Dutoronomi 7:18 - Ạḍinya Iigbia

¹⁸ pọ kékiilaan bịdi, ịitughian ghan ịpe Ọmoogh-we Ẹnaan phọ anyina eḍighi bọ ọdaam eelhe phọ rꞌoomo awe phọ Ijipt:

Dutoronomi 7:18 Iomraidhean Croise

Ạsuor 105:5

Nyina ạnmuny ạnmuny Ebraham otelhedom mọ ọdi; nyina ạnmuny ạnmuny ạJekob, oye phọ ọdi ạsaḅar bọ: ịitughian ịiḍaany phọ Ẹnaan eḍighi bọ rꞌịiruen phọ ọdi aagbo bọ.

Ạsuor 77:11

Mị kạatughian ni igbogh iiḍighi phọ ạna, Ọmoogh-we; mị kạatughian ni ịiḍaany phọ nạ aḍighi bọ mem mọ meten bọ.

Ạsuor 77:12

Mị kạatughian ni ịlo oomo ịpe nạ maḍighi bọ; mị kazumeri ẹmhu kụ ạatughian oomo igbogh iiḍighi phọ ạna.

Ạsuor 78:11

Bịdi owula ịpe ọdi maḍighi bọ, ịiḍaany phọ bịdi ọmiin bọ dị ọdi aḍighi.

Igbiighi 21:34

Ọmoogh-we phọ ạḅeni Mozis mọ, “Kákiilaan nyọdi. Mị mạḅogh nyọdi rꞌoomo awe phọ ọdi rꞌade phọ ọdi ạngo nyịna. Tụugh ịpe nạ aḍighi bọ Sihon ọdaam mọ Ạmorait arugh bọ ẹpe Hesbon aḍighi aani nyọdi.”

Dutoronomi 1:21

Ọmoogh-we Ẹnaan phọ anyina maseere de phọ risigh anyina. Ịki ẹmoogh de phọ Ọmoogh-we Ẹnaan ạburude phọ anyina iguanaan bọ inyina. Kékiilaan, ḅịle kẹn kéekpukian.’

Dutoronomi 1:29

“Kụ mị ịḅeni bọ inyina mọ, ‘Kékpereghaan, kékiilaan bịdi.

Dutoronomi 1:30

Ọmoogh-we Ẹnaan phọ anyina iḍiemiom bọ inyina kieenaan ni inyina, ạḅile aḍighi risigh anyina oomo ịpe ọdi aḍighi bọ ẹpe Ijipt.

Dutoronomi 20:1

“Tọro amem lọ nyina ẹghi ee ẹgham rꞌạbumulogh-ḍien phọ anyina kụ nyina ẹmiin rụsu-ịnam rꞌarughuugh-ude rꞌawe ẹgham mọ ạbidi ọbugh opu bụen anyina, kékiilaan bịdi, ịdi eḍighi bọ Ọmoogh-we Ẹnaan phọ anyina odi ni rꞌanyina, ọpo ịsighe bọ inyina ẹpe ade phọ Ijipt ạḍuanam.

Dutoronomi 3:6

Kụ yoor ophiemi oomo ạramha phọ ạbidi, kụ yoor ọze lephiri rꞌạnmariir rꞌạnmuny phọ ạbidi, ịdipho yoor oḍighi bọ Sihon ọdaam mọ aHesbon.

Dutoronomi 31:5

Ọmoogh-we phọ kịngo ni inyina bịdi. Ịdaph oomo iilogh phọ ịphen mị ạlogh bọ ịngo inyina kụ ẹtuugh eeko bịdi.

Dutoronomi 31:6

Ịkparami siloor anyina, ẹmoogh ạkpo ologhi, kékiilaan, kẹ́moogh eepuph, ịdi eḍighi bọ Ọmoogh-we Ẹnaan phọ anyina kụ kiḍiemiom ni inyina. Ọdi inyina kị́wile, inyina kíghel.”

Josua 8:1

Ọmoogh-we phọ ạḅeni Josua mọ, “Aruugu nyịna kúsiph mun. Ologhi ạna kụ́konono mun. Nạ rꞌoomo awe ẹgham mọ, iḅetenu ẹghi Eai. Mị kaḍighi ni ịdi nyina kẹkpar epu ọdaam mọ Eai. Mị rịngo inyina we phọ ọdi rꞌẹmha phọ ọdi rꞌade phọ ọdi.

Bụo Ịiruen 6:13

Kụ ạGidion ạḅeni nyọdi mọ, “Ọde-otu ạmi, eru mạar dị Ọmoogh-we phọ odi rꞌayoor, uḍighi ika kụ oomo phọ ịphen phọ risoroghuom bọ iyoor? Kụ oomo iiḍighi ịiḍaany phọ ọdi edi ẹghen, ịpe ạburude phọ ayoor ọghaaph bọ ụḅeni iyoor kụ rọḅem ghan bọ mọ Ọmoogh-we phọ kụ ụsighe bọ iyoor ẹpe Ijipt ạḍuanam? Kụ nyịidipho Ọmoogh-we phọ múmutonaan iyoor, ụḅogh iyoor ạngo Mịdianait phọ.”