Dutoronomi 7:21 - Ạḍinya Iigbia

²¹ Kẹ́tuan bịdi ekpereghaan, loor esi dị Ọmoogh-we Ẹnaan phọ anyina odi ni rꞌanyina. Ẹnaan phọ anyina ẹpughan, eḍigh ruugu.

Dutoronomi 7:21 Iomraidhean Croise

2 Krọnikuls 32:8

Ịnyaam dị ọdi ạmoogh ẹḍua esi oye bịn; ịlo ayira ẹḍua Ọmoogh-we Ẹnaan phọ ayira dị kabianan ẹgham mọ ayira kụ ụphel iyira.” Ikpo ọnhu ọdaam mọ ịkparami ni iloghi awe phọ.

Nehemaya 1:5

“Ọmoogh-we Ẹnaan kꞌạke, nạ ạbugh ni kụ yoor ọmeera esi oghiilaan ạna. Nạ raako ghan ni ịyo lọ nạ aghiran rꞌawe phọ ạbuphe ọphomoghian bọ nyịna kụ roḍighi ghan bọ ịlo nạ ạḅem.

Nehemaya 4:14

Mị ụmiin mọ aruugu rasiph we phọ, kụ mị ạḅeni bịdi rꞌabuḍiemiom mọ rꞌạbuo iiḍighi phọ ạbidi mọ, “Kékiilaan ẹpomoghian phọ ayira. Ịitughian ịpe Ọmoogh-we phọ ạman bọ esi eegu rꞌịikpo, kụ eghol we ẹmha phọ anyina, nmụny anyina, nmạriir anyina rꞌaruutu anyina eeghi ẹgham mọ.”

Nehemaya 9:32

“Ẹnaan, Ẹnaan phọ ayoor, pọ eeghe ịdi nạ ạbugh! Pọ eeghe ịdi nạ aḍigh eegu, ạḅile ạmoogh ịikpo. Nạ ạkar raako ghan ruguanaan ịyo phọ nạ aghiran bọ. Emiigh kꞌamem mọ ạbudaam Asiria phọ ụkpiloghom bọ iyoor kụ kꞌạnyiidipho ni, ọmiinom mọ ayoor mạbugh ni iboom! Ạbudaam ayoor rꞌabuḍiemiom rꞌariil ạrikia rꞌariil kꞌẸnaan, ạburude ạburude rꞌoomo awe phọ ayoor mọmiinom ni. Tụutughian ni oomo ịpe yoor mọmiinom bọ.

Ạsuor 27:1

Ọmoogh-we phọ kụ ạḍiḅaal ạmi, rꞌỌpelia ạmi. Mị rákiilaan oye. Ọmoogh-we phọ kụ ruuko ghan ịmi esi oomo ịiḅaghami. Mị rákiil ghan ruugu.

Ạsuor 46:11

Ẹnaan Oomo Ịikpo phọ edianaan ni rꞌayira, Ẹnaan phọ ạJekob kụ esi ịbooghian ayira.

Ạsuor 46:5

Ẹnaan edianaan ni ẹmha phọ ẹpe, kụ kótue opiemi rꞌamem rꞌamem. Ọdi kạnuun ni atu ọlhoghonaan ạbidi ḍịghaagh.

Ạsuor 46:6

Areelhe rekpereghaan, ạramha repiigha yogh. Ẹnaan memoogha bịn ade phọ ẹgbo.

Ạsuor 46:7

Ọmoogh-we Oomo Ịikpo phọ odianaan ni rꞌayira, Ẹnaan phọ ạJekob kụ aḍibuo dị yoor oḍigh.

Ạsuor 47:2

Ọmoogh-we phọ, Ọkaraghi Egbogh Ẹnaan phọ, ọlo oghiilaan. Ọdi kụ ogbogh ọdaam ịsien aḅirini phọ.

