Dutoronomi 7:13 - Ạḍinya Iigbia

¹³ Ọdi kịphomoghian ni inyina ịseph inyina, ịbughe inyina, ạḅile ạbughe ọophi anyina, ạbughe eḍien ịsiphe ade phọ, ịizupha phọ anyina, avain phọ anyina rꞌạmunum mọ, ạbughe sịnam rꞌiyool-ịga phọ anyina ẹpe ade phọ dị aghunya bọ ạngo bụrude phọ anyina, ọngo anyina.

Dutoronomi 7:13 Iomraidhean Croise

Nehemaya 9:32

“Ẹnaan, Ẹnaan phọ ayoor, pọ eeghe ịdi nạ ạbugh! Pọ eeghe ịdi nạ aḍigh eegu, ạḅile ạmoogh ịikpo. Nạ ạkar raako ghan ruguanaan ịyo phọ nạ aghiran bọ. Emiigh kꞌamem mọ ạbudaam Asiria phọ ụkpiloghom bọ iyoor kụ kꞌạnyiidipho ni, ọmiinom mọ ayoor mạbugh ni iboom! Ạbudaam ayoor rꞌabuḍiemiom rꞌariil ạrikia rꞌariil kꞌẸnaan, ạburude ạburude rꞌoomo awe phọ ayoor mọmiinom ni. Tụutughian ni oomo ịpe yoor mọmiinom bọ.

Job 1:10

Oomo amem nạ raako ghan nyọdi rꞌọto kꞌọdi ḅịle rꞌạtorotoro ịyaar lọ ọdi ạmoogh. Nạ rạseph ghan tọro ịlo ọdi aḍighi, ḅịle nạ mạngo nyọdi sịnam dị kemuza ni ekpom ẹmha.

Job 42:12

Kụ Ọmoogh-we phọ ạseph ruukuna phọ aJob apuemi ịpe ọdi ạseph bọ emiighom mọ. AJob ạmoogh ḍioph rꞌinya ọonir iyool-ịga, odiiny ọonir ạsikamel, ịyal ọonir ạsinam, ḅịle rꞌoniin ọonir ịnam adool.

Ạsuor 1:3

Ọdi ạkigh oreeny dị ọzuph ọgbal ọphiiny dị ramuum ghan iimuma lọ mẹteeny omuum, kụ ạrinya ọdi rékeel ghan ọnam. Tọro ịyaar lọ ọdi ạḅogh rẹnighenaan ghan ni nyọdi.

Ạsuor 107:38

Ọdi ạseph we phọ ọdi kụ bịdi ọmaraghi ịbadi ạnmuny; ọdi ómeera aḍita ạsinam ạbidi esoorom.

Ạsuor 11:7

Ọmoogh-we phọ aseleman ni kụ ạpomoghian ruukuan. Bụlo iloghi eseleman yogh kọmiin ni nyọdi.

Ạsuor 127:3

Ạnmuny oḍighi ruunmo Ọmoogh-we phọ; bịdi ọkar ạḍiseph dị eganana.

Ạsuor 146:8

kụ ạḅarion riḍien awe dị eten ụ́miin. Ọdi rapoophe ghan bụlo momeleghu; ọdi ạpomoghian we aruukuan phọ ọdi.

Ẹḍua 23:25

Eḍighi ịyaar lọ nyina iiseeny ịmi Ọmoogh-we Ẹnaan phọ anyina, mị kịsephom ni inyina eḍien rꞌạmuum ạḅile aporogh rẹezegh phọ anyina.

Asidogh 10:22

Ạḍiseph Ọmoogh-we phọ kụ ẹdi rẹngo ghan oye ẹelha; iboom arukumuan kéḍume nyịna iboom.

Asidogh 15:9

Ọmoogh-we akel reten awe ạsipioghom, kụ ạpomoghian bụlo roḍighi ghan igey.

