Dutoronomi 7:24 - Ạḍinya Iigbia

²⁴ kụ atorori rạalha ạramha phọ ạbidi ạlogh ḍịghaagh anyina kụ nyina ephiemi siḍien phọ ạbidi sịen aḅirini phọ. Oye dị kạmeera egbodo anyina ólho, tụtu nyina ephiemi bịdi ẹman.

Dutoronomi 7:24 Iomraidhean Croise

Ạsuor 9:5

Nạ mạḅaam oomo areelhe phọ kụ apiemi bụo ạsipioghom mọ. Nạ magbuurogh siḍien ạbidi kꞌagee-pọ.

Ẹḍua 17:14

Kụ Ọmoogh-we phọ ạḅeni Mozis mọ, “Gẹ ịlo ọkpar opu phọ ọphon loor ạḍinya ẹrol dị ọsighe ghan ọotughianam, kụ ạghaaph ịphen phọ adoghoḍi reḅeri aJosua. Ḅẹni nyọdi mọ mị kaagulemi ni bụo Ạmalek phọ ịdi kọ́otughian ghan mun bịdi sịen aḅirini phọ.”

Asidogh 10:7

Bugey awe kọotughian mọ ạbidi ạḍiseph; kụ bụkaraph awe, kọnuun ni obula.

Azaya 54:17

Kụ ẹenema ílho dị keḍighi nyịna ịyaar; nạ kạmoogh ni ọphagharanaan esi oomo ạbulo ọgbaanaan nyịna ịkaraph ạsiagba. Mị kabianaan ni butelhedom ạmi ạngo bịdi ọkpar opu.” Ọmoogh-we phọ kụ ạḅem.

Jerimaya 10:11

(Nyina awe phọ, ịḅeni bịdi mọ ạrumugh phọ kụ ị́lem bọ kẹ phọ rꞌade phọ kụ kopiemi ni bịdi. Bịdi kọ́moogh mun esi ọrol sịen ade phọ.)

Zẹfanaya 1:4

“Mị kạliom ni we phọ aJeruselem rꞌoomo aJuda. Mị kapiemi ni tọrobo ẹesuna lọ rọoḅereghi ghan bọ eru aBaal sịphe, kụ rꞌoniin oye kạ́atughian mun riil aghuḍuul phọ rokumu ghan bọ nyọdi.

Bụo aRom 8:37

Eeye. Ọpo ụphomoghian bọ iyira raḍighi ghan ni ịdi yira ọkpar ri ropu kopeleghiom oomo ạraraar phọ ịphen phọ.

1 Bụo ạKorint 15:57

Kụ ọseph ni Ẹnaan phọ ẹtuan bọ Jịzos Kraist Ọmoogh-we phọ ayira reḅeton ghan ḍịghaagh phọ ayira!

Dutoronomi 11:25

Oye ólho dị katue ạmeera egbodo anyina, ịdi eḍighi bọ Ọmoogh-we Ẹnaan phọ anyina kaḍighi ni ịdi kighiilaan inyina, nyina eḍigh ruugu ẹpe oomo ade phọ, ịdipho dị ịḅeni bọ inyina.

Dutoronomi 25:19

Kụ ẹteeny mem dị Ọmoogh-we Ẹnaan phọ anyina keḍighi ịdi nyina kekpetenaan bụmulogh-ḍien phọ anyina iko bọ inyina ekitonom, ịngo inyina ophooghian ẹpe ade phọ Ọmoogh-we Ẹnaan phọ anyina ịngo bọ inyina ọmoogh phọ, nyina kegbuurogh ni ẹsighe sịphe iloghi phọ anyina ọotughian ghan Ạmalek. Kébula ghan.

Dutoronomi 29:20

Ọmoogh-we phọ oye phọ ọpo kạ́bilenaan. Ạghelhe phọ Ọmoogh-we phọ rꞌọghagh ologhi phọ ọdi kesoroghuom ni oye phọ ọpo, kụ oomo phọ itulughian phọ ịphen ọge bọ sịen ạḍinya phọ ạḍien esoroghuom oye phọ ọpo, kụ Ọmoogh-we phọ agbuurogh ḍien oye phọ ọpo ạsighe sịen aḅirini phọ.

Dutoronomi 9:14

Ụwile ịmi, mị kapiemi bịdi, agbuurogh ḍien ạbidi ạsighe sịen aḅirini phọ; kụ mị kaḍighi nyịna ọde eboom eelhe dị kẹbugh epu bịdi.’