Ạsuor 68:35

Kọsighe eeghe kụ ọtomaam egbogh eegu dị Ẹnaan, Ẹnaan phọ Ịzirel, ẹpham mem dị ọdi amite dọl iigbia phọ ọdi? Ọdi ạngo ịnyaam rꞌịikpo we phọ ọdi. Iboom Ẹnaan!

Ạsuor 89:8

Ọmoogh-we Ẹnaan Oomo Ịikpo, oye ólho dị ạbugh aaleeny nyịna; esi oomo ạraraar nạ ọ́moogh mabi.

Ạsuor 95:3

ịdi eḍighi bọ Ọmoogh-we phọ ogbogh ọdaam dị ạbugh ni iboom apu oomo ạrumugh.

Ẹḍua 29:45

Mị katugh igbo awe phọ Ịzirel, kụ mị aḍighi Ẹnaan ạbidi.

Dạniel 9:4

Mị ụuḅereghi ni Ọmoogh-we Ẹnaan phọ ạmi kụ aruphughian ịkaraph awe phọ ạmi. Mị ụḅem ni, “Ọmoogh-we Ẹnaan, nạ kụ ogbogh, ḅịle yoor roghueni ni nyịna. Nạ raako ghan ịyo phọ nạ maghiran bọ aḍeenaan ẹphomoghian dị rémuneen ghan esi ạbuphe ọphomoghian bọ nyịna roḍighi ghan bọ ịlo nạ ạto.

Igbiighi 14:14

Kụ bịdi kọkaaph ni ọḅeni we phọ bụen orugh bọ de phọ aḍien, ịdi eḍighi bọ bịdi mọnaghan ni mọ Ọmoogh-we phọ odianaan ni rꞌawe phọ ạbuen. Seseeny, Ọmoogh-we, oomo ariḍien phọ kụ rẹmiin ni, dị ọotu phọ ạna ạmeera esomanan ạbidi, kụ nạ raḍiemiom ghan bịdi ootaany rꞌeekpoogh ọotu, ḍughul eekpoogh ạnian.

Igbiighi 14:42

Ị́ki ghan, ịdi eḍighi bọ Ọmoogh-we phọ inyina kị́daph, ọbo ạbumulogh-ḍien phọ anyina kịze ghan bọ inyina.

Igbiighi 14:9

Ịdi idianaan iyira; yira kụ́moogh ịgbagharan esi Ọmoogh-we phọ. Kẹn, yira kúkiilaan bụo ade phọ, ịdi eḍighi bọ bịdi phọ eḍien ayira. Ẹloghonaan bịdi ílhoonaan mun; mạar bịdi ẹloghonaan phọ ạbidi. Ọmoogh-we phọ odi ni rꞌayira, kékiilaan bịdi.”

Igbiighi 16:3

ookpomoghan ọḅoph ọnhu ozuom Mozis rꞌEeron kụ ọḅeni bịdi mọ, “Nyina melhoghoma ẹpughan. Oomo aḍita ookpomoghan Ọmoogh-we kụ ạmoogh kụ Ọmoogh-we phọ odianan rꞌoomo ayira. Uḍighi ika, Mozis, kụ nạ aphoophe bọ loor ạna apuemi oomo aḍita awe Ọmoogh-we phọ?”

Igbiighi 21:34

Ọmoogh-we phọ ạḅeni Mozis mọ, “Kákiilaan nyọdi. Mị mạḅogh nyọdi rꞌoomo awe phọ ọdi rꞌade phọ ọdi ạngo nyịna. Tụugh ịpe nạ aḍighi bọ Sihon ọdaam mọ Ạmorait arugh bọ ẹpe Hesbon aḍighi aani nyọdi.”

Igbiighi 23:21

Mị ạnuun ni ạmiin mọ ịpe aghisigh phọ Ịzirel kétuom ẹkaraph elhor mꞌịiḅaghami Ọmoogh-we phọ Ẹnaan phọ ạbidi odianaan ni rꞌạbidi; Bịdi ogbeelom mọ ọdi kụ ọdaam ạbuno.

