Dutoronomi 7:1 - Ạḍinya Iigbia

¹ “Mem mọ Ọmoogh-we Ẹnaan phọ anyina kịsighe bọ inyina asiemi ịlo nyina kẹmoogh bọ de phọ, kụ kạboor bọ ịminighan areelhe ạsighiogh egbodo anyina, bụo ạHitait rꞌaGirgasait rꞌẠmorait rꞌaKenanait rꞌạPerezait rꞌaHivait rꞌaJebusait, oḍual areelhe dị ẹbugh ẹmoogh ịikpo ipu inyina;

Dutoronomi 7:1 Iomraidhean Croise

1 Ạbudaam 16:31

Esi ọdi ịrol dịadi oopho ịyaar ri bịn ọdaph ịkaraph areten eḍighinom mọ ịpe aJeroboam ọony phọ aNebat, kụ ọdi ạsighe Jẹzebel ọnyani phọ Etbaal ọdaam mọ aSaidon aphin, kụ ạghi aaseeny ghan ạaḅereghi ghan eru dị oghol mọ aBaal.

1 Krọnikuls 1:14

AKenan kụ ọde ọde awe aJebusait phọ, awe Ạmorait phọ, awe phọ aGirgasait,

2 Krọnikuls 8:7

Ọdi ạkpaariom oḍighi iiḍighi nmụny ạnmuny awe aKenan bụphe awe Ịzirel ụ́ze bọ mem mọ bịdi ọsighe bọ de phọ. Bụen kụ ụḅaraghiom bụo ạHitait, Ạmorait, Pẹrezait, Hivait rꞌaJebusait, bụphe ạnmuny ạnmuny ạbidi odi bọ rẹbene kꞌaḍio arodon.

Ẹzra 9:1

Mem dị moḍighi oomo phọ ịphen, abuniin abuḍiemiom awe phọ Ịzirel oru kụ ụḅeni ịmi mọ awe phọ, ariil ạrikia phọ rꞌạbuo aLivai phọ úseere siloor ạbidi ọgbatanaan esi awe areelhe phọ etuman bọ: bụphe Amon rꞌạMoab rꞌIjipt, Kenan, Hịtait, Pẹrezait, Jebusait rꞌẠmorait. Bịdi uḍighi ghan igina phọ ịkaraph ạraraar phọ ịpe awe phọ ạbuphe phọ oḍighi bọ.

Nehemaya 13:23

Mem mọ ọpo phọ kẹn, mị ụwaaghi ni ạmiin mọ ịbadi awe aJu phọ mophinogh bụo Ạsdod rꞌAmon rꞌạMoab.

Ạsuor 78:55

Ọdi aphorogh bụphe orugh bọ esi phọ mem dị awe phọ ọdi rotu; ọdi adiemi de phọ rughunughun phọ Ịzirel kụ ạngo simarugh phọ ạbidi we phọ ọdi.

Ẹḍua 15:7

Esi arughuenian phọ ạna, nạ mạkpar apu bụphe oḅetenu bọ bịn oru ozuom nyịna; Nạ mạghagh ologhi apiemi bịdi ịdipho ịpherepher.

Ẹḍua 23:28

Mị kaakperemi ni ẹpomoghian phọ anyina; mị kaporogh ni ạkele Hivait phọ rꞌaKenanait phọ rꞌạHitait phọ ịduon nyina rẹki bọ.

Ẹḍua 23:32

Kékiran ịyo rꞌạbidi ḅịle rꞌạrumugh phọ ạbidi.

Ẹḍua 23:33

Kémeera awe phọ ạbuphe orugh ẹmha anyina; nyina emeera, bịdi koḍighi ịdi nyina kịpioman ịmi. Eḍighi ịyaar dị nyina ẹeḅereghi rụmugh phọ ạbidi, keḍighi ni ḍiphil aḍuugh-aḍuugh ịngo inyina.”

