Dutoronomi 7:16 - Ạḍinya Iigbia

¹⁶ Kụ nyina epiemi oomo awe phọ ạbuphe Ọmoogh-we Ẹnaan phọ anyina katorori bọ ạlogh ḍịghaagh anyina. Bịdi kúḍigh ighirigiir esi anyina.

Dutoronomi 7:16 Iomraidhean Croise

Ạsuor 106:34

Bịdi ụ́ze we aruru phọ, ịdipho Ọmoogh-we phọ ạto bọ mọ bịdi oḍighi phọ,

Ạsuor 106:36

Awe Ẹnaan ooseeny ịkaaghineen ạraraar, kụ ịphen kụ iḍighi ịyaar dị ophiemi bịdi.

Ẹḍua 23:33

Kémeera awe phọ ạbuphe orugh ẹmha anyina; nyina emeera, bịdi koḍighi ịdi nyina kịpioman ịmi. Eḍighi ịyaar dị nyina ẹeḅereghi rụmugh phọ ạbidi, keḍighi ni ḍiphil aḍuugh-aḍuugh ịngo inyina.”

Jerimaya 21:7

Kụ ọlo ịlo anyina, ạbuo ịtooghi phọ anyina, ḅịle kẹn rꞌawe lọ okpetenaan ẹgham mọ rꞌịgbakuro phọ ḅịle kẹn rꞌẹzegh phọ — mị kameera ni mọ ạNebukadnezar ọdaam mọ ḅịle kẹn rꞌawe ẹpomoghian phọ anyina bụphe rọwa bọ ọze anyina, isiphi inyina ọḍuanam. ẠNebukadnezar kụ kịze inyina. Ọdi kásugheeny rꞌoniin ọnyo anyina mụghumo ọnma ighirigiir ọnyo anyina. Mị, Ọmoogh-we phọ, kụ mạḅem.”

Igbiighi 33:55

Kụ eru mạar dị nyina íporogh bụo ade phọ ịsighiogh sịphe ade phọ bịdi ọḍuaghu, pọ bụphe kosugha bọ koḍighi ni ịka rꞌiitoor esi anyina, kụ ịiḅaghami ghan inyina sịphe ade phọ nyina ketugh bọ.

1 Bụo ạKorint 15:33

Kéekeleghian mun loor anyina. “Orelhian ịkaraph ạrighiri rẹpue ghan ni ẹzo.”

Dutoronomi 13:8

pọ úmeeraam ghan ịpe ọdi rạkaaph bọ, ụ́naghanam ghan nyọdi. Kákiririom nyọdi apogh. Kạ́ngo nyọdi eepoogh, ḅịle kẹn káloghoma nyọdi.

Dutoronomi 13:9

Kiigh nyọdi. Ạḍighaagh ạna kụ ẹphur emeelom nyọdi, kụ ạraghaagh oomo ạbueri phọ awe phọ egbi osoroghuom ọdi.

Dutoronomi 19:13

Kẹ́nma nyọdi ighirigiir, ọbo nyina egbuurogh elegheri ịḅaal phọ ẹsighe sịphe Ịzirel, ọbo ịnighenom inyina.

Dutoronomi 19:21

Kẹ́nma ghan ighirigiir. Aghuḍum arelhian ghuḍum; ekpeḍien erelhian ekpeḍien; ọlaay arelhian ọlaay; ạḍighaagh erelhian ḍịghaagh, owol arelhian owol.

Dutoronomi 25:12

pọ isoph ḍịghaagh ạnir phọ, kẹ́nma nyọdi ighirigiir.

Dutoronomi 7:2

mem mọ Ọmoogh-we Ẹnaan phọ anyina kạḅogh bọ bịdi ịngo inyina, ịze bịdi, ephiemi bịdi eegulemi. Bịdi rꞌanyina kékiran ịyo. Ị́nma ghan bịdi ighirigiir.

Dutoronomi 7:25

Ịsighe ịkaaghineen ạrumugh phọ ạbidi eguom nịan. Kẹ́maghami ghan ịyaar silva phọ rꞌagol phọ ọdamaghi bọ. Kẹ́sighiogh ghan, ọbo nyina kemeel ghan bọ eḍighanaan, ịdi eḍighi bọ ạḅaphanya ni esi Ọmoogh-we Ẹnaan phọ anyina.

Josua 11:20

Ọmoogh-we phọ kụ ạkparami bọ iloghi phọ ạbidi ịdi bịdi ọki ozuom ẹgham Ịzirel, ọbo ọze bịdi ophiemi oomo areelhe phọ ạbidi, bịdi kụ́nma bịdi ighirigiir oogulemi bịdi bịn, ịdipho Ọmoogh-we phọ ạto bọ ạngo Mozis.

Bụo Ịiruen 2:12

Bịdi ughel Ọmoogh-we Ẹnaan ạburude phọ ạbidi ọpo ạsighe bọ bịdi ẹpe eelhe phọ Ijipt ạḍuanam, kụ omiigh ọoḅereghi ịnon ạrumugh, rụmugh awe phọ ạbuphe orugh bọ otuman bịdi kụ rokpuḍian ghan bịdi. Kụ ẹghagh ologhi Ọmoogh-we phọ.

Bụo Ịiruen 2:3

Kụ nyịidipho mị rịḅeni ghan inyina mọ mị káporogh bịdi ọḍua, ịduon nyina retu bọ ni. Bịdi koḍighi iitoor esi anyina, kụ ạrumugh phọ ạbidi eḍighi ịika dị idianaan inyina.”

Bụo Ịiruen 3:6

Bịdi ophinighan yogh nmạnyaan awe phọ ạbuen phọ kụ ọsighe nmạnyaan phọ ạbidi ọnughenyan yogh nmụny awe phọ, kụ ooseeny ghan rụmugh phọ ạbidi.

Bụo Ịiruen 8:27

ẠGidion ạsighe sigol phọ kụ ạkaam igbudu kụ ạghi aseere sịphe Ofra ẹmha phọ ọdi. Kụ oomo awe phọ Ịzirel ọwile Ẹnaan kụ ọghi ghan ooseeny igbudu phọ. Iḍighi ni ḍiphil kụ ẹngo Gịdion rꞌọto ọdi.