Dutoronomi 6:18 - Ạḍinya Iigbia

¹⁸ Iḍighi ghan ịpe eru bọ igey, rꞌịlo ẹnighe risigh Ọmoogh-we phọ, ọbo ịnighenom inyina, ọbo nyina ẹghi ẹsighe ẹmoogh ịma phọ ade phọ, ḍịphe Ọmoogh-we phọ aghunya bọ ạngo bụrude phọ anyina.

Dutoronomi 6:18 Iomraidhean Croise

Ạsuor 19:11

Rịngo ghan ịmi otelhedom mọ ạna olegheri ịyaar, kụ ịikpia dị ụkpe ghan ịmi esi ooko ạbidi ẹbugh ni.

Ẹḍua 15:26

Ọdi ạḅem mọ, “Eḍighi ịyaar lọ nyina kesereghian ni ẹnaghanan ẹḍogh ạmi, kụ eḍighi ghan ịlo ẹnighe, kụ eeko ghan iilogh phọ ạmi rꞌịtooghi phọ ạmi, pọ mị kị́lhiom inyina rꞌeniin ọdo ẹzegh phọ mị ạlhiomom bọ we Ijipt, ịdi eḍighi bọ mị kụ Ọmoogh-we phọ, ọpo raakonom bọ rẹezegh phọ anyina.”

Azaya 3:10

Awe aruukuan kobo ni, kụ ạraraar kẹnighenaan ni bịdi. Bịdi kotue ni olhe ịpe bịdi moḍighi bọ.

Azaya 38:3

“Ọmoogh-we, seseeny, tụutughian nyịidipho mọ mị makumuan ni nyịna rꞌoomo ologhi ạmi kụ ạkparagha oḍighi ghan ịdi eseleman risigh ạna.” Kụ ọdi amiigh omoghi yogh.

Izikiel 18:19

“Kụ nyina epuru mọ, ‘Iḍighi ika kụ ọony phọ ọ́miinom bọ loor esi ịkaraph ọde phọ ọdi?’ Ọphagharanaan phọ aḍighi ịduon ọony phọ aḍighi bọ ịpe esel bọ kụ eḍighi igey. Ọdi aako ni iilogh phọ ạmi ạḅile amiigha loor ạdaph, kụ iḍighi kụ agey ni ọdi kạtol li.

Izikiel 18:21

“Eḍighi mạar dị ọkaraph oye ạwile oḍighi ịkaraph kụ aako iilogh ạmi, eḍighi mạar dị ọdi aḍighi ịpe esel bọ kụ ẹnighe, ọdi kámugh; ọdi ọkaraghi igey ni kạtol li.

Izikiel 18:27

Mem dị oye dị raḍighi ghan ịkaraph ạwile oḍighi ịkaraph kụ aḍighi ịpe esel bọ kụ ẹnighe, ọdi ạpel ghuḍum ọdi.

Izikiel 18:5

“Eḍighi mạar dị ọkaraghi ogey oye odi, aseleman kụ ẹzo ẹnighe.

Izikiel 33:14

Mị katue ni ạpur rụru oye ạsipioghom mọ ọdi kamugh, kụ ọdi ạwile oḍighi ịkaraph kụ aḍighi ịdi eḍighi elhiom kụ ẹnighe —

Izikiel 33:16

Mị kạsar ạbilenaan ịkaraph phọ ọdi maḍighi bọ kụ ọdi ạtol loor esi dị ọdi maḍighi ịdi eḍighi elhiom kụ ẹnighe.

Izikiel 33:19

Mem dị oye ẹkaraph eḍighinom ạwileghi kụ aḍighi ịdi eḍighi elhiom kụ ẹnighe, ọdi mạphel ghuḍum ọdi.

Hosia 14:9

Ạbulo ọmoogh ologhi ọnaghanan ịpe ọge bọ sịen, kụ bịdi ọnaghanam ḍụghum. Areten Ọmoogh-we phọ eeleeny ni, kụ awe aruukuan rọdaphan ghan kụ kọrol, abuḍighinom ịkaraph okpetaan ghan romeel loor esi dị bịdi okel reten phọ ọdi.

