Dutoronomi 7:8 - Ạḍinya Iigbia

⁸ Ịdi eḍighi bọ Ọmoogh-we phọ ịphomoghian inyina kụ ạtu bọ raako ghan ịyo phọ ịpe ạburude phọ anyina rꞌọdi oghiran bọ, kụ Ọmoogh-we phọ ạtu bọ ạsighe ḍịghaagh iphelegbe phọ ọdi ịsighenom inyina ạḍuanam, ịtagharan inyina ạsighe esi ạdol ạrebene phọ ḍịghaagh ọdaam eelhe phọ Ijipt.

Dutoronomi 7:8 Iomraidhean Croise

Emiighom 19:16

ẠLot aabinya ni kụ Ọmoogh-we phọ ạnma nyọdi ighirigiir; kụ awe phọ ọpham rạghaagh ạLot rꞌạnir phọ ọdi rꞌịyal phọ ạnmanyaan phọ ọdi omitenom ẹmha phọ.

Emiighom 19:29

Rẹteeny bọ mem dị kopiemi rạmha phọ rꞌarere phọ ẹpe ạLot arugh bọ, kụ Ẹnaan ẹetughian Ebraham kụ ẹngo ẹereegh Lọt osuma ọghi ekpisi dị ịiḅaghami phọ kési.

2 Sạmuel 22:20

Ọdi uphune ịmi esi ịiḅaghami; ọdi ụphel ịmi loor esi dị mị ụḅeeraan ni nyọdi.

1 Ạbudaam 10:9

Ạḍiseph ẹrolonaan Ọmoogh-we Ẹnaan phọ ạna ọpo ạmoogh bọ ḍịḅeeraan esi ạna, kụ ạrolomi bọ nyịna ạgada ọda Ịzirel; ịdi eḍighi bọ Ọmoogh-we phọ ạpomoghian Ịzirel kꞌagee-pọ, ọdi maḍighi nyịna ọdaam eelhe phọ, oogboom ịiruen rꞌạdol aruukuan.”

1 Krọnikuls 16:16

ịyo phọ ọdi aghiran bọ rꞌEbraham ruguanaan phọ ọdi aguanaan bọ Ạizik.

2 Krọnikuls 9:8

Ạḍiseph ẹrolonaan Ọmoogh-we Ẹnaan phọ ạna ọpo ạmoogh bọ ḍịḅeeraan esi ạna, kụ ạrolomi bọ nyịna ạgada ọda awe esi aḍien ọdi. Loor esi dị ọdi ạpomoghian Ịzirel awe ọdi kụ ạwa mọ bịdi ọrol kꞌagee-pọ, ọdi maḍighi nyịna ọdaam ạbidi oogboom ịiruen rꞌaruukuan.”

Ạsuor 105:42

Ọdi aako iikunya ọghor phọ ọpo dị aguanaan bọ ạngo Ebraham otelhedom mọ ọdi.

Ạsuor 44:3

Awe phọ ạna ụ́sighe elhool ẹgham kụ ọmooghom bọ de phọ; ḅịle kẹn, ịnyaam ạbidi kụ bịdi ị́pel bọ; ạḍighaagh elhiom mọ ạna rꞌịnyaam mọ ạna kụ ịphel bọ bịdi ịdi eḍighi bọ bịdi ọḅeeraan nyịna.

Ạsuor 44:4

Nạ kụ ọdaam ạmi rꞌẸnaan ạmi. Nạ kụ ụngo bọ we phọ ạna ọkpar opu.

Ẹḍua 13:14

Ḍio dị ọony ạna apuru nyịna mọ, ‘Ẹmhu ịphen phọ pọ ika?’ ḅẹni nyọdi mọ, ‘Esi ạḍighaagh iphelegbe phọ ọdi kụ ẹdi Ọmoogh-we phọ ụsighe bọ iyira amitiom ẹpe Ijipt, ẹpe ạdol ạrebene.

Ẹḍua 13:3

AMozis ạḅeni we phọ Ịzirel mọ, “Ịitughian ghan ḍio phọ arodon. Arodon kụ ẹdi nyina ẹḍua bọ ẹpe Ijipt emite, esi phọ nyina eḍighi bọ rẹbene; ạḍiikpara ạḍighaagh ọdi kụ ẹdi Ọmoogh-we phọ ịsighe bọ inyina amitiom. Íle ghan ạbred lọ ọlogh yist.

