Dutoronomi 7:2 - Ạḍinya Iigbia

² mem mọ Ọmoogh-we Ẹnaan phọ anyina kạḅogh bọ bịdi ịngo inyina, ịze bịdi, ephiemi bịdi eegulemi. Bịdi rꞌanyina kékiran ịyo. Ị́nma ghan bịdi ighirigiir.

Dutoronomi 7:2 Iomraidhean Croise

Emiighom 14:20

Ạḍiseph ẹrolonaan Egbogh Ẹnaan phọ ẹḅogh bọ mụlogh-ḍien phọ ạna ẹlhogh ḍịghaagh ạna.” Kụ Ebram adi ruphua phọ ịpe odi awum bọ ạsighe ẹpe ẹgham mọ ḍioph abin, kụ ạsighe bin ạngo Mẹlkizedek.

2 Sạmuel 21:2

(Awe phọ ạGibion úḍighi weye Ịzirel; bịdi uḍighi eniin ẹbam ẹkpigh Ạmorait dị awe phọ Ịzirel oguanaan ọmaar ooko, kụ ọlo ạSol eenan ophiemi ạbidi loor esi dị ọdi ọ́wa mọ oye ạaḅaghami Ịzirel rꞌaJuda.)

1 Ạbudaam 20:34

Kụ ạBen Hadad ạḅeni nyọdi mọ, “Oomo ạramha phọ ịpe ọde phọ ạmi ạanyi bọ ọde phọ ạna, mị kaḅulemi ni ạngo nyịna, kụ amiteghom siḍighi ịlo ạna ẹpe Dạmaskos ịdipho ọde phọ ạmi aḍighi bọ ẹpe Sameria.” Kụ Ehab ạḅeni nyọdi mọ, “Mị kạwilenaan ni nyịna, kụ yira okunyon ni ịyo ịduon nạ ạghaaph bọ kụ nạ akeel.” Kụ bịdi oghiran ịyo, kụ ọdi ạwile nyọdi kụ ọdi agheel.

Ẹzra 10:3

Nyịidipho yira ọmoogh ọkaraghi oguanaan Ẹnaan phọ ayira mọ yira koporogh yogh ni nmạriir phọ ạbuen rꞌạnmuny phọ ạbidi ọḍua. Yoor koḍighi ni tọrobo ịlo nạ rꞌạbueri phọ ạbuphe oghueni bọ ịtooghi Ẹnaan phọ uroma bọ iyoor oḍighi. Yoor koḍighi ni ịpe Ologh Ẹnaan phọ rạwa bọ.

Ạsuor 106:34

Bịdi ụ́ze we aruru phọ, ịdipho Ọmoogh-we phọ ạto bọ mọ bịdi oḍighi phọ,

Ẹḍua 22:20

“Oye lọ ạphighironaan ẹkia kụ ạngo ẹnon emugh dị ítu Ọmoogh-we phọ, itoph oye phọ ọpo ogbeph emutonaan nyọdi.

Igbiighi 21:2

Kụ Ịzirel aguanaan Ọmoogh-we phọ kụ ạḅem mọ, “Eru mạar dị nạ kụloghonaan ḍịghaagh iyoor ọkpar opu awe phọ ạbuen, pọ yoor kọḅogh bịdi rꞌạramha phọ ạbidi ọngo nyịna kụ opiemi.”

Igbiighi 31:17

Esi ịduon phọ, ịze oomo ịbam alephiri ạnmuny phọ rꞌoomo ạnmariir lọ rꞌoye mọrolan ghan esi.

Igbiighi 33:52

iporogh oomo ạbuo ade phọ, bụphe orugh bọ sịphe ade phọ, bịdi ọḍuaghu. Ẹphueghi egbonyon oomo phọ asighiigh phọ ịpe bịdi ọkaaghi bọ ọghighemian siloor, rꞌoomo ịkaaghineen ạrumugh phọ ạbidi, ḅịle rꞌoomo ariisi ooseeny aruru phọ ạbidi.

Dutoronomi 13:8

pọ úmeeraam ghan ịpe ọdi rạkaaph bọ, ụ́naghanam ghan nyọdi. Kákiririom nyọdi apogh. Kạ́ngo nyọdi eepoogh, ḅịle kẹn káloghoma nyọdi.

Dutoronomi 13:9

Kiigh nyọdi. Ạḍighaagh ạna kụ ẹphur emeelom nyọdi, kụ ạraghaagh oomo ạbueri phọ awe phọ egbi osoroghuom ọdi.

