Dutoronomi 7:19 - Ạḍinya Iigbia

¹⁹ oboom mọ ọdegh ophogh phọ ọpo ariḍien phọ anyina ẹmiin bọ, rꞌareḍeenaan phọ, rꞌịiḍaany phọ, rꞌạḍighaagh iphelegbe phọ ọdi azin bọ, ḍịphe Ọmoogh-we Ẹnaan phọ anyina ạsighe bọ kụ ịsighenom inyina ạḍuanam. Ịdipho kụ ịdi Ọmoogh-we Ẹnaan phọ anyina kaḍighi oomo awe phọ ạbuphe nyina rekiilaan bọ.

Dutoronomi 7:19 Iomraidhean Croise

Ạsuor 136:12

Rꞌịikpo ịgbagara ạraghaagh ọdi; ẹphomoghian phọ ọdi edi ghan bịn kꞌagee-pọ.

Ạsuor 44:4

Nạ kụ ọdaam ạmi rꞌẸnaan ạmi. Nạ kụ ụngo bọ we phọ ạna ọkpar opu.

Ạsuor 77:12

Mị kạatughian ni ịlo oomo ịpe nạ maḍighi bọ; mị kazumeri ẹmhu kụ ạatughian oomo igbogh iiḍighi phọ ạna.

Ẹḍua 6:6

Loor ịduon phọ ḅẹni we phọ Ịzirel mọ, ‘Mị kụ Ọmoogh-we phọ. Mị kịsighe ni inyina esi ịminimiin phọ Ijipt rịmiine bọ inyina. Mị kịsighe ni inyina esi ạdol ạrebene phọ. Mị kapoophe ni ḍịghaagh iphelegbe ạmi ịtagharan inyina rꞌịgbagara ịiruen.

Dutoronomi 29:3

oboom mọ ọdegh-ophogh phọ ọpo nyina ẹmiin bọ ni rꞌareḍeenaan phọ rꞌiboom mọ ịiḍaany phọ.

Dutoronomi 3:21

“Mị ụlogh ni ologh ạngo Josua mem mọ ạmuphe ạḅeni nyọdi mọ, ‘Tụ, nạ ạsighe riḍien ạna ạmiinom oomo ịpe Ọmoogh-we Ẹnaan phọ ạna aḍighi bọ ịyal phọ ạbudaam mọ: ịdipho kụ ịdi Ọmoogh-we phọ kạtuugh aḍighi tọrobo oye bụlo nạ aḍighom de phọ.

Dutoronomi 4:34

Ẹkaaneen ịyaar mẹghi ghan ni ẹsighe we ẹnon eelhe kụ eḍighi bụo ọdi, ịdipho Ọmoogh-we Ẹnaan phọ anyina iḍighi bọ inyina ẹpe Ijipt? Risigh anyina kụ ọdi aḍeenaan ịikpo rꞌịnyaam; ọdi amitiom rẹezegh rꞌẹgham, aḍighi ịiḍaany rꞌimananaan, rꞌiiḍighi aḍiigu.

Josua 10:25

Kụ aJosua ạḅeni bịdi mọ, “Aruugu inyina kísiph, kékiriri yogh; ịkparami siloor anyina, ẹmoogh oḅiom, ẹmoogh oḅom ẹmhu. Ịphen phọ kụ ịdi Ọmoogh-we phọ kaḍighi oomo ạbumulogh-ḍien phọ anyina bụphe rꞌanyina rebe bọ ẹgham.”

Josua 24:17

Ọmoogh-we Ẹnaan phọ ayira, ọdi kụ ụsighe bọ iyira rꞌạburude phọ ayira ạḍuanam ẹpe ade phọ Ijipt ọḍua esi ạdol ạrebene phọ, ọpo amiteghom bọ iboom areḍeenaan phọ ịpe yira ọmiin bọ, ọpo ụrolonaan bọ iyira oomo erelhe phọ ayira, rꞌogbo esi oomo awe phọ ạbuphe yira oten bọ.

Josua 3:10

Ịsien kụ esi dị nyina kẹsighe kụ elegheri mọ Ẹnaan phọ rémugh ghan bọ edianaan ni rꞌanyina kụ ọdi kạ́bile ophorogh ạbuo aKenanait phọ rꞌạHitait phọ rꞌaHivait phọ rꞌạPerezait phọ rꞌaGirgasait phọ rꞌẠmorait phọ rꞌaJebusait phọ.