Ẹḍua 20:2

“Mị kụ Ọmoogh-we Ẹnaan phọ anyina ọpo ịsighe bọ inyina ạḍuanam ẹpe ade phọ Ijipt sịphe nyina eḍighi ghan bọ rẹbene.

Ẹḍua 32:13

Tụutughian Ebraham rꞌẠizik rꞌỊzirel, abutelhedom mọ ạna, bụphe nạ ạtuan bọ kụ aghunya rꞌaloor, kụ ạḅeni bịdi mọ, ‘Mị kạbughe ni ọophi anyina ịdipho ạraanaan phọ edi bọ ẹpe okuaḍio; kụ oomo phọ ade phọ ạḍien mị aguanaan bọ ọngo oghiil anyina kẹtol ḍịo anyina kꞌagee-pọ.’”

Ẹḍua 6:6

Loor ịduon phọ ḅẹni we phọ Ịzirel mọ, ‘Mị kụ Ọmoogh-we phọ. Mị kịsighe ni inyina esi ịminimiin phọ Ijipt rịmiine bọ inyina. Mị kịsighe ni inyina esi ạdol ạrebene phọ. Mị kapoophe ni ḍịghaagh iphelegbe ạmi ịtagharan inyina rꞌịgbagara ịiruen.

Azaya 43:4

Mị katoka ni reelhe kụ ạpel ghuḍum anyina, loor esi dị nyina eḍighi ni ịiseeny esi ạmi kụ mị ịphomoghian inyina kụ ịngo inyina eghuan.

Azaya 63:9

esi oomo ịminimiin phọ ạbidi. Kọ́okpaany kꞌạke, kụ Ọmoogh-we phọ rꞌaloor kụ ạphel bịdi. Esi ẹphomoghian rꞌọnma ighirigiir ọdi kụ ẹdi ọdi ạtagharan bịdi. Ọdi ạmaar ghan ni aphogh bịdi mem dị meten,

Jerimaya 31:3

mị ugananami ni loor ạmi esi ạbidi kꞌekpisi dị ẹkel. Weye Ịzirel, mị rịphomoghian ghan ni inyina. Ịduon kụ ẹdi mị riḍeenaan ghan ni inyina ẹphomoghian dị rébi ghan.

Izikiel 36:22

“Nyịidipho ḅẹni weye Ịzirel phọ dom mọ mị Ọmoogh-we dị ạmoogh oomo ịikpo ạmooghaan bọ bịdi: Ịpe mị kaḍighi bọ kẹ́mhu anyina awe phọ Ịzirel, kụ ọlo esi aḍien iigbia phọ ạmi nyina meefolomi bọ oomo areelhe lọ nyina ẹghi.

Maika 6:4

Mị ịsighe inyina amitiom sịphe Ijipt; mị ịtagharan inyina dọl ạrebene; mị arom Mozis, Eeron rꞌạMiriam mọ iḍiemiom inyina.

Maika 7:20

Nạ kaḍeenaan ọmeeraam rꞌẹphomoghian oomo amem weye ạna, bụo ẹemara Ebraham rꞌạJekob, ịdipho nạ aguanaan bọ bụrude ạburude ayoor mem dị meten.

Zẹfanaya 3:17

Ẹnaan phọ anyina, Ọmoogh-we phọ odianan rꞌanyina; ịikpo phọ ọdi kụ rịngo inyina ọkpar-opu. Ọmoogh-we phọ kạmoogh ni ḍịḅeeraan esi anyina, kụ esi ẹphomoghian ọdi kụ ẹdi ọdi kịngo inyina kumoom aghuḍum. Ọdi kạmoor sụor kụ ạmoogh iboh esi anyina

Malakai 1:2

Ọmoogh-we phọ rạḅeni ghan weye phọ ọdi mọ, “Mị ịphomoghian ni inyina.” Kụ ọlo bịdi ọpagharanaan mọ, “Ika kụ ẹdi nạ maḍeenaan ẹphomoghian phọ ạna esi ayoor?” Ọmoogh-we phọ ạpagharanaan mọ, “Ịso rꞌạJekob uḍighi ni bumor, kụ ọlo mị mạphomoghian Jẹkob rꞌẹemara ẹemara phọ ọdi,

Matiu 11:26

Ii, Ọde, ịphen ẹḅeeraan bọ nyịna oḍighi phọ ịḍua ni ologhi ạna kụ emite.

