Dutoronomi 6:5 - Ạḍinya Iigbia

⁵ Ịpomoghian Ọmoogh-we Ẹnaan phọ anyina rꞌoomo iloghi phọ anyina, rꞌoomo uwaloor phọ anyina, rꞌoomo ịnyaam mọ anyina.

Dutoronomi 6:5 Iomraidhean Croise

1 Ạbudaam 3:3

ẠSolomon ạphomoghian Ọmoogh-we phọ, ạdaph oomo oroma phọ ịpe aDevid ọde phọ ọdi arelhe ghan bọ, omuton ọphinyonaan ạrikia phọ rꞌọsuughi ịmuwa phọ ạnyu arenmeny ạrikia phọ.

2 Ạbudaam 23:25

Ọdaam dị ạghigh nyọdi dị ạrol ịdipho ọdi ọ́rol. Ọdi akiton asoman Ọmoogh-we phọ rꞌoomo ologhi phọ ọdi rꞌoomo uwaloor phọ ọdi rꞌoomo ịikpo phọ ọdi, ạdaph oomo Ologh phọ aMozis. Kụ emuton nyọdi ọnon ọdi ạḅile ạrol ịdipho ọdi ọ́rol.

2 Krọnikuls 15:12

Bịdi ughiran ịyo dị bịdi omeeraam mọ bịdi kooseeny ghan Ọmoogh-we Ẹnaan ạburude ạburude ạbidi rꞌoomo ologhi rꞌoomo ịikpo ạbidi.

2 Krọnikuls 34:31

Ọdi ạmeera atuman ẹko kụ aghir ịyo risigh Ọmoogh-we phọ ọnaghanan ghan ọdi, ọkuami ooko ghan iilogh rꞌịtooghi phọ rꞌoomo ologhi phọ ọdi rꞌuwaloor ọdi, rꞌọtuugh oḍighi oomo oromoghiom mọ ọkpaphariom bọ ịyo phọ, ịdipho ọge bọ sịphe ạḍinya phọ.

Ạsuor 119:2

Ọḅaal ologhi odianaan bụphe ọdaph bọ ịtooghi phọ ọdi, bụphe ọnaghanan bọ nyọdi rꞌoomo ologhi ạbidi.

Ạsuor 31:24

Ịmoogh ạkpo ologhi, ẹkparam, oomo anyina phọ ạbuphe oḍuom bọ ologhi Ọmoogh-we phọ.

Matiu 10:37

“Oye lọ ạphomoghian ọde rꞌonhiin ọdi upuemiom ịmi, ọ́kpianaan oḍighi ọlo kꞌạmi, oye lọ ạphomoghian nmụny ọdi upuemiom ịmi, ọ́kpianaan oḍighi ọlo kꞌạmi.

Matiu 22:37

Kụ ạJizos mọ, “‘Pọmoghian Ọmoogh-we Ẹnaan phọ ạna, rꞌoomo ologhi ạna, rꞌoomo uwaloor ạna, rꞌoomo ịitughian ạna.’

Elegh ạMak 12:30

Ịpomoghian nyọdi rꞌoomo ologhi anyina, rꞌoomo uwaloor anyina, rꞌoomo ịitughian anyina, rꞌoomo ịnyaam anyina.’

Elegh ạMak 12:33

Kụ ọphomoghian ọdi rꞌoomo ologhi ạna rꞌoomo ịnyaam ạna, rꞌọphomoghian ọnon oye ịdipho aloor phọ ạna — ịphen phọ epu iboom ịkpuy rꞌạrikia.”

Elegh aLuk 10:27

Kụ ọdi ạphagharanaan mọ, “‘Nạ kạpomoghian Ọmoogh-we Ẹnaan phọ ạna rꞌoomo ologhi ạna rꞌoomo uwaloor ạna rꞌoomo ịnyaam ạna rꞌoomo ịitughian ạna, rꞌọnon oye ịdipho aloor phọ ạna.’”

Dutoronomi 10:12

“Kụ nyịidipho, we Ịzirel, ịphen phọ kụ ịdi Ọmoogh-we phọ Ẹnaan phọ anyina rạwa ḍịghaagh anyina: oghiilaan Ọmoogh-we phọ Ẹnaan phọ anyina, rꞌọdaph ghan oomo areten phọ ọdi, rꞌọphomoghian ọdi, rꞌooseeny ghan Ọmoogh-we Ẹnaan phọ anyina rꞌoomo ologhi phọ ạna rꞌuwaloor phọ ạna.

Dutoronomi 11:1

“Kụ iḍighi, ịpomoghian Ọmoogh-we Ẹnaan phọ anyina, eeko ghan ịpe ọdi ịḅeni bọ inyina, ịtooghi phọ ọdi, ịiruen phọ ọdi, rꞌiilogh phọ ọdi, oomo amem.