Ẹḍua 33:2

Mị katom ni oniin ọokpaany ạmi kụ ịiḅaki inyina kụ mị kaporogh ni weye aKenanait rꞌẠmorait phọ rꞌạHitait phọ rꞌạPerezait phọ rꞌaHivait rꞌaJebusait phọ ạsighiogh.

Ẹḍua 6:8

Kụ mị ịsighe inyina asiemi ẹpe ade phọ ḍịphe mị aghunya bọ ọngo Ebraham rꞌẠizik rꞌạJekob. Mị kịngo inyina ịdipho erua. Mị kụ Ọmoogh-we phọ.’”

Lịvitikos 14:34

“Mem dị nyina esi ẹpe ade phọ aKenan mị rịngaani bọ inyina, kụ mị ạsighe ẹzegh ọku ufe ạlogh oniin otu,

Igbiighi 13:29

Bụo Ạmalekait otughogh ni ẹpe ade phọ aNegeb. Bụo ạHitait, bụo aJebusait rꞌạbuo Ạmorait otughogh ẹpe aroogbolom mọ. Kụ aKenanait phọ otughogh ọgbal Ọphiiny aMeditarenian rꞌoogbom Ọphiiny ạJodan.”

Igbiighi 14:31

Kụ ạnmuny phọ anyina, bụphe nyina ẹḅem bọ mọ koḍighi ịḅal, mị kạsighe ni bịdi asiemi; kụ bịdi kolegheri de phọ ạḍiphe nyina mẹḅitonaan bọ.

Iiḍighi 13:19

Kụ ẹkaaghi oḍual areelhe aKenan, ẹsighe ẹngo mọ bịdi olhe erua,

Dutoronomi 11:29

Mem lọ Ọmoogh-we phọ Ẹnaan phọ anyina ịsighe inyina ạghi asiemi ẹpe ade phọ nyina rẹki bọ ọmoogh phọ, ẹsiiny ạnyu Eegum aGerizim ịlo ọsighe ạḍiseph oseenaan awe phọ, ẹsiiny ạnyu Eegum Ebal ịlo ọsighe itulughian ọḅam awe phọ.

Dutoronomi 20:1

“Tọro amem lọ nyina ẹghi ee ẹgham rꞌạbumulogh-ḍien phọ anyina kụ nyina ẹmiin rụsu-ịnam rꞌarughuugh-ude rꞌawe ẹgham mọ ạbidi ọbugh opu bụen anyina, kékiilaan bịdi, ịdi eḍighi bọ Ọmoogh-we Ẹnaan phọ anyina odi ni rꞌanyina, ọpo ịsighe bọ inyina ẹpe ade phọ Ijipt ạḍuanam.

Dutoronomi 20:16

“Kụ rạmha awe phọ ạbuphe Ọmoogh-we Ẹnaan phọ anyina ịngo bọ inyina mọ ịmoogh phọ, ísugheeny ghan rꞌẹnum ịyaar lọ repooghu.

Dutoronomi 31:20

Mem dị mị ạsighe bịdi asiemi ẹpe ade ẹetool rꞌọninom, ḍịphe mị aghunya bọ ạngo bụrude phọ ạbidi, bịdi role rẹpher rọbughogh bịn bịdi okiton osoman ịnon ạrumugh kụ ooseeny ghan ụḅitonaan ịmi ọphue ịyo phọ ạmi.

Dutoronomi 31:3

Ọmoogh-we Ẹnaan phọ anyina kiḍiemiom inyina apiemi oomo areelhe phọ ịpe edi bọ risigh anyina, kụ nyina kụ kẹmoogh bịdi, kụ aJosua kụ kiḍiemiom inyina, ịdipho Ọmoogh-we phọ ạḅem bọ.

Dutoronomi 4:38

Aphorogh rạmha dị ẹbugh kụ ẹmoogh ịikpo ipu inyina, ạsighe de phọ ạbidi egbodo anyina, ịsighe inyina ạlogh, ạsighe de phọ ạbidi ịngo inyina mọ ịmoogh, ịduon edi bọ kꞌarodon.

