Dutoronomi 7:14 - Ạḍinya Iigbia

¹⁴ Ọdi kịseph inyina apuemi we ạbunon areelhe. Sịphe ogbo phọ anyina, oye ólho, mꞌolephiri mꞌạnir, dị kạtol ẹ́mar; ẹnam ílho kẹn dị kẹtol ẹ́mar.

Dutoronomi 7:14 Iomraidhean Croise

Ạsuor 107:38

Ọdi ạseph we phọ ọdi kụ bịdi ọmaraghi ịbadi ạnmuny; ọdi ómeera aḍita ạsinam ạbidi esoorom.

Ạsuor 115:15

Ịmoogh ḍịseph esi Ọmoogh-we phọ, ọpo ạlhem bọ kẹ phọ rꞌade phọ!

Ạsuor 127:3

Ạnmuny oḍighi ruunmo Ọmoogh-we phọ; bịdi ọkar ạḍiseph dị eganana.

Lịvitikos 26:9

Mị kịloghoma ni inyina, kụ mị aḍighi ịdi nyina kẹmar emuzeḍi, kụ mị kạkparami ni ịyo phọ ịpe mị aghiran bọ rꞌanyina.

Igbiighi 22:12

Ẹnaan ẹḅeni Bẹlam mọ, “Kạ́daph bịdi ạki atulughi we phọ, ịdi eḍigh bọ bịdi awe dị mị mạseph.”

Dutoronomi 28:11

Ọmoogh-we phọ kịbughe ni inyina ịngo inyina edughom, rꞌọophi anyina, rꞌọophi ạsinam mọ anyina, rꞌariḍien ịsiphe ade phọ, ḍịphe Ọmoogh-we phọ aghunya bọ esi ạburude phọ anyina ọngo anyina.

Dutoronomi 28:4

“Ọmoogh-we phọ kạseph ni ọophi ạnmuny phọ anyina, rꞌariḍien iizo phọ anyina, sịnam mọ rꞌiyool-ịga phọ anyina.

Dutoronomi 30:9

Kụ Ọmoogh-we Ẹnaan phọ anyina kiḍume inyina ạbalabalami, oomo iiḍighi ạraghaagh phọ anyina rꞌọophi anyina, rꞌạnmuny anyina, rꞌạsinam anyina, rꞌịizupha ịsiphe ade phọ anyina. Ọmoogh-we phọ kạḅile ni ạmoogh ḍịḅeeraan anyina, ịbughe inyina, ịdipho dị ạmooghom bọ bụrude phọ anyina ḍịḅeeraan phọ,

Dutoronomi 33:29

Ịzirel, ọḅaal ologhi ọlo ạna ni. Ạnhian kụ ạghigh nyịna? Nyina awe dị Ọmoogh-we phọ ạphel. Ọdi kụ ọsuaram mọ ạloghonaan bọ nyịna ḍịghaagh; ọdi kụ elhool ẹgham iphelegbe phọ ạna. Ạbumulogh-ḍien phọ ạna kotumom rꞌịlom ọsar ọwilenaan kụ nạ ạze bịdi.”