Dutoronomi 6:7 - Ạḍinya Iigbia

⁷ Kụ emiigha loor ẹsighe ẹtughemi nmụny phọ anyina, kụ ẹghaaph ghan ịphen phọ mem lọ nạ ạrol ude sịphe kꞌạna, rꞌamem lọ nạ ratelhe eten, rꞌamem lọ nạ ạmina, rꞌamem lọ nạ aḅetenu.

Dutoronomi 6:7 Iomraidhean Croise

Emiighom 18:19

Mị mạsaḅar nyọdi. Ọdi kụ kạpur ri rụru ạnmuny ọdi rꞌọto kꞌọdi mọ bịdi ọdaph reten Ọmoogh-we phọ ọḅile ookuan oḍighi yogh ghan ịpe ẹnighe bọ, ọbo mị aḍighi Ebraham ịpe mị aguanaan bọ.”

Job 8:10

Kụ ọlo, awe olegheri ịyaar ageedi phọ ọtughemi nyịna! Nạghanan ịpe bịdi ọghaaph bọ:

Ạsuor 119:13

Mị kạḅem ghan amitiom oomo iilogh phọ nạ mạlhogh bọ.

Ạsuor 119:46

Mị kạkaaph ịlo ịtooghi phọ ạna ạḅeni bụdaam kụ umugholoor ịmi kúsiph.

Ạsuor 129:8

Oye ólho dị katen kụ ạḅem mọ, “Ọmoogh-we phọ ạseph nyịna. Yoor rọseph ni nyịna esi aḍien Ọmoogh-we phọ.”

Ạsuor 37:30

Ogeny oye phọ rạkaaph ghan ọghaaph olegheri ịyaar, ḅịle ọdi raalemi ghan ni ịiruen.

Ạsuor 71:17

Nạ mụtughemi ni ịmi kꞌẹghoroghor, kụ ẹteeny kꞌarodon mị rạkaaph ni ịlo ịiḍaany phọ ạna.

Asidogh 10:21

Ikpo ọnhu ogey oye kẹngo sụo ịbadi awe; kụ ọlo elologhi keghiigh ni nyịna.

Asidogh 15:2

Ọghaaph awe ologhi ratoor ghan we, kụ ikpo ọnhu awe elologhi ẹmhu ílho ghan.

Asidogh 15:7

Awe olegheri-ịyaar kụ rọsuemi ghan we ologhi, káwe elologhi.

Asidogh 6:22

Ịtughemi ạbidi keḍiemiom nyịna mem lọ nạ odi erelhe, eekpereghi nyịna mem aḍughul, kụ eromoghiom nyịna ootaany.

Azaya 38:19

Bụphe odi bọ kụ rooseeny nyịna ịduon mị raaseeny bọ nyịna. Ạburude rọḅeni ghan nmụny ạbidi ịdi nạ aḍighi oye aghuḍuul.

Malakai 3:16

Kụ awe phọ ạbuphe rooseeny bọ Ọmoogh-we phọ, oniin agbi ọḅaanaan oniin, kụ Ọmoogh-we phọ alher rụru kụ ạnaghan ịpe bịdi ọghaaph ghan bọ. Sịphe arisigh phọ ọdi, ụge ni ọlogh ḍịnya siḍien oomo phọ ạbuphe ooseeny ghan bọ Ọmoogh-we phọ, ọḅile bọ kẹn ọlogh nyọdi eegu.

Matiu 12:35

Ogey oye rạkaaph ghan igey ạraraar phọ dị aakpomoghi bọ sịphe ologhi phọ ọdi kụ kamitiom; kụ ọkaraph oye rạkaaph ghan ịkaraph ạraraar phọ dị aakpomoghi bọ sịphe ologhi phọ ọdi kụ kamitiom.

Elegh aLuk 6:45

Ogey oye rạkaaph ghan igey ạraraar sịphe aḍita igey ạraraar phọ dị aakpomoghi bọ sịphe ologhi phọ ọdi kụ kamitiom, kụ ọkaraph oye rạkaaph ghan ịkaraph ạraraar phọ dị aakpomoghi bọ sịphe ologhi phọ ọdi kụ kamitiom. Ịpe edi bọ ologhi oye phọ kụ ẹdi oye phọ rạkaaph ghan kamitiom.

Bụo ạEfesos 4:29

Ịkaaph ghan ghụn ịlo ẹgbaanyan ọghaaph lọ nyina ẹpham, esi ọloghonaan ạḍighaagh bụphe rọnaghan bọ, pịdi ikpo ọnhu phọ anyina ẹngo ghan bịdi ọninom.

Bụo ạEfesos 6:4

Bụrude rꞌaburunhiin, kéḍighi ghan ịlo kepin iloghi ạnmuny phọ anyina. Iikonomom bịdi oroma Ọmoogh-we phọ, ímeera ghan bịdi ọḅaar ẹmhu.

Dutoronomi 11:19

Kụ ẹsighe ghan ịphen phọ ẹtughemi nmụny anyina, ẹghaaph ghan ịphen phọ mem lọ nyina ẹrol ude sịphe aruutu phọ anyina, rꞌamem lọ nyina retelhe eten, rꞌamem lọ nyina ẹmina, rꞌamem lọ nyina eḅetenu.

Dutoronomi 6:2

ọbo nyina ekori eghueni Ọmoogh-we Ẹnaan phọ anyina, eeko ghan ịtooghi phọ ọdi, rꞌiilogh phọ ọdi, ịphen mị ạlogh bọ rịḅeni inyina, nyina rꞌạnmuny anyina rꞌạnmuny ạnmuny anyina, oomo asuḍughul-otu aghuḍum mọ anyina, ọbo asuḍughul-otu phọ anyina ẹdoony.

Bụo ạKolosi 4:6

Ọghaaph phọ anyina ạdugh ghan ạḅile aroor weye! Ilegheri ịdi ẹkpe ghan ọphagharanaan ạtorobo oye.

1 Pita 3:15

Ịlogh eegu Kraist sịphe iloghi phọ anyina, eḍighi nyọdi Ọmoogh-we phọ anyina. Iikolobian ghan oomo amem ọphagharanaan dị nyina kẹngo ghan tọrobo oye lọ ịḅeni inyina mọ ịkaaph ẹmhu oḍuom ologhi phọ nyina ẹmoogh bọ ẹḅeni nyịno.

Rut 2:12

Ọmoogh-we phọ aanmo ni nyịna ruunmo esi ịphen nạ maḍighi bọ. Mọogh ni ruunmo amuzeḍi ḍịghaagh Ọmoogh-we Ẹnaan phọ Ịzirel, ọpo nạ maḍigh bọ ḍibuo ọdi.”

Rut 2:4

Íbia iboom kụ ạBoaz rꞌaloor ạḍua ẹpe Bẹtilihem aru asi kụ ạseph we phọ roḍighi bọ oḍighi phọ mọ, “Ọmoogh-we phọ ạrolan rꞌanyina!” Kụ bịdi omeera mọ, “Ọmoogh-we phọ ạseph ni nyịna!”

Rut 4:11

Kụ ikpolom awe phọ rꞌoomo phọ ạbueri phọ ọḅem mọ, “Ii, yoor ọmeera ni enye phọ. Ọmoogh-we phọ ạseph ạnir phọ ọphon ratigheel bọ kꞌạna ịdipho aRechel rꞌaLia, bụen phọ ọmaraghinaan bọ Jẹkob ịbadi ạnmuny! Nạ, ḍighi ni ogbogh oye sịen ọto phọ Ẹfrat, amitiom ḍien sịphe Bẹtilihem!