Elegh aLuk 1:55

Ọdi mạnma ighirigiir Ebraham rꞌẹemara ẹemara phọ ọdi kꞌagee-pọ.”

Bụo aRom 11:28

Ịdipho bụo aJu phọ oghel bọ ooḅi ọghaaph phọ, Ẹnaan mẹlhogh bịdi ḍien, ọbo eepoogh imitenaan inyina aruuruen phọ. Kụ ọtuan ịdipho Ẹnaan ẹsaḅar bọ bụo aJu phọ ẹsighe, ọdi akol li ẹmhu abugbogh ạburude phọ ạbidi ạloghoma aani bịdi.

Dutoronomi 1:8

Ipogh. Mị miseenaan inyina oomo ade phọ ạḍiphe edi bọ risigh anyina; ịki ẹmoogh de phọ ạḍiphe Ọmoogh-we phọ aghunya bọ ạngo bụrude phọ anyina, Ebraham, Ạizik rꞌạJekob, rꞌạnmuny phọ ạbidi.’”

Dutoronomi 10:15

Kụ ạburude phọ anyina ọḅeeraan Ọmoogh-we phọ, kụ ạson bịdi sịphe esi oomo aḍita awe phọ rạpomoghian ghan nmụny phọ ạbidi kꞌarodon.

Dutoronomi 23:6

Ị́wa ghan ẹphomoghian esi ạbidi mꞌẹelha ạbidi oomo asiḍughul-otu aghuḍum mọ anyina kꞌagee-pọ.

Dutoronomi 33:3

Ọmoogh-we phọ ạpomoghian ni we phọ ọdi, kụ rạmaar kạpham bụphe oḍighi bọ bụo ọdi. Kụ yoor okpuḍian sịphe aruwol phọ ạna, kụ ọdaphan ịtooghi phọ ạna,

Dutoronomi 4:20

kụ nyina awe dị Ọmoogh-we phọ ạtagharan ẹpe Ijipt sịphe aḍiboom ạnian phọ reemor bọ. Ọdi imitiom inyina dị nyina eḍighi we ọdi, ịduon nyina edi bọ rodon.

Dutoronomi 4:34

Ẹkaaneen ịyaar mẹghi ghan ni ẹsighe we ẹnon eelhe kụ eḍighi bụo ọdi, ịdipho Ọmoogh-we Ẹnaan phọ anyina iḍighi bọ inyina ẹpe Ijipt? Risigh anyina kụ ọdi aḍeenaan ịikpo rꞌịnyaam; ọdi amitiom rẹezegh rꞌẹgham, aḍighi ịiḍaany rꞌimananaan, rꞌiiḍighi aḍiigu.

Dutoronomi 4:37

Ịdi eḍighi bọ dị ạphomoghian bụrude phọ anyina, ạtuan ịdipho kụ ạsaḅar bọ nmụny phọ ạbidi, kụ ịsighe bọ inyina amitiom egbodo ọdi, kụ ạsighe igbogh ịikpo phọ ọdi ịsighenom bọ inyina ẹpe Ijipt.

Dutoronomi 5:6

‘Mị kụ Ọmoogh-we Ẹnaan phọ anyina ọpo ịsighe bọ inyina ạḍuanam ẹpe ade phọ Ijipt sịphe nyina eḍighi ghan bọ rẹbene phọ.

1 Jọn 4:19

Yira rọpomoghian ghan ịdi eḍighi bọ Ẹnaan kụ ịphur ịphomoghian iyira.

1 Sạmuel 12:22

Ọmoogh-we phọ maguanaan kụ ọdi inyina kị́wile, loor esi dị ọdi magbiighi amuneni ọsighe anyina oḍighi awe ọdi.