28:15

Kịom ologhi, mị odianaan ni rꞌạna. Mị kaako ni nyịna asiemi tọrobo ekpisi lọ nạ rạki, kụ mị kạḅile ni ạsighe nyịna aḅulemi sịen ade phọ ạḍien. Mị kạ́wile nyịna tụtu mị maḍighi oomo phọ ịphen mị aguanaan bọ nyịna.”

Emiighom 9:15

bịn mị mạatughian oguanaan phọ ạmi esi anyina rꞌịnam mọ mꞌaḍigho képiemi mun oomo ạraraar phọ ịpe ẹmoogh bọ ḍiphooghu.

1 Ạbudaam 8:23

“Ọmoogh-we Ẹnaan phọ Ịzirel; ẹnon Ẹnaan dị ẹrol ịdipho ạna ílho, mꞌẹpe ạnyu ạke phọ kẹn mꞌịsien ade phọ. Nạ ạpamanam ni ịyo phọ ạna rꞌọnma ighirigiir phọ ạna esi abutelhedom mọ ạna, bụphe ọsighe bọ oomo iloghi phọ ạbidi kụ rotelhiom ghan esomanan ạna.

1 Krọnikuls 16:15

Kébula ịyo phọ Ẹnaan, ịpe ọdi aseere bọ mọ ẹrol kꞌagee-pọ,

2 Krọnikuls 6:14

Ọdi ạaḅereghi mọ, “Ọmoogh-we Ẹnaan phọ Ịzirel, ẹnon ẹmugh dị ẹghigh nyịna ílho, mꞌẹpe ạnyu ạke phọ mꞌịsien ade phọ. Nạ ạpamanam ni ịyo phọ nạ aghiran bọ rꞌawe ạna, kụ aḍeenaan bịdi ẹphomoghian ạna mem dị bịdi ọrolan nyịna rꞌoomo ologhi.

Nehemaya 1:5

“Ọmoogh-we Ẹnaan kꞌạke, nạ ạbugh ni kụ yoor ọmeera esi oghiilaan ạna. Nạ raako ghan ni ịyo lọ nạ aghiran rꞌawe phọ ạbuphe ọphomoghian bọ nyịna kụ roḍighi ghan bọ ịlo nạ ạḅem.

Nehemaya 9:32

“Ẹnaan, Ẹnaan phọ ayoor, pọ eeghe ịdi nạ ạbugh! Pọ eeghe ịdi nạ aḍigh eegu, ạḅile ạmoogh ịikpo. Nạ ạkar raako ghan ruguanaan ịyo phọ nạ aghiran bọ. Emiigh kꞌamem mọ ạbudaam Asiria phọ ụkpiloghom bọ iyoor kụ kꞌạnyiidipho ni, ọmiinom mọ ayoor mạbugh ni iboom! Ạbudaam ayoor rꞌabuḍiemiom rꞌariil ạrikia rꞌariil kꞌẸnaan, ạburude ạburude rꞌoomo awe phọ ayoor mọmiinom ni. Tụutughian ni oomo ịpe yoor mọmiinom bọ.

Ạsuor 103:18

esi ạbuphe ooko bọ ịyo phọ ọdi, ọḅile bọ oḍighi ịtooghi phọ ọdi.

Ạsuor 105:8

Ọdi kạpamanam ịyo phọ ọdi kꞌagee-pọ rꞌaruguanaan phọ ọdi oniin ọonir oghiil.

Ạsuor 119:75

Mị alegheri ni mọ ịiruen phọ ạna eseleman ni, Ọmoogh-we, kụ nạ ụlhiom ịmi loor esi dị nạ raḍighi ghan ni ịpe nạ ạghaaph bọ.

Ạsuor 146:6

ọlemia ạke rꞌade rꞌọphiiny phọ rꞌoomo ịlo edi ologhi ạbidi. Ọdi rábi ghan ịpe ọdi maguanaan bọ.

Ạsuor 36:6

Aruukuan phọ ạna epoph ịdipho aruugum, ḅịle ịiruen phọ ạna ẹkel ịdipho eḍiiny ọphiiny. Nạ kụ raako ghan ịnam rꞌawe.

Ẹḍua 20:6

Kụ ọnma ighirigiir kạtolonaan ni sịmuunir ạbulo ụphomoghian ịmi kụ ooko ghan iilogh phọ ạmi.