Dutoronomi 19:13

Kẹ́nma nyọdi ighirigiir, ọbo nyina egbuurogh elegheri ịḅaal phọ ẹsighe sịphe Ịzirel, ọbo ịnighenom inyina.

Dutoronomi 2:33

Kụ Ọmoogh-we Ẹnaan phọ ayoor ạḅogh nyọdi ạlogh ḍịghaagh ayoor, kụ yoor oghiigh nyọdi kụ ọḅile ọze nmụny phọ ọdi rꞌoomo awe phọ ọdi.

Dutoronomi 2:34

Kụ yoor ọsighe oomo ạramha phọ ọdi mem mọ ạmuphe, kụ ophiemi nmạriir, lephiri rꞌịbam ạnmuny rꞌạramha phọ ẹpe phọ. Rꞌoniin yoor úsugheeny.

Dutoronomi 23:14

ịdi eḍighi bọ Ọmoogh-we Ẹnaan phọ anyina ratelhe yogh ghan ni sịphe ogbo arugbogo phọ anyina, ọphel anyina rꞌọḅogh bụmulogh-ḍien phọ anyina ọngo anyina. Kụ iḍighi arugbogo phọ anyina eseleman ghan, dị kụ́miin sịphe arugbogo phọ rạraar lọ ị́nighe ogbo anyina, ọbo ọdi kịḅitonaan ghan bọ inyina.

Dutoronomi 25:12

pọ isoph ḍịghaagh ạnir phọ, kẹ́nma nyọdi ighirigiir.

Dutoronomi 3:3

“Kụ Ọmoogh-we phọ ạḅogh Ọg ọdaam mọ ạBasan rꞌoomo awe phọ ọdi ụngo iyoor mọ ọze ọmadan, mọ rꞌoniin oye kúsugheeny.

Dutoronomi 31:5

Ọmoogh-we phọ kịngo ni inyina bịdi. Ịdaph oomo iilogh phọ ịphen mị ạlogh bọ ịngo inyina kụ ẹtuugh eeko bịdi.

Dutoronomi 33:27

Ẹnaan kꞌagee-pọ kụ amarugh anyina, kụ ạraghaagh kꞌamem kꞌamem mọ ọdi kụ iḅeghom anyina. Ọdi aphorogh bụmulogh-ḍien phọ anyina ạsighe esomanan anyina, kụ ạḅem mọ ipiemi bịdi.

Dutoronomi 7:16

Kụ nyina epiemi oomo awe phọ ạbuphe Ọmoogh-we Ẹnaan phọ anyina katorori bọ ạlogh ḍịghaagh anyina. Bịdi kúḍigh ighirigiir esi anyina.

Dutoronomi 9:3

Ilegheri ḍio phọ arodon mọ ọpo riḍiemiom bọ inyina ịdipho ạnian ọnuza, ọdi kụ Ọmoogh-we Ẹnaan phọ anyina. Ọdi kapiemi ni bịdi asooromi, bịdi ọtol eeḍian anyina; kụ nyina eporogh bịdi ọḍuaghu, kụ nyina eegborion epiemi bịdi, ịdipho Ọmoogh-we phọ iguanaan bọ inyina.

Josua 10:28

AJosua ạsighe Makeda ḍio phọ ạḍiphe, kụ ạsighe eḍume elhool ẹgham mọ ạziom bịdi rꞌọdaam ẹmha phọ ạbidi. Ọdi ạze oomo awe ẹmha phọ ạmadan rꞌẹnum oye ósugheeny. Ọdi ạtuugh ịpe ọdi aḍighi bọ ọdaam mọ aJeriko aḍighi ọdaam mọ aMakeda.

Josua 10:30

Kụ Ọmoogh-we phọ ạḅile kẹn ạḅogh Libna rꞌọdaam ẹmha phọ ạbidi ạlogh ḍịghaagh Ịzirel. Bịdi ọsighe eḍume elhool ẹgham mọ ọziom oomo awe ẹmha phọ ọmadan, rꞌẹnum oye úsugheeny. Bịdi oḍighi ọolha-ẹmha phọ ạbidi ịdipho bịdi oḍighi bọ ọolha-ẹmha phọ aJeriko.

Josua 10:32

Kụ Ọmoogh-we phọ ạsighe ẹmha phọ aLakis ạḅogh ạngo we phọ Ịzirel, kụ esi ịyal aḍughul-otu bịn bịdi ọsighe ẹmha phọ ọsighe eḍume elhool ẹgham ọziom oomo awe ẹmha phọ rꞌẹnum oye ósugha ịdipho bịdi oḍighi bọ Libna.