Dutoronomi 6:1

“Ịphen kụ iilogh phọ, ịtooghi phọ rꞌịiruen phọ ịpe Ọmoogh-we Ẹnaan phọ anyina ạlogh bọ ụngo ịmi mọ mị ịtughemi inyina, ẹdaph ghan kụ eḍighi ghan ẹpe ade phọ nyina reḍigh bọ ọrol,

Dutoronomi 6:10

“Mem dị Ọmoogh-we Ẹnaan phọ anyina ịsighe inyina asiemi ẹpe ade phọ dị aghunya bọ ạngo bụrude phọ anyina Ebraham, Ạizik rꞌạJekob, ọngo anyina rạmha phọ ẹbugh bọ kụ ẹnighe, rạmha phọ nyina kụ ị́logh bọ,

Dutoronomi 6:19

Ọdi kaporogh ni oomo ạbumulogh-ḍien phọ anyina ọdi bọ ẹpe risigh phọ anyina ạsighiogh ịdipho Ọmoogh-we phọ aguanaan bọ.

Dutoronomi 6:23

Kụ ọdi ụsighe iyoor ạḍuanam ẹpe phọ. Ọdi ụsighe iyoor asiemi ẹphen phọ ạngo de phọ, ḍịphe ọdi aghunya bọ ạngo bụrude phọ ayoor.

Dutoronomi 9:1

“Ịnaghan Ịzirel, rodon nyina kẹḅeeny Jọdan epun, ọghi ọmoogh areelhe dị ẹbugh ipu inyina, iboom ạramha dị ẹbugh kụ okoonyogh okitonom kụ epoph kꞌẹpe ạnyu.

Dutoronomi 9:3

Ilegheri ḍio phọ arodon mọ ọpo riḍiemiom bọ inyina ịdipho ạnian ọnuza, ọdi kụ Ọmoogh-we Ẹnaan phọ anyina. Ọdi kapiemi ni bịdi asooromi, bịdi ọtol eeḍian anyina; kụ nyina eporogh bịdi ọḍuaghu, kụ nyina eegborion epiemi bịdi, ịdipho Ọmoogh-we phọ iguanaan bọ inyina.

Dutoronomi 9:4

“Mem mọ Ọmoogh-we Ẹnaan phọ anyina kaporogh bọ bịdi ạsighe egbodo phọ anyina, kẹ́ḅem ghan sịphe iloghi phọ anyina mọ aruukuan anyina kụ iḍighi bọ ịdi Ọmoogh-we phọ ịsighe bọ inyina ịlo ọmoogh ade phọ ạḍien, kụ ạri ọdi ạtuan sịpioghom ạramha phọ ịpe kụ aphorogh bọ bịdi egbodo anyina.

Josua 11:3

Arom ạghiom bụo aKenanait bụo ẹpe erumuḍio phọ remite ghan bọ rꞌẹpe erumuḍio phọ remeel ghan bọ, bụo Ạmorait rꞌạbuo ạHitait rꞌạbuo ạPerezait rꞌạbuo aJebusait ẹpe aroogbolom mọ. Arom ạghiom bụo aHivait ẹpe esoorom bọ ẹpe Eegum ạHermon ẹpe de aMizpa.

Josua 24:11

Kụ nyina ẹḅeeny Jọdan ephun ẹghi esi Jeriko, kụ awe aJeriko izuom inyina ẹgham, ọḅaram kẹn bụo Ạmorait, bụo ạPerezait, bụo aKenanait, bụo ạHitait, bụo aGirgasait, bụo aHivait rꞌạbuo aJebusait, kụ mị ạsighe bịdi ạlogh ḍịghaagh anyina.

Josua 3:10

Ịsien kụ esi dị nyina kẹsighe kụ elegheri mọ Ẹnaan phọ rémugh ghan bọ edianaan ni rꞌanyina kụ ọdi kạ́bile ophorogh ạbuo aKenanait phọ rꞌạHitait phọ rꞌaHivait phọ rꞌạPerezait phọ rꞌaGirgasait phọ rꞌẠmorait phọ rꞌaJebusait phọ.