Igbiighi 9:20

Kụ eeni amem ọotu phọ rạtol ghan ạnyu Ogbogo phọ ẹphurukpu asuḍughul-otu, kụ bịdi ọdaph ịpe Ọmoogh-we phọ ạḅeni bọ bịdi bịn ọtol sịphe arugbogo phọ, bịdi ụdaph ghan ịtooghi phọ Ọmoogh-we phọ kụ oḅetenu erelhe.

1 Bụo ạKorint 14:25

Kogananami ni ịitughian ịbooghian phọ ọdi, kụ ọdi aḅololo ghisigh Ẹnaan aaseeny ạgba amitiom mọ, “Igey ni, Ẹnaan edi ni ogbo phọ anyina.”

Dutoronomi 1:21

Ọmoogh-we Ẹnaan phọ anyina maseere de phọ risigh anyina. Ịki ẹmoogh de phọ Ọmoogh-we Ẹnaan ạburude phọ anyina iguanaan bọ inyina. Kékiilaan, ḅịle kẹn kéekpukian.’

Dutoronomi 10:17

loor esi dị Ọmoogh-we phọ Ẹnaan phọ anyina, ọdi kụ Ẹmugh dị epu oomo ạrumugh, egbogh Ẹmugh dị ẹbugh, eḍigh ruugu; oye ọ́ghigh ịyaar esi ọdi, rále ghan oti-ọman.

Dutoronomi 20:1

“Tọro amem lọ nyina ẹghi ee ẹgham rꞌạbumulogh-ḍien phọ anyina kụ nyina ẹmiin rụsu-ịnam rꞌarughuugh-ude rꞌawe ẹgham mọ ạbidi ọbugh opu bụen anyina, kékiilaan bịdi, ịdi eḍighi bọ Ọmoogh-we Ẹnaan phọ anyina odi ni rꞌanyina, ọpo ịsighe bọ inyina ẹpe ade phọ Ijipt ạḍuanam.

Dutoronomi 25:8

Ikumoor awe ẹmha phọ ọmagh oye phọ ọghaaph ọḅeni. Eru mạar dị oye phọ úmeera ni ophin ạnir phọ kụ ạḅem mọ, ‘Mị rápin nyọdi,’

Dutoronomi 31:17

kụ mị ạkagham bịdi ologhi ḍio phọ ạḍiphe, kụ mị akel bịdi, kụ mị ạbooghi risigh ạmi esi ạbidi, kụ ọminogh bịdi. Kụ ọdo kịrokiro ịminimiin rꞌịkaraph esoroghuom bịdi, kụ bịdi ọḅem ghan ḍio phọ ạḍiphe mọ ịkaraph phọ ịphen ịtu ika kụ risoroghuom bọ iyira, ịdi eḍighi bọ Ọmoogh-we phọ ólhoonaan mun rꞌayira.

Josua 3:10

Ịsien kụ esi dị nyina kẹsighe kụ elegheri mọ Ẹnaan phọ rémugh ghan bọ edianaan ni rꞌanyina kụ ọdi kạ́bile ophorogh ạbuo aKenanait phọ rꞌạHitait phọ rꞌaHivait phọ rꞌạPerezait phọ rꞌaGirgasait phọ rꞌẠmorait phọ rꞌaJebusait phọ.

Josua 8:1

Ọmoogh-we phọ ạḅeni Josua mọ, “Aruugu nyịna kúsiph mun. Ologhi ạna kụ́konono mun. Nạ rꞌoomo awe ẹgham mọ, iḅetenu ẹghi Eai. Mị kaḍighi ni ịdi nyina kẹkpar epu ọdaam mọ Eai. Mị rịngo inyina we phọ ọdi rꞌẹmha phọ ọdi rꞌade phọ ọdi.

1 Sạmuel 4:8

Ạnhian kụ katue bọ ụphel iyira ạsighe esi ịikpo ạrumugh phọ ịphen phọ? Ịpe phọ kụ ạrumugh phọ ẹze bọ weye phọ Ijipt ẹpe ẹdala phọ.