Dutoronomi 9:3

Ilegheri ḍio phọ arodon mọ ọpo riḍiemiom bọ inyina ịdipho ạnian ọnuza, ọdi kụ Ọmoogh-we Ẹnaan phọ anyina. Ọdi kapiemi ni bịdi asooromi, bịdi ọtol eeḍian anyina; kụ nyina eporogh bịdi ọḍuaghu, kụ nyina eegborion epiemi bịdi, ịdipho Ọmoogh-we phọ iguanaan bọ inyina.

Josua 1:5

Oye ólho ẹpe phọ dị katue ạkpar apu nyịna oomo asiḍughul-otu aghuḍum mọ ạna. Ịdipho mị ạrolonaan bọ Mozis, ịdipho kụ ịdi mị kạtuugh ạrolonaan nyịna. Mị nyịna kạ́wile; kẹn, mị nyịna kághel.

Josua 10:23

Kụ bịdi ọtuugh ịdipho aJosua ạḅeni bọ bịdi oḍighi. Ọghi ọsighe oogh phọ ạbudaam mọ sịphe epogh eegum mọ oruom Josua, ọdaam mọ aJeruselem, ọdaam mọ ạHebron, ọdaam mọ aJamut, ọdaam mọ aLakis rꞌọdaam mọ Ẹglon.

Josua 10:40

AJosua ạkpar apu oomo ade phọ, emiigh kꞌẹpe aroogbolom mọ rꞌạḍigharaghar ade esoorom mọ esiemi ẹpe eḍiinyaan bọ rꞌẹpe ekpululu bọ; ạze bụdaam ẹmha phọ ạbidi rꞌoomo awe phọ ropooghu bọ ạmadan, rꞌoniin oye ósugheeny, ịdipho Ọmoogh-we Ẹnaan phọ Ịzirel ạto bọ ạḅeni nyọdi.

Josua 10:42

AJosua ạsighe oomo arere phọ ạbidi rꞌạbudaam mọ ạbidi egina amem, ịdi eḍighi bọ Ọmoogh-we Ẹnaan phọ Ịzirel kụ eenaan Ịzirel.

Josua 10:8

Kụ Ọmoogh-we phọ ạḅeni Josua mọ, “Kákiilaan bịdi, ịdi eḍighi bọ mị mạḅogh bịdi ạlogh ḍịghaagh ạna; oye ólho sịphe ogbo phọ ạbidi dị kạmeera egbodo ạna.”

Josua 11:17

emiigh sịphe Eegum ạHalak ẹghi esiemi ẹpe Idom, ẹsighe esiemi ẹpe Baal Gạd, esiemi Lẹbanon ẹpe ade phọ esoorom bọ ẹpe Eegum ạHermon, kụ ạsighe oomo ạbudaam mọ ạbidi akuphogh ạze.

Josua 12:24

Tirza; oomo ạraalha ạramha phọ ọdi ạkaaghi bọ ọman bọ ịraardi rꞌoniin.

Josua 21:44

Ọmoogh-we phọ ạngo bịdi ẹepho rꞌophooghian oomo eelhe phọ, ịdipho dị aghunya bọ ạngo bụrude phọ ạbidi. Ạbumulogh-ḍien phọ ạbidi útue ụ́merenyan bịdi, ịdi eḍighi bọ Ọmoogh-we phọ arorori oomo ạbumulogh-ḍien phọ ạbidi ạngo bịdi.

Josua 23:3

kụ nyina mẹmiin ni oomo ịpe Ọmoogh-we Ẹnaan phọ anyina eḍighi bọ oomo areelhe phọ loor ẹmhu phọ anyina, ịpe Ọmoogh-we phọ Ẹnaan phọ anyina eenaan bọ inyina.

Josua 23:9

Ọmoogh-we phọ maphorogh iboom areelhe phọ ẹmoogh bọ ịikpo ạsighiogh risigh anyina. Oye ólho dị katue ạmerenyan egbodo anyina kꞌarodon.

Josua 6:2

Kụ Ọmoogh-we phọ ạḅeni Josua mọ, “Mị mạḅogh Jeriko rạngo nyịna, rꞌọdaam ẹmha phọ ạbidi, rꞌoomo ikakara awe phọ ọdi. Nạghan ịphen nyina keḍighi bọ.