Azaya 49:7

Ẹnaan Iigbia rꞌỌpelia phọ Ịzirel rạḅeni ghan nyọpo ọkaraghi bọ ọḅitonaan, ọpo areelhe phọ ọlhogh bọ ḍien phọ kụ aḍighi bọ otelhedom ạbudaam mọ: “Ạbudaam kọmiin ni ịdi moseere nyịna, kụ oḅerenu ọngo ạna rughuenian; ịkpana ạnmuny ạbudaam kẹn bịn kọmiin ni, kụ bịdi kozumeri rụmhu ọngo ạna eghuan.” Ịphen phọ kemite loor esi dị Ọmoogh-we phọ mạsaḅar ri otelhedom ọdi; Ẹnaan Iigbia phọ, Ẹnaan phọ Ịzirel reḍighi ghan ni kemitiom ịlo ọdi aguanaan.

Jerimaya 32:18

Nạ maḍeenaan ẹphomoghian dị rébi ghan ạngo ịbadi ạsimuunir, kụ ọlo mạḅile kẹn ni ạliom weye loor ịkaraph ạburude rꞌaburunhiin phọ ạbidi. Nạ kụ Egbogh Ẹnaan dị ẹmoogh ịikpo, Ọmoogh-we phọ.

Ịkunuma 3:23

Edi imoom ịdipho ạḍiroor, kụ amabi ólho ịdipho emitenom erumuḍio.

Dạniel 9:4

Mị ụuḅereghi ni Ọmoogh-we Ẹnaan phọ ạmi kụ aruphughian ịkaraph awe phọ ạmi. Mị ụḅem ni, “Ọmoogh-we Ẹnaan, nạ kụ ogbogh, ḅịle yoor roghueni ni nyịna. Nạ raako ghan ịyo phọ nạ maghiran bọ aḍeenaan ẹphomoghian dị rémuneen ghan esi ạbuphe ọphomoghian bọ nyịna roḍighi ghan bọ ịlo nạ ạto.

Igbiighi 14:18

‘Ọmoogh-we phọ rạ́nuun ghan kạghagh ologhi, ạmoogh oboom ọnma ighirigiir, rꞌọsar ịkaraph ọwilenaan, dị rạ́pel ghan oye lọ erugh ephum, dị rạsighe ghan ịkaraph ạburude kạkpiom nmụny ạbidi esi ịraar rꞌinya oghiil.’

Bụo aRom 8:28

Yira olegheri ni mọ Ẹnaan rẹlogh ghan ni ḍịghaagh mọ oomo ạraraar ẹnighenaan bụphe ọphomoghian bọ nyọdi, bụphe ọdi ạatughian bọ kụ ạmagh.

1 Bụo ạKorint 1:9

Ẹnaan phọ ịmagh bọ inyina mọ ịḅophoghan rꞌỌony phọ ọdi ạJizos Kraist Ọmoogh-we phọ ayira reḍighi ghan ni ịlo dị aguanaan.

1 Bụo ạKorint 10:3

Oomo phọ ạbidi ule ni eniin phọ eḍien aruwaloor phọ.

1 Bụo ạKorint 8:3

Kụ Ẹnaan rẹloghoma ghan ni oye lọ ạphomoghian nyọdi.

2 Bụo ạKorint 1:18

Ẹnaan phọ reḍighi ghan bọ ịpe ọdi aguanaan bọ elegheri ni mọ mị inyina íguanaan ghan ọkpe rꞌigey,

Dutoronomi 32:39

“‘Mị, ogina ạmi kụ Ẹnaan; umuton ịmi, ẹnon ẹmugh ílho. Mị akiigh kụ ạḅile ạngo ghuḍum. Mị amitiom esi kụ ạḅile aakonom. Kụ oye dị katue ạtagharan ạsighe sịphe ạḍighaagh phọ ạmi ólho.

Dutoronomi 32:4

“Ọmoogh-we phọ kụ ogbogh ọsuaram anyina; oomo areten phọ ọdi eeleeny ni, Ẹnaan anyina oye rébi ghan, ịkaraph réḍighi ghan, eseleman ni kụ aaleeny.

Dutoronomi 4:35

Iḍeenaan bọ inyina ịphen phọ, ọbo nyina ẹsighe elegheriom mọ Ọmoogh-we phọ, ọdi bịn kụ Ẹnaan. Omuton nyọdi ẹnon ílho.

