Dutoronomi 7:12 - Ạḍinya Iigbia

¹² “Eru mạar dị nyina ẹnaghanam ni kụ eeko kụ ẹdaph reḍighinom, pọ Ọmoogh-we Ẹnaan phọ anyina kạpamanam ni ịyo phọ rꞌọnma ighirigiir phọ dị aghunya bọ ạngo bụrude phọ anyina.

Dutoronomi 7:12 Iomraidhean Croise

1 Ạbudaam 8:23

“Ọmoogh-we Ẹnaan phọ Ịzirel; ẹnon Ẹnaan dị ẹrol ịdipho ạna ílho, mꞌẹpe ạnyu ạke phọ kẹn mꞌịsien ade phọ. Nạ ạpamanam ni ịyo phọ ạna rꞌọnma ighirigiir phọ ạna esi abutelhedom mọ ạna, bụphe ọsighe bọ oomo iloghi phọ ạbidi kụ rotelhiom ghan esomanan ạna.

Nehemaya 1:5

“Ọmoogh-we Ẹnaan kꞌạke, nạ ạbugh ni kụ yoor ọmeera esi oghiilaan ạna. Nạ raako ghan ni ịyo lọ nạ aghiran rꞌawe phọ ạbuphe ọphomoghian bọ nyịna kụ roḍighi ghan bọ ịlo nạ ạḅem.

Nehemaya 9:32

“Ẹnaan, Ẹnaan phọ ayoor, pọ eeghe ịdi nạ ạbugh! Pọ eeghe ịdi nạ aḍigh eegu, ạḅile ạmoogh ịikpo. Nạ ạkar raako ghan ruguanaan ịyo phọ nạ aghiran bọ. Emiigh kꞌamem mọ ạbudaam Asiria phọ ụkpiloghom bọ iyoor kụ kꞌạnyiidipho ni, ọmiinom mọ ayoor mạbugh ni iboom! Ạbudaam ayoor rꞌabuḍiemiom rꞌariil ạrikia rꞌariil kꞌẸnaan, ạburude ạburude rꞌoomo awe phọ ayoor mọmiinom ni. Tụutughian ni oomo ịpe yoor mọmiinom bọ.

Ạsuor 103:18

esi ạbuphe ooko bọ ịyo phọ ọdi, ọḅile bọ oḍighi ịtooghi phọ ọdi.

Ạsuor 149:9

ịlo ọlhiom areelhe phọ ịdipho Ẹnaan mẹto bọ. Phọn kụ ọkpar opu awe phọ Ẹnaan. Iboom Ọmoogh-we phọ!

Ẹḍua 15:26

Ọdi ạḅem mọ, “Eḍighi ịyaar lọ nyina kesereghian ni ẹnaghanan ẹḍogh ạmi, kụ eḍighi ghan ịlo ẹnighe, kụ eeko ghan iilogh phọ ạmi rꞌịtooghi phọ ạmi, pọ mị kị́lhiom inyina rꞌeniin ọdo ẹzegh phọ mị ạlhiomom bọ we Ijipt, ịdi eḍighi bọ mị kụ Ọmoogh-we phọ, ọpo raakonom bọ rẹezegh phọ anyina.”

Jerimaya 11:5

Ọpo kụ amem dị mị kaḍighi ịpe mị aguanaan bọ bụrude ạburude phọ ạbidi mọ mị kạngo bịdi ịma ade ẹnuum mọ bịdi mọmoogh bọ.” Mị ameera mọ, “Ii, Ọmoogh-we.”

Dạniel 9:4

Mị ụuḅereghi ni Ọmoogh-we Ẹnaan phọ ạmi kụ aruphughian ịkaraph awe phọ ạmi. Mị ụḅem ni, “Ọmoogh-we Ẹnaan, nạ kụ ogbogh, ḅịle yoor roghueni ni nyịna. Nạ raako ghan ịyo phọ nạ maghiran bọ aḍeenaan ẹphomoghian dị rémuneen ghan esi ạbuphe ọphomoghian bọ nyịna roḍighi ghan bọ ịlo nạ ạto.

Maika 7:20

Nạ kaḍeenaan ọmeeraam rꞌẹphomoghian oomo amem weye ạna, bụo ẹemara Ebraham rꞌạJekob, ịdipho nạ aguanaan bọ bụrude ạburude ayoor mem dị meten.

Elegh aLuk 1:55

Ọdi mạnma ighirigiir Ebraham rꞌẹemara ẹemara phọ ọdi kꞌagee-pọ.”

Dutoronomi 1:8

Ipogh. Mị miseenaan inyina oomo ade phọ ạḍiphe edi bọ risigh anyina; ịki ẹmoogh de phọ ạḍiphe Ọmoogh-we phọ aghunya bọ ạngo bụrude phọ anyina, Ebraham, Ạizik rꞌạJekob, rꞌạnmuny phọ ạbidi.’”

Dutoronomi 11:13

“Kụ eru mạar dị nyina kẹnaghanam ni iilogh phọ ạmi, ịphen mị ạlogh bọ ịngo inyina rodon, ẹpomoghian Ọmoogh-we Ẹnaan phọ anyina, eeseeny ghan nyọdi rꞌoomo ologhi anyina rꞌoomo uwaloor phọ anyina,

Dutoronomi 5:10

Kụ ọnma ighirigiir kạtolonaan ni sịmuunir ạbulo ụphomoghian ịmi kụ ooko ghan iilogh phọ ạmi.

Dutoronomi 7:11

Ịmaar egona siloor anyina, ẹtuugh ghan ịpe iilogh phọ ẹḅem bọ kụ eḍighi ghan, ịtooghi phọ rꞌịiruen phọ ịpe mị ạlogh bọ ịḅeni inyina rodon.

Dutoronomi 7:9

Kụ ilegheri mọ Ọmoogh-we Ẹnaan phọ anyina, ọdi kụ Ẹnaan oḍuom ologhi dị raako ghan ịyo phọ rꞌọnma ighirigiir esi ạbuphe ọphomoghian bọ nyọdi, kụ rooko ghan bọ iilogh phọ ọdi, esi oniin ọonir oghiil.