Dutoronomi 6:21 - Ạḍinya Iigbia

²¹ kụ ẹphagharanaan ghan ẹghaaph ẹḅeni nmụny phọ anyina mọ, ‘Yoor uḍighi rẹbene ọdaam eelhe phọ Ijipt, kụ Ọmoogh-we phọ ạsighe ḍilhom ạḍighaagh kụ ụsighenom iyoor ạḍuanam ẹpe Ijipt,

Dutoronomi 6:21 Iomraidhean Croise

Emiighom 19:16

ẠLot aabinya ni kụ Ọmoogh-we phọ ạnma nyọdi ighirigiir; kụ awe phọ ọpham rạghaagh ạLot rꞌạnir phọ ọdi rꞌịyal phọ ạnmanyaan phọ ọdi omitenom ẹmha phọ.

Ạsuor 78:7

Ịduon phọ kẹn kụ ẹdi bịdi kọkpasi emooph ạbidi esi Ẹnaan bịn kóbula ịpe ọdi aḍighi bọ, omuton ọnaghanan ghan ịto phọ ọdi oomo amem.

Ẹḍua 13:14

Ḍio dị ọony ạna apuru nyịna mọ, ‘Ẹmhu ịphen phọ pọ ika?’ ḅẹni nyọdi mọ, ‘Esi ạḍighaagh iphelegbe phọ ọdi kụ ẹdi Ọmoogh-we phọ ụsighe bọ iyira amitiom ẹpe Ijipt, ẹpe ạdol ạrebene.

Ẹḍua 13:16

Eḍighinom mọ ẹphen kẹtol ghan dịadi ịyaar lọ ọkpoom ḍịghaagh mꞌelhor ayira, dị kịghiom ghan iyira ologhi mọ rꞌạḍiikpara ạḍighaagh kụ ẹdi Ọmoogh-we phọ ụsighe bọ iyira amitiom ẹpe Ijipt.’”

Ẹḍua 13:3

AMozis ạḅeni we phọ Ịzirel mọ, “Ịitughian ghan ḍio phọ arodon. Arodon kụ ẹdi nyina ẹḍua bọ ẹpe Ijipt emite, esi phọ nyina eḍighi bọ rẹbene; ạḍiikpara ạḍighaagh ọdi kụ ẹdi Ọmoogh-we phọ ịsighe bọ inyina amitiom. Íle ghan ạbred lọ ọlogh yist.

Ẹḍua 13:9

Ịphen phọ eḍighi dịadi ịyaar lọ ọkagh ḍịghaagh mꞌelhor anyina, dị kịghiom ghan inyina ologhi ọgbaam ghan rꞌọtuughaam ghan Ologh Ọmoogh-we phọ, ịdi eḍighi bọ rꞌạḍiikpara ạḍighaagh kụ ẹdi Ọmoogh-we phọ ịsighe bọ inyina ạḍuanam ẹpe Ijipt.

Ẹḍua 20:2

“Mị kụ Ọmoogh-we Ẹnaan phọ anyina ọpo ịsighe bọ inyina ạḍuanam ẹpe ade phọ Ijipt sịphe nyina eḍighi ghan bọ rẹbene.

Ẹḍua 3:19

Kụ mị alegheri ni mọ ọdaam eelhe phọ Ijipt kámeera mọ nyina ẹghi, emuton lọ ọkpaariom.

Azaya 51:1

Ọmoogh-we phọ rạḅem ghan mọ, “Ịnaghanan ịmi, nyina ạbuphe rẹwa bọ pẹleeny phọ, nyina ạbuphe eru bọ esi ạmi ọwa ẹloghonaan phọ. Ịitughian ḍighiigh esi phọ nyina ẹḍua bọ emite, dọl aḍighiigh phọ iguph bọ inyina omitiom.

Dutoronomi 15:15

Kụ ẹetughian ghan mọ nyina iḍighi ni rẹbene ẹpe de phọ Ijipt. Ọmoogh-we Ẹnaan phọ anyina ịtagharan inyina kụ iḍighi kụ mị ạtu bọ ạlogh ologh phọ ọphon rịngo inyina rodon.

Dutoronomi 4:34

Ẹkaaneen ịyaar mẹghi ghan ni ẹsighe we ẹnon eelhe kụ eḍighi bụo ọdi, ịdipho Ọmoogh-we Ẹnaan phọ anyina iḍighi bọ inyina ẹpe Ijipt? Risigh anyina kụ ọdi aḍeenaan ịikpo rꞌịnyaam; ọdi amitiom rẹezegh rꞌẹgham, aḍighi ịiḍaany rꞌimananaan, rꞌiiḍighi aḍiigu.

Dutoronomi 5:15

Ịitughian ghan mọ nyina iḍighi ni rẹbene ẹpe ade phọ Ijipt kụ Ọmoogh-we Ẹnaan phọ anyina ẹsighe ḍilhom ạḍighaagh phọ ọdi rꞌigbogh ịikpo ịsighenom inyina ạḍuanam. Kụ iḍighi kụ Ọmoogh-we Ẹnaan phọ anyina ạlogh bọ ologh ịḅeni inyina mọ iiko ghan ḍio ophooghian phọ.

Dutoronomi 5:6

‘Mị kụ Ọmoogh-we Ẹnaan phọ anyina ọpo ịsighe bọ inyina ạḍuanam ẹpe ade phọ Ijipt sịphe nyina eḍighi ghan bọ rẹbene phọ.

Dutoronomi 6:20

“Ḍio-pọ, kụ ạnmuny anyina ipuru inyina mọ, ‘Eeghe kụ ẹmhu ịtooghi phọ, rꞌiilogh phọ, rꞌịiruen phọ, Ọmoogh-we Ẹnaan phọ ayira ạngo bọ?’

Dutoronomi 6:22

kụ Ọmoogh-we phọ amiteghom reḍeenaan rꞌịiḍaany dị ẹbugh, rꞌạraraar aruugu kịrokiro, esoroghuom Ijipt rꞌọdaam eelhe phọ rꞌọto ọdi, dị yoor ọmiin ni.