Dutoronomi 4:39

Kụ iḍighi, ilegheri rodon, kụ ẹetughian ghan sịphe iloghi phọ anyina mọ Ọmoogh-we phọ, ọdi kụ Ẹnaan phọ edi bọ ẹpe kꞌạke rꞌịsien aḅirini phọ. Omuton nyọdi, ẹnon ílho.

Dutoronomi 5:10

Kụ ọnma ighirigiir kạtolonaan ni sịmuunir ạbulo ụphomoghian ịmi kụ ooko ghan iilogh phọ ạmi.

1 Bụo ạTesalonika 5:24

Ọpo ịmagh bọ inyina oye rábi ghan, kaḍighi ni ịphen ọdi aguanaan bọ.

2 Bụo ạTesalonika 3:3

Ọmoogh-we phọ kaḍighi ni ịphen ọdi aguanaan bọ. Ọdi kịngo ni inyina ịnyaam, ịphel inyina ạsighe ḍịghaagh Eru.

2 Timoti 2:13

Eḍighi ịyaar dị yira ụ́kpe oḍuom ologhi, ọdi ạkpe ni oḍuom ologhi, ịdi eḍighi bọ ọdi ọkpe loor ọdi rạ́gbaanaan ghan.”

Tạitos 1:2

ọḅile ọmoogh oḍuom ologhi ịlo aghuḍum kꞌagee-pọ phọ. Ẹnaan phọ ọkpe kẹ́gba ghan bọ iguanaan ni kꞌẹḅel egbiom mọ ọngo ayira ghuḍum mọ ạkuen,

Bụo aHibru 10:23

Ọpham oḍuom ologhi phọ ayira ọkparami ghan, ịdi eḍighi bọ yira omeeraam ni mọ Ẹnaan keḍighi ni ịpe ọdi aguanaan bọ!

Bụo aHibru 11:11

Omeeraam kụ aḍighi bọ ịyaar phọ aSera malhoologh bọ ni kụ ạmoogh bọ ni ịnyaam oomorom ọony phọ, ịdi eḍighi bọ ọdi ameeraam ni mọ ọpo aguanaan bọ nyịno kaḍighi ni ịpe oguan phọ amitiom.

Bụo aHibru 6:18

Ịyal phọ ạraraar phọ ịphen phọ rénmia ghan bọ, kụ Ẹnaan iyira ọkpe kị́gbaam bọ, imoogh ni iyira phọ moḍigh bọ ḍibuo phọ ọdi, ọpham oḍuom ologhi phọ ọpo odi bọ ghisigh phọ ayira ọkparami.

Jems 1:12

Iboh kꞌẸnaan edianaan ni oye lọ ạmerenyan ịiḅaghami; kozu ni nyọdi eghoony aghuḍum mọ ẹpe Ẹnaan eguanaan bọ bụphe ọphomoghian bọ nyọdi.

1 Jọn 1:9

Kụ yira ọgba ghụn ịkaraph phọ ayira omitiom, Ẹnaan kẹsar ri ịkaraph phọ ayira ịwilenaan iyira ẹḅile igbuurogh iyira ẹḅaalami esi ẹkaraph eḍighinom ịyaar phọ ayira, ịdi eḍighi bọ ọdi rábi ghan ruguan phọ ọdi, ḅịle ịiruen ọdi reeleeny ghan ni.

Bụo Ịiruen 2:1

Ọokpaany kꞌỌmoogh-we phọ ạḍua ni Gịlgal ạghi ẹpe Bokim kụ ạḅeni we Ịzirel mọ, “Mị kụ ịsighe bọ inyina amitiom ẹpe Ijipt, ạsighe aru asiemi sịen ade phọ ạḍien mị aghunya bọ ạngo bụrude phọ anyina, kụ mị ạḅeni bọ mọ mị kạ́ka ịyo phọ mị rꞌanyina eghiran bọ.

Bụo Ịiruen 5:31

“Ọmoogh-we, guugulemi oomo ạbuphe ọlogh bọ nyịna ḍien. Ḍighi ịdi oomo ạbuphe ọphomoghian bọ nyịna kọmu ịdipho erumuḍio mem lọ ọdi rạkimom rꞌịnyaam ọdi.” Kụ ade phọ ephooghian inyadi ạsia.