Dutoronomi 7:25 - Ạḍinya Iigbia

²⁵ Ịsighe ịkaaghineen ạrumugh phọ ạbidi eguom nịan. Kẹ́maghami ghan ịyaar silva phọ rꞌagol phọ ọdamaghi bọ. Kẹ́sighiogh ghan, ọbo nyina kemeel ghan bọ eḍighanaan, ịdi eḍighi bọ ạḅaphanya ni esi Ọmoogh-we Ẹnaan phọ anyina.

Dutoronomi 7:25 Iomraidhean Croise

2 Ạbudaam 23:14

Ọdi aḅomoghi oomo ạraraar aruru phọ ạbidi ạkiriph aḍighi ịpherepe. Ọdi ạphueghi oomo igbudu um-ạke Asera, kụ ạsighe ịḅarara awe asereghi riisi phọ ịpe phọ.

1 Krọnikuls 14:12

Mem mọ awe phọ aFilistia phọ rosumughu bọ, bịdi ụwile yogh ni ịkaaghineen ạrumugh phọ ạbidi, kụ aDevid ạto ạngo mọ ọsuughi nịan.

Ẹḍua 20:17

“Káseph otu ọnon oye ạsighenom, káseph ạnir ọdi ạsighenom, mꞌọony otu ọdi, mꞌọnyani otu ọdi, mꞌạnam ọdi, mꞌẹnam adool ọdi, mꞌạtorobo ịyaar lọ ọdi ạmoogh.”

Ẹḍua 32:20

Kụ ọdi ạsighe ọony ạnam mọ bịdi ọlhem bọ ạlogh nịan ạazaghami gol, ạgbe atene ọoru kụ akironom mụum kụ ạkpaariom nmụny Ịzirel mọ ọphughologh.

Ẹḍua 8:26

Kụ aMozis ạḅem mọ, “Ị́kpe dị yoor koḍighi ịphen phọ. Oḍighi ịyaar aghuḍum ọngo Ọmoogh-we Ẹnaan phọ ayoor eru bọ ḅạphanya Ijipt. Kepin ni iloghi awe Ijipt dị yoor roḍighinom rạraar aghuḍum ịnam mọ yoor ọngo bọ Ọmoogh-we Ẹnaan phọ ayoor. Eḍighi ịyaar lọ bịdi kụ ụmiin iyoor, bịdi kuroḅol iyoor ikpo tụtu yoor omuughu.

Azaya 30:22

Nyina kẹsighe nmụny aghuḍuul phọ anyina ọdamaghiom bọ silva rꞌạnmuny aghuḍuul phọ anyina okpoghom bọ gol kụ etoḅologhi ịdipho ẹenir, kụ ẹlooghi mọ, “Ịḍua sịen egbodo ạmi.”

Azaya 41:24

Nyina rꞌoomo ịlo nyina eḍighi oopho ni bịn; ooseeny ghan anyina eḍighi ni ḅạphanya.

Lịvitikos 13:52

Pọ ọdi ạsighe ạsuoma phọ aguom nịan. Ẹzegh ọku ufe, ẹkaraph ẹzegh dị rẹdaph ghan ạsuoma mꞌolhooneen mꞌọkoloneen rꞌạtorobo ịyaar phọ ẹpe roḍighinaan ghan bọ loor kụ kẹphue.

Lịvitikos 19:4

“Kị́wile ịmi ẹ́eḅereghi ruru; ḅịle kẹn, kẹ́ka ghan rụmugh esereghian siloor anyina. Mị kụ Ọmoogh-we Ẹnaan phọ anyina.

Zẹfanaya 1:3

oomo awe rꞌịnam, ịnun rꞌina. Mị kaḍighi ịdi bụo ẹkaraph eḍighinom ịyaar kopeeghu. Mị kapiemi ni oomo ọmar awe kụ rꞌoniin kásugha. Mị Ọmoogh-we phọ mạghaaph.

