Dutoronomi 6:4 - Ạḍinya Iigbia

⁴ “Ịnaghan, nyina awe Ịzirel, Ọmoogh-we Ẹnaan phọ anyina, oniin Ọmoogh-we.

Dutoronomi 6:4 Iomraidhean Croise

1 Ạbudaam 18:21

Kụ Ilaija ạghi ạteeny we phọ Ịzirel, kụ ạḅeni bịdi mọ, “Kꞌạpur amem kụ ẹdi iloghi phọ anyina kẹbile bọ oyeela phọ? Eru mạar dị Ọmoogh-we phọ kụ aru Ẹnaan, pọ ịdaph nyọdi; kụ eru Baal, pọ ịdaph nyọdi.” Kụ awe phọ nyọdi ụ́pagharanaan.

2 Ạbudaam 19:5

Mem dị Azaya ạnaghan bọ dom mọ ạHezekaya ọdaam mọ,

1 Krọnikuls 29:10

Sịphe ghisigh ookpomoghan phọ kụ ẹdi aDevid ọdaam mọ aboom Ọmoogh-we phọ. Ọdi ạḅem mọ, “Ọmoogh-we Ẹnaan ọde ọde ayoor Jẹkob, ạḍiseph ẹrolonaan nyịna kꞌagee-pọ kꞌagee-pọ!

2 Krọnikuls 17:9

Bịdi ụsighe ḍịnya Ologh Ọmoogh-we phọ kụ orelhiom oomo ạramha phọ aJuda ọtughemi ghan we phọ.

Nehemaya 9:6

Kụ awe phọ Ịzirel ọoḅereghi ịduon: “Nạ Ọmoogh-we, nạ bịn kụ Ọmoogh-we phọ; nạ kụ ụlhem de rꞌotu-ḅualhe rꞌoomo ạraraar phọ edi bọ ologhi ạbidi; nạ kụ ụngo ghuḍum oomo phọ ạbidi. Ịikpo phọ ịpe edi bọ kꞌạke phọ ekpuḍian ni reeseeny nyịna.

Ạsuor 78:5

Ọdi ạlogh iilogh ạngo we phọ Ịzirel kụ ạtooghi ạḅeni nmụny ạnmuny ạJekob. Ọdi aromoghiom bụrude ạburude ayira mọ ọtuugha iilogh phọ ọno ọḅeni nmụny ạbidi,

Ạsuor 86:10

Nạ ọkar ogbogh kụ raḍighi yogh ghan rạraar ịiḍaany; nạ bịn kụ Ẹnaan.

Azaya 42:8

“Mị bịn kụ Ọmoogh-we Ẹnaan phọ anyina. Eru ílho dị kedian eegu ạmi. Mị kámeera ịkaaghineen ạrumugh edian ḍịseph ạmi.

Azaya 44:6

Ọmoogh-we phọ ọpo ạda bọ kụ raako bọ Ịzirel, Ọmoogh-we oomo ịikpo phọ kụ rạḅem ghan ịduon: “Mị kụ ọḅel, okureriom mọ kụ egina Ẹnaan; ẹnon ẹmugh ílho ipel ịmi.

Azaya 44:8

Kẹ́moogh oghiilaan, we ạmi! Nyina elegheri mọ kꞌageedi kụ ẹteeny nyịidipho mị mạmiin ni uḍien oomo ịpe kemite bọ kụ nyina ạbugbaanaan ạmi. Ẹnon ẹmugh edi ni ḍụghum? Ẹnon ẹmugh dị ẹmoogh ịnyaam dị mị kọ̋naghan edi ni ḍụghum?”

Zẹkaraya 14:9

Kụ Ọmoogh-we phọ agbi ọda oomo phọ ade phọ; tọrotoro oye kạaḅereghi ni nyọdi ịdipho Ẹnaan ạḅile alegheri ḍien phọ ọdi eniin phọ elegheriom mọ.

Matiu 22:37

Kụ ạJizos mọ, “‘Pọmoghian Ọmoogh-we Ẹnaan phọ ạna, rꞌoomo ologhi ạna, rꞌoomo uwaloor ạna, rꞌoomo ịitughian ạna.’

Elegh aLuk 10:27

Kụ ọdi ạphagharanaan mọ, “‘Nạ kạpomoghian Ọmoogh-we Ẹnaan phọ ạna rꞌoomo ologhi ạna rꞌoomo uwaloor ạna rꞌoomo ịnyaam ạna rꞌoomo ịitughian ạna, rꞌọnon oye ịdipho aloor phọ ạna.’”

Elegh ạJon 10:30

Mị rꞌỌde phọ ạmi oḍighi oniin oye.”

Elegh ạJon 17:3

Kụen kụ aghuḍum kꞌagee-pọ phọ mọ bịdi olegheri nyịna egina ọkaraghi Ẹnaan phọ, ḅịle rꞌạJizos Kraist phọ nạ kụ arom bọ.

Bụo aRom 3:30

Ẹnaan phọ eniin kụ ọdi kạtuan omeeraam ạbuo aJu phọ kụ ạsighenom mọ bịdi awe aruukuan ni, ḅịle kẹn kạtuan omeeraam aruuruen phọ kụ ạsighenom mọ bịdi awe aruukuan ni.

Bụo ạEfesos 4:6

eniin Ẹnaan, Ọde oomo ayira, dị ạda oomo ayira, ạsighe ghan oomo ayira raḍighinom oḍighi phọ ọdi, atugh loor oomo phọ ayira.

Dutoronomi 4:39

Kụ iḍighi, ilegheri rodon, kụ ẹetughian ghan sịphe iloghi phọ anyina mọ Ọmoogh-we phọ, ọdi kụ Ẹnaan phọ edi bọ ẹpe kꞌạke rꞌịsien aḅirini phọ. Omuton nyọdi, ẹnon ílho.

Dutoronomi 5:6

‘Mị kụ Ọmoogh-we Ẹnaan phọ anyina ọpo ịsighe bọ inyina ạḍuanam ẹpe ade phọ Ijipt sịphe nyina eḍighi ghan bọ rẹbene phọ.

1 Timoti 2:5

Edi bọ eniin Ẹnaan; edi bọ kẹn oniin oye dị ạmeera enye ogbo Ẹnaan rꞌawe. Oye phọ ọpo phọ ạJizos Kraist

Jems 2:19

Nạ ameeraam mọ edi bọ eniin Ẹnaan. Ii, ịduon phọ ni. Kụ aruru bịn elegheri aani ni ịphen phọ reekpeka ghan.