Josua 10:40

AJosua ạkpar apu oomo ade phọ, emiigh kꞌẹpe aroogbolom mọ rꞌạḍigharaghar ade esoorom mọ esiemi ẹpe eḍiinyaan bọ rꞌẹpe ekpululu bọ; ạze bụdaam ẹmha phọ ạbidi rꞌoomo awe phọ ropooghu bọ ạmadan, rꞌoniin oye ósugheeny, ịdipho Ọmoogh-we Ẹnaan phọ Ịzirel ạto bọ ạḅeni nyọdi.

Josua 10:42

AJosua ạsighe oomo arere phọ ạbidi rꞌạbudaam mọ ạbidi egina amem, ịdi eḍighi bọ Ọmoogh-we Ẹnaan phọ Ịzirel kụ eenaan Ịzirel.

Josua 11:8

Kụ Ọmoogh-we phọ ạḅogh bịdi ạngo we Ịzirel, kụ ọze bịdi, ophorogh bịdi ọghi osiemi kꞌẹpe Ogbogh aSaidon, osiemi ẹpe Misrefot Maim, osiemi ẹpe erumuḍio phọ remite ghan bọ, osiemi kꞌẹpe okol phọ aMizpa kụ ọze bịdi ọmadan rꞌoye úsugheeny.

Josua 2:14

Kụ awe phọ ọḅeni ạnir phọ mọ, “Aghuḍum mọ kụen ayoor katelhian ni ghuḍum kụphe anyina tụtu yoor omugh, eru mạar dị nạ kạ́kaaph ịpe yoor oru bọ oḍighi phọ amitiom. Kụ ẹteeny mem mọ Ọmoogh-we phọ kụngo bọ iyoor de phọ, pọ yoor kọmaar ri ọpham nyịna.”

Josua 21:44

Ọmoogh-we phọ ạngo bịdi ẹepho rꞌophooghian oomo eelhe phọ, ịdipho dị aghunya bọ ạngo bụrude phọ ạbidi. Ạbumulogh-ḍien phọ ạbidi útue ụ́merenyan bịdi, ịdi eḍighi bọ Ọmoogh-we phọ arorori oomo ạbumulogh-ḍien phọ ạbidi ạngo bịdi.

Josua 8:24

Awe phọ Ịzirel ụze tọrobo ọnyo ạmulogh-ḍien lọ ạrol ẹpe ẹdala phọ ẹpe ophorogh bọ bịdi, kụ oḅula Eai, kụ ọsighe ẹdume elhool ẹgham mọ ọziom bụphe ọrol bọ sịphe phọ.

Josua 9:24

Kụ bịdi ọḅeni Josua mọ, “Yoor uḍighi ịduon, oye phọ, ịdi eḍighi bọ ụḅeni iyoor abutelhedom mọ ạna mọ Ọmoogh-we Ẹnaan phọ anyina ạlogh ologh ạngo Mozis otelhedom mọ aphiemi bụphe orugh bọ sịphe ade phọ edi bọ ẹpe esomanan phọ anyina mọ ọno mịngo inyina oomo ade phọ. Yoor uḍighi ni loor esi dị aruugu usiph iyoor iboom. Yoor ughiilaan loor aghuḍum mọ ayoor loor ẹmhu anyina.

Josua 9:7

Kụ awe phọ Ịzirel opuru bịdi mọ, “Esi ika kụ ẹdi yoor rꞌanyina kekiran bọ ịyo? Iini sịen amarugh anyina ọ́kel.”

Bụo Ịiruen 1:24

Rosi ẹmha phọ kụ bịdi ọmiin oye dị ramite kụ ọḅeni mọ, “Seseeny, uḍeenaan ịdi koḍigh ẹmha phọ. Yoor nyịna ịyaar kóḍighi.”

Bụo Ịiruen 1:4

Kụ eghun phọ aJuda rꞌeghun phọ ạSimion ọḅophoghan ọghi ẹgham, kụ Ọmoogh-we phọ ạsighe bụo aKenanait phọ rꞌạbuo ạPerezait phọ ạlogh ḍịghaagh ạbidi kụ bịdi ọkpar opu we dị ọman ḍioph ọonir ẹpe Bezek.

Bụo Ịiruen 2:2

Nyina rꞌạbuen orugh bọ sịen ade phọ íkiran ghan ịyo. Ilereghi renmeny ạrikia phọ ạbidi. Kụ ọlo nyina ẹḍogh phọ ạmi ị́naghanan. Nyina meḍighi ịdi mị ụ́ḅem.