Elegh ạJon 8:29

Ọpo urom bọ ịmi odianaan ni rꞌạmi. Ọdi ịmi ụ́wile bịn, ịdi eḍighi bọ mị raḍighi ghan ni ịpe ẹḅeeraan bọ nyọdi.”

Bụo aRom 12:2

Kémeera mọ awe aḅirini phọ ịpiloghom inyina ọḅologh ọghighima. Ẹnaan kụ ẹḅol ghụn iloghi phọ anyina ẹghighemi nyọpo ọdi bịn kụ nyina egbi olegheri ịitughian phọ ọdi — ịpe ẹnighe bọ, ẹḅeeraan bọ nyọdi kụ eseleman bọ.

Dutoronomi 12:25

Ị́baam ghan ịḅaal phọ, ọbo ịnighenom inyina rꞌạnmuny anyina, bụphe kọtol bọ dọl phọ anyina. Ịdipho phọ nyina keḍighi ghan ịpe ẹnighe bọ egbodo Ọmoogh-we phọ.

Dutoronomi 12:28

Ịlogh elegh, ẹphamanam ịphen mị rịḅeni bọ inyina ọbo ịnighenom inyina rꞌạnmuny anyina bụphe kọtol bọ dọl phọ anyina kꞌagee-pọ. Ịdipho phọ nyina keḍighi ghan ịpe ẹnighe bọ egbodo Ọmoogh-we phọ Ẹnaan phọ anyina.

Dutoronomi 13:18

eru mạar dị nyina kẹnaghanan ghan ẹḍogh Ọmoogh-we Ẹnaan phọ anyina kụ eeko ghan oomo iilogh phọ ọdi ịpe mị ạlogh bọ rịngo inyina rodon kụ reḍighi ghan ịpe eseleman bọ, eru bọ ịne riḍien Ọmoogh-we Ẹnaan phọ anyina.

Dutoronomi 4:40

Kụ iḍighi, iiko ghan ịtooghi phọ ọdi rꞌiilogh phọ ọdi, ịpe mị ạlogh bọ ịngo inyina rodon, ọbo ịnighenom inyina rꞌạnmuny phọ anyina kọtol bọ dọl phọ anyina, ọbo asuḍughul-otu anyina ẹdoony sịen aḅirini phọ Ọmoogh-we Ẹnaan phọ anyina iseere bọ inyina kꞌagee-pọ.”

Dutoronomi 5:29

Mụghumo ọphon kụ aru ologhi dị bịdi kọmoogh oomo amem, oghueni ạmi rꞌooko ghan oomo iilogh phọ ạmi, pọ kẹnighenaan ni bịdi rꞌạnmuny ạbidi kꞌagee-pọ.

Dutoronomi 5:33

Ịdaph ghan oomo areten phọ ịpe Ọmoogh-we Ẹnaan phọ anyina mạto bọ ịngo inyina kụ erelhe ghan, ọbo ịnighenom inyina, ẹrol ebia sịphe ade phọ nyina rẹki bọ oḍigh phọ.

Dutoronomi 6:10

“Mem dị Ọmoogh-we Ẹnaan phọ anyina ịsighe inyina asiemi ẹpe ade phọ dị aghunya bọ ạngo bụrude phọ anyina Ebraham, Ạizik rꞌạJekob, ọngo anyina rạmha phọ ẹbugh bọ kụ ẹnighe, rạmha phọ nyina kụ ị́logh bọ,

Dutoronomi 6:19

Ọdi kaporogh ni oomo ạbumulogh-ḍien phọ anyina ọdi bọ ẹpe risigh phọ anyina ạsighiogh ịdipho Ọmoogh-we phọ aguanaan bọ.

Dutoronomi 8:11

“Igona siloor anyina, íbula ghan Ọmoogh-we Ẹnaan phọ anyina. Iiko ghan iilogh phọ ọdi, rꞌịiruen phọ ọdi, rꞌịtooghi phọ ọdi, ịphen mị ạlogh bọ rịngo inyina rodon.