Dutoronomi 11:13

“Kụ eru mạar dị nyina kẹnaghanam ni iilogh phọ ạmi, ịphen mị ạlogh bọ ịngo inyina rodon, ẹpomoghian Ọmoogh-we Ẹnaan phọ anyina, eeseeny ghan nyọdi rꞌoomo ologhi anyina rꞌoomo uwaloor phọ anyina,

Dutoronomi 13:3

pọ kẹ́naghanan ọghaaph oyil phọ ọpo mꞌọmalhaam rạmalha phọ ọpo, ịdi eḍighi bọ Ọmoogh-we Ẹnaan phọ anyina kụ rịdeghogh ghan inyina ophogh mụghumo nyina ẹpomoghian ni Ọmoogh-we Ẹnaan phọ anyina rꞌoomo ologhi anyina rꞌoomo uwaloor anyina.

Dutoronomi 13:4

Ịdaph ghan Ọmoogh-we Ẹnaan phọ anyina kụ erelhe ghan. Ikueni nyọdi, eeko ghan iilogh phọ ọdi, ẹnaghanam ghan ẹḍogh phọ ọdi eeseeny ghan nyọdi, eḍighom nyọdi.

Dutoronomi 19:9

kụ eru mạar dị nyina keeko ghan ni iilogh phọ ịphen kụ ẹdaph ghan eḍighi, ịphen mị adoghoḍi bọ ḍio phọ arodon rịngo inyina, ọphomoghian Ọmoogh-we Ẹnaan phọ anyina, ọdaph ghan oomo areten phọ kụ orelhe, kụ ẹḅile ẹgbatan ịraar ịnon ạramha eseerian loor, ịḅel phọ ụ́loghom,

Dutoronomi 30:10

eru mạar dị nyina kẹnaghanan ni ẹḍogh phọ Ọmoogh-we Ẹnaan phọ anyina, kụ eeko ghan iilogh phọ ọdi rꞌịtooghi phọ ọdi ịphen ọge bọ sịen ạḍinya iilogh phọ, kụ nyina ekiton esoman Ọmoogh-we Ẹnaan phọ anyina rꞌoomo iloghi phọ anyina rꞌaruwaloor phọ anyina.

Dutoronomi 30:16

Mị ụtuan ịphen phọ kụ ạlogh bọ iilogh phọ ịngo inyina ḍio phọ aḍien arodon phọ mọ ịpomoghian Ọmoogh-we Ẹnaan phọ anyina, ẹdaph ghan reten phọ ọdi kụ erelhe ghan, eeko ghan iilogh phọ, ịtooghi phọ, rꞌịiruen phọ ọdi, ọbo nyina ẹrol ẹmaraghian, ọbo Ọmoogh-we Ẹnaan phọ anyina ịseph inyina ẹpe ade phọ nyina rekeel bọ ọmoogh.

Dutoronomi 30:20

Ịpomoghian Ọmoogh-we Ẹnaan phọ anyina, ẹnaghanan ghan ẹḍogh phọ ọdi, eḍighom nyọdi, ịdi eḍigh bọ dị kụ aghuḍum mọ anyina rꞌạḍikpo phọ anyina, ọbo erugh sịphe ade phọ ạḍiphe Ọmoogh-we phọ aghunya bọ ạngo bụrude phọ anyina Ebraham, Ạizik rꞌạJekob ọngo ạbidi.”

Dutoronomi 30:6

Kụ Ọmoogh-we Ẹnaan phọ anyina aḍunogh iloghi phọ anyina rꞌiloghi ạnmuny phọ anyina, ọbo nyina ẹphomoghian Ọmoogh-we Ẹnaan phọ anyina rꞌoomo iloghi phọ anyina rꞌoomo aruwaloor phọ anyina, ọbo ẹrol ebia.

Dutoronomi 4:29

Ẹpe phọ kụ ẹdi nyina kẹwa Ọmoogh-we Ẹnaan phọ anyina, kụ eḍighi dị nyina ẹwaam nyọdi rꞌoomo ologhi phọ anyina, rꞌoomo uwaloor phọ anyina, nyina kẹmiin ni nyọdi.

Josua 22:5

Ịmaar ẹphama siloor anyina eeko ghan iilogh phọ rꞌologh phọ ọpo aMozis otelhedom mọ Ọmoogh-we phọ ạlogh bọ ịngo inyina. Ịpomoghian Ọmoogh-we Ẹnaan phọ anyina, erelhe ghan oomo areten phọ ọdi, ẹḅile eeko iilogh phọ ọdi, eḍighom nyọdi rꞌooseeny ọdi rꞌoomo ologhi rꞌaruwaloor phọ anyina.”

1 Jọn 5:3

Ooko ghan iilogh phọ ọdi kụ reḍeenaan ghan mọ yira ọpomoghian ni Ẹnaan. Ḅịle kẹn iilogh phọ ọdi ị́imor ooko,