Lịvitikos 26:9

Mị kịloghoma ni inyina, kụ mị aḍighi ịdi nyina kẹmar emuzeḍi, kụ mị kạkparami ni ịyo phọ ịpe mị aghiran bọ rꞌanyina.

Matiu 6:33

Kụ ịpur ghụn ẹwa ọmar phọ kꞌẸnaan rꞌịpe ọdi rạwa bọ mọ iḍighi ghan, bịn oomo phọ ạraraar phọ ịphen Ẹnaan kimuzeḍinaan ni inyina.

Elegh ạJon 14:21

“Oye phọ ọpo ạnaghan bọ iilogh phọ ạmi kụ aako, pọ ọdi kụ ụphomoghian bọ ịmi. Ọde phọ ạmi kạpomoghian ni nyọpo ụphomoghian bọ ịmi. Mị phọ kẹn kạpomoghian ni nyọdi, ạaweleghian loor phọ ạmi aḍeenaan nyọdi.”

Elegh ạJon 15:10

Nyina eeko iilogh phọ ạmi, nyina kẹtolom ni ẹphomoghian phọ ạmi, ịdipho mị maako bọ ni iilogh Ọde phọ ạmi kụ odimom bọ ẹphomoghian phọ ọdi.

Elegh ạJon 16:27

ịdi eḍighi bọ Ọde phọ rꞌaloor ọdi ịphomoghian ni inyina. Ọdi ịphomoghian ni inyina, ịdi eḍighi bọ nyina ịphomoghian ni ịmi, ẹḅile emeeraam mọ mị ụḍua ni kꞌẸnaan kụ aru bọ.

Dutoronomi 1:8

Ipogh. Mị miseenaan inyina oomo ade phọ ạḍiphe edi bọ risigh anyina; ịki ẹmoogh de phọ ạḍiphe Ọmoogh-we phọ aghunya bọ ạngo bụrude phọ anyina, Ebraham, Ạizik rꞌạJekob, rꞌạnmuny phọ ạbidi.’”

Dutoronomi 13:17

Esi oomo ạraraar phọ ịpe mosu bọ ọkaraph ọnhu kopiemi bọ, kụ́miin rꞌeniin ịyaar ḍịghaagh anyina, ọbo Ọmoogh-we phọ kakiton esi ạghelhe phọ ọdi, iḍeenaan inyina ọnma ighirigiir. Ọdi kạmoogh ni igbiririph esi anyina, ịseph inyina, ạbughe ọophi ẹmaria phọ anyina, ịdipho dị aghunya bọ ạngo bụrude phọ anyina,

Dutoronomi 28:1

“Eru mạar dị nyina ẹnaghanan ni ẹḍogh Ọmoogh-we Ẹnaan phọ anyina kụ eeko ghan iilogh phọ ọdi, ịphen mị ạlogh bọ rịḅeni inyina rodon, pọ Ọmoogh-we Ẹnaan phọ anyina kiphoophe ni inyina apuemi oomo ịpheri phọ areelhe ịsien aḅirini phọ,

Dutoronomi 28:11

Ọmoogh-we phọ kịbughe ni inyina ịngo inyina edughom, rꞌọophi anyina, rꞌọophi ạsinam mọ anyina, rꞌariḍien ịsiphe ade phọ, ḍịphe Ọmoogh-we phọ aghunya bọ esi ạburude phọ anyina ọngo anyina.

Dutoronomi 30:5

Kụ Ọmoogh-we Ẹnaan phọ anyina ịsighe inyina asiemi ẹpe ade phọ ạḍiphe ạburude phọ anyina ọmoogh bọ, kụ nyina ẹmoogh, kụ ọdi iḍighi inyina iiḅi kụ nyina ẹmaraghian epu bụrude phọ anyina.

Dutoronomi 7:7

“Ọmoogh-we phọ ọ́tuan ịdi nyina kụ ẹbugh epu bụnon awe kụ ịphomoghian bọ inyina, ịsaḅar inyina ạsighe: nyina kụ ighom epu oomo awe.