Dutoronomi 6:23 - Ạḍinya Iigbia

²³ Kụ ọdi ụsighe iyoor ạḍuanam ẹpe phọ. Ọdi ụsighe iyoor asiemi ẹphen phọ ạngo de phọ, ḍịphe ọdi aghunya bọ ạngo bụrude phọ ayoor.

Dutoronomi 6:23 Iomraidhean Croise

Ẹḍua 13:5

Ọmoogh-we phọ aguanaan bụrude phọ anyina ọngo anyina rere aKenanait rꞌạHitait rꞌẠmorait rꞌaHivait rꞌaJebusait phọ. Mem dị ọdi mịsighe inyina asiemi de phọ ạḍiphe ẹetool bọ, de dị ạmamaam ạnam rꞌẹnuum aḍiowo kụ rekil, tọrobo ạlha nyina kele ghan ẹyaal phọ ẹphen phọ ụnwanyu phọ ọphon.

Dutoronomi 1:35

‘Agey ni, rꞌoniin oye ólho sịen ọkaraph oghiil phọ ọphon dị kạmiin ịma phọ ạḍiphe mị aghunya bọ ạngo bụrude phọ ạbidi,

Dutoronomi 1:8

Ipogh. Mị miseenaan inyina oomo ade phọ ạḍiphe edi bọ risigh anyina; ịki ẹmoogh de phọ ạḍiphe Ọmoogh-we phọ aghunya bọ ạngo bụrude phọ anyina, Ebraham, Ạizik rꞌạJekob, rꞌạnmuny phọ ạbidi.’”

Dutoronomi 6:10

“Mem dị Ọmoogh-we Ẹnaan phọ anyina ịsighe inyina asiemi ẹpe ade phọ dị aghunya bọ ạngo bụrude phọ anyina Ebraham, Ạizik rꞌạJekob, ọngo anyina rạmha phọ ẹbugh bọ kụ ẹnighe, rạmha phọ nyina kụ ị́logh bọ,

Dutoronomi 6:18

Iḍighi ghan ịpe eru bọ igey, rꞌịlo ẹnighe risigh Ọmoogh-we phọ, ọbo ịnighenom inyina, ọbo nyina ẹghi ẹsighe ẹmoogh ịma phọ ade phọ, ḍịphe Ọmoogh-we phọ aghunya bọ ạngo bụrude phọ anyina.

Dutoronomi 6:22

kụ Ọmoogh-we phọ amiteghom reḍeenaan rꞌịiḍaany dị ẹbugh, rꞌạraraar aruugu kịrokiro, esoroghuom Ijipt rꞌọdaam eelhe phọ rꞌọto ọdi, dị yoor ọmiin ni.

Dutoronomi 6:24

Ọmoogh-we phọ ạlogh ologh ụngo iyira mọ yira ọdaph ghan oḍighi ghan oomo ịtooghi phọ ịphen, oghueni Ọmoogh-we Ẹnaan phọ ayira ọbo ịnighenom iyira oomo amem, ọbo ọdi ạpham ghuḍum mọ ayira ịduon idianaan bọ iyira rodon.