Dutoronomi 6:22 - Ạḍinya Iigbia

²² kụ Ọmoogh-we phọ amiteghom reḍeenaan rꞌịiḍaany dị ẹbugh, rꞌạraraar aruugu kịrokiro, esoroghuom Ijipt rꞌọdaam eelhe phọ rꞌọto ọdi, dị yoor ọmiin ni.

Dutoronomi 6:22 Iomraidhean Croise

Ạsuor 135:9

Ịsiphe kụ ẹdi ọdi aḍighi ịiḍaany rꞌareḍeenaan ịlo ọlhiom ọdaam mọ rꞌoomo awe iiḍighi ạbidi.

Ạsuor 136:4

Ọdi bịn kụ raḍighi ghan iboom ịiḍaany; ẹphomoghian phọ ọdi edi ghan bịn kꞌagee-pọ.

Ạsuor 91:8

Nạ kapogh kụ ạmiin ịdi kọliom we ẹkaraph eḍighinom ịyaar.

Ẹḍua 10:2

Ẹrol dị nạ akori ạkaaph ịdi mị ạgilaam we Ijipt mem dị mị aḍighi ịiḍaany phọ ịphen ogbo ạbidi ạḅeni nmụny ạna rꞌạnmuny ạnmuny. Oomo anyina kelegheriom mọ mị kụ Ọmoogh-we phọ.”

Ẹḍua 3:20

Kụ mị kaḍeenaan ni ịikpo phọ ạmi kụ ạliom bụo Ijipt reten oḍighi aḍiigu sịphe ogbo phọ ạbidi bịn ọdi kameera ni nyina ẹghi.

Dutoronomi 1:30

Ọmoogh-we Ẹnaan phọ anyina iḍiemiom bọ inyina kieenaan ni inyina, ạḅile aḍighi risigh anyina oomo ịpe ọdi aḍighi bọ ẹpe Ijipt.

Dutoronomi 3:21

“Mị ụlogh ni ologh ạngo Josua mem mọ ạmuphe ạḅeni nyọdi mọ, ‘Tụ, nạ ạsighe riḍien ạna ạmiinom oomo ịpe Ọmoogh-we Ẹnaan phọ ạna aḍighi bọ ịyal phọ ạbudaam mọ: ịdipho kụ ịdi Ọmoogh-we phọ kạtuugh aḍighi tọrobo oye bụlo nạ aḍighom de phọ.

Dutoronomi 4:3

Ariḍien anyina ịmiin ni ịpe Ọmoogh-we phọ aḍighi bọ ogbo anyina ẹpe Eegum aPior. Ọmoogh-we Ẹnaan phọ anyina aagulemi oomo awe lọ ọoḅereghi Baal sịphe phọ,

Dutoronomi 4:34

Ẹkaaneen ịyaar mẹghi ghan ni ẹsighe we ẹnon eelhe kụ eḍighi bụo ọdi, ịdipho Ọmoogh-we Ẹnaan phọ anyina iḍighi bọ inyina ẹpe Ijipt? Risigh anyina kụ ọdi aḍeenaan ịikpo rꞌịnyaam; ọdi amitiom rẹezegh rꞌẹgham, aḍighi ịiḍaany rꞌimananaan, rꞌiiḍighi aḍiigu.

Dutoronomi 6:21

kụ ẹphagharanaan ghan ẹghaaph ẹḅeni nmụny phọ anyina mọ, ‘Yoor uḍighi rẹbene ọdaam eelhe phọ Ijipt, kụ Ọmoogh-we phọ ạsighe ḍilhom ạḍighaagh kụ ụsighenom iyoor ạḍuanam ẹpe Ijipt,

Dutoronomi 6:23

Kụ ọdi ụsighe iyoor ạḍuanam ẹpe phọ. Ọdi ụsighe iyoor asiemi ẹphen phọ ạngo de phọ, ḍịphe ọdi aghunya bọ ạngo bụrude phọ ayoor.

Dutoronomi 7:19

oboom mọ ọdegh ophogh phọ ọpo ariḍien phọ anyina ẹmiin bọ, rꞌareḍeenaan phọ, rꞌịiḍaany phọ, rꞌạḍighaagh iphelegbe phọ ọdi azin bọ, ḍịphe Ọmoogh-we Ẹnaan phọ anyina ạsighe bọ kụ ịsighenom inyina ạḍuanam. Ịdipho kụ ịdi Ọmoogh-we Ẹnaan phọ anyina kaḍighi oomo awe phọ ạbuphe nyina rekiilaan bọ.