Dutoronomi 7:10 - Ạḍinya Iigbia

¹⁰ Ọdi rạ́akpukian ghan ophiemi ạbuphe ọlogh bọ nyọdi ḍien, raḅulemian ghan kạkpiom bịdi risigh ạbidi.

Dutoronomi 7:10 Iomraidhean Croise

Ẹḍua 20:5

Kákpuḍian ạngo ịyaar lọ ọka, ḅịle mꞌooseeny ọngo, ịdi eḍighi bọ mị kụ Ọmoogh-we Ẹnaan phọ ạna. Mị Ẹnaan útiran aroḅopha. Mị kạliom ni bụlo ụlogh ịmi ḍien asiemi oghiil ạnmuny ạnmuny ạbidi dị omuneniom ịraar mụghumo inya.

Ẹḍua 34:7

Mị ạmoogh ọnma ighirigiir, rꞌọsar ọwilenaan ịkaraph rꞌigborion rꞌạsipioghom esi ạsimuunir oghiil kụ ọlo mị úmeera ootol ịkaraph ạburude phọ rạkpiom ghan nmụny rꞌạnmuny ạnmuny esi ịraar rꞌinya oghiil.”

Asidogh 11:31

Bụphe ọnighe bọ, aruunmo ạbidi edi sịen ade phọ. Ịduon phọ pọ mạar alegheri mọ kọliom ni bụo ạsipioghom rꞌawe ẹkaraph eḍighinom ịyaar.

Azaya 59:18

Ọdi kạliom bụmulogh-ḍien ọdi ạdaphan ịpe bịdi moḍighi bọ, ghạlamo ạbulo odiighi rikpisi dị ẹkel.

Jerimaya 32:18

Nạ maḍeenaan ẹphomoghian dị rébi ghan ạngo ịbadi ạsimuunir, kụ ọlo mạḅile kẹn ni ạliom weye loor ịkaraph ạburude rꞌaburunhiin phọ ạbidi. Nạ kụ Egbogh Ẹnaan dị ẹmoogh ịikpo, Ọmoogh-we phọ.

Nẹhum 1:2

Omuton Ọmoogh-we Ẹnaan phọ, ọnon dị aaleeny nyọdi ólho. Ọdi rạliom ghan bụdi úmeera mọ ọdi bịn kụ Ẹnaan. Esi ophin ologhi ọdi kụ ẹdi ọdi raḅulemian ghan bịdi.

Igbiighi 10:35

Tọrobo amem lọ Igbe Ịyo phọ eḅetenu, aMozis ạmagh ghan ạḅeni mọ, “Ḅetenu, Ọmoogh-we, wạlalami bụmulogh-ḍien phọ kụ aphorogh bụphe ọlogh bọ nyịna.”

Igbiighi 14:18

‘Ọmoogh-we phọ rạ́nuun ghan kạghagh ologhi, ạmoogh oboom ọnma ighirigiir, rꞌọsar ịkaraph ọwilenaan, dị rạ́pel ghan oye lọ erugh ephum, dị rạsighe ghan ịkaraph ạburude kạkpiom nmụny ạbidi esi ịraar rꞌinya oghiil.’

Bụo aRom 12:19

Iiḅi asiya, kéḅulemian ghan oye ịkaraph, ịbilenaan ghụn Ẹnaan kụ ẹlhiom ghan. Ọge ni pạ ạḍinya iigbia phọ mọ, “Ọmoogh-we phọ ạḅem mọ mị kụ kaḅulemian. Mị kụ kạkpe.”

Dutoronomi 32:25

Elhool ẹgham mọ kékpetenaan ni bịdi kụ bịdi omeleghu reten kụ aruugu ẹtol sịphe iloghi iisoph phọ ạbidi, kụ epiemi ugheel ạnmuny rꞌarisina, nmụny asipugh rꞌikumoor awe ạsuol.

Dutoronomi 32:35

Ạghelhe ạkuo ọdi, oḅulemian ọlo ọdi mem lọ owol ạbidi ạghorom, loor esi dị amem ạḍikaraph ạdol ạbidi mạabeeph, odi ẹda ạḍighaagh.

Dutoronomi 32:41

mị kakola elhool ẹgham mọ ạmi rẹmepheghian bọ kụ aagbo ịiruen. Mị kaḅulemian ẹpomoghian phọ ạmi, kụ ạliom bụphe ụlogh bọ ịmi ḍien.

Dutoronomi 5:9

Kákpuḍian ạngo ịyaar lọ ọka, ḅịle mꞌooseeny ọngo ịdi eḍighi bọ mị kụ Ọmoogh-we Ẹnaan phọ ạna. Mị Ẹnaan útiran aroḅopha. Mị kạliom ni bụlo ụlogh ịmi ḍien asiemi oghiil ạnmuny ạnmuny ạbidi dị omuneniom ịraar mụghumo inya.

Dutoronomi 7:11

Ịmaar egona siloor anyina, ẹtuugh ghan ịpe iilogh phọ ẹḅem bọ kụ eḍighi ghan, ịtooghi phọ rꞌịiruen phọ ịpe mị ạlogh bọ ịḅeni inyina rodon.

Dutoronomi 7:9

Kụ ilegheri mọ Ọmoogh-we Ẹnaan phọ anyina, ọdi kụ Ẹnaan oḍuom ologhi dị raako ghan ịyo phọ rꞌọnma ighirigiir esi ạbuphe ọphomoghian bọ nyọdi, kụ rooko ghan bọ iilogh phọ ọdi, esi oniin ọonir oghiil.