Dutoronomi 12:3

Elereghi renmeny ạrikia phọ ạbidi, eḅomoghi igbudu um-ạke phọ rꞌạsighom mọ Asera edoghoḍi nịan, elereghi ịkaaghineen ạrumugh ạbidi ephiemi siḍien phọ ạbidi ẹpe phọ.

Dutoronomi 13:16

Kụ ekori ẹsighe oomo aruphua phọ ạbidi nyina ewum bọ eekpomoghi ekpol sịphe egbogh erugh ẹmha phọ, kụ ẹḅaram rꞌẹmha phọ eguom nịan, eḍighi ẹkia oguom ạnian ọngo Ọmoogh-we Ẹnaan phọ anyina, eḍighi ebum ẹrol sịphe kꞌagee-pọ, kọ́loghoḍi mun ruutu sịphe phọ.

Dutoronomi 17:1

“Ị́sighe ghan ẹnam lọ eḍigh ẹgha, mꞌạnam mꞌoyool-ọga, eḍighinom ịyaar aghuḍum ẹngo ghan Ọmoogh-we Ẹnaan phọ anyina. Ẹpe mẹphuph bọ ạḅaphanya ni esi Ọmoogh-we Ẹnaan phọ anyina.

Dutoronomi 23:18

Kẹ́sighe ghan ikpoki dị ọkpe ọnyo akunakuna, mꞌikpoki lọ oghoom ghoogh, eḍighom sịphe otu iigbia Ọmoogh-we Ẹnaan phọ anyina, ọkpiom ịlo nyina eguanaan. Ịyal phọ ikpoki phọ ịphen ạḅaphanya ni esi Ọmoogh-we Ẹnaan phọ anyina.

Dutoronomi 27:15

“‘Itulughian ẹrolonaan oye lọ ạka tọrobo ịyaar mꞌạḅol igbudu, ẹmugh dị ọsighe rạghaagh kụ ọkaam arukumuan ọkaam ạmaka, kụ ạsighe aseere esi ịbooghian. Ạḅaphanya ni esi Ọmoogh-we phọ.’ “Kụ oomo awe phọ omeeraam ghan kụ ọḅem ghan mọ, ‘Ẹrol li ịdipho.’

Dutoronomi 7:16

Kụ nyina epiemi oomo awe phọ ạbuphe Ọmoogh-we Ẹnaan phọ anyina katorori bọ ạlogh ḍịghaagh anyina. Bịdi kúḍigh ighirigiir esi anyina.

Dutoronomi 7:5

Ịduon kụ ịdi nyina keḍighi bịdi. Inyuughi oomo phọ arenmeny ạrikia phọ ạbidi elereghi, enyuughi sịghom mọ ạbidi elereghi, eḅomoghi oomo igbudu um-ạke Asera, ẹsighe nịan eguom,

Josua 7:1

Ologh phọ Ọmoogh-we phọ ạlogh bọ ạngo we Ịzirel mọ ịyaar kụ́sighe úmitenom ẹpe Jeriko ụ́daphan. Oye dị oghol mọ Akan ạsighe iniin ạraraar phọ ịpe ọnyagharanaan bọ ọngo Ọmoogh-we phọ, kụ Ọmoogh-we phọ ạghagham ologhi we phọ Ịzirel. (Akan aḍighi mọony aKami, ọony ọony aZabdi, ọlo ọto aZera, ọlo eghun aJuda.)

Josua 7:21

Mị ạmiin sịphe ạraraar phọ yoor owum bọ oniin ạdoni ọlo ạBabilon, silva dị ẹemor phọ ẹghiom ni ịyal igbogh ịtoom, ḅịle rꞌopoḍi agol dị ẹemor phọ ẹman epu egbem ogbogh ọtoom, kụ mị ạseph ạsighenom. Nyina kẹmiin dị oḍi ude sịphe ogbogo phọ ạmi, kụ asilva phọ odi ude.”

Ogonanami Phọ 17:5

Sịphe egbodo phọ ọdi ụge ḍien dị ạaghi ẹmhu phọ mọ, “Oboom ạBabilon, onhiin oomo abulhiom ẹmha rꞌugbini-ugbini aḅirini phọ.”