Dutoronomi 6:16 - Ạḍinya Iigbia

¹⁶ “Kẹ́degh Ọmoogh-we Ẹnaan phọ anyina epogh ịdipho nyina ẹdegh bọ nyọdi ephogh ẹpe Masa.

Dutoronomi 6:16 Iomraidhean Croise

Ạsuor 78:18

Bịdi olegheri kụ ọḅem ghan mọ Ẹnaan aḍeenaan oye dị ọdi aru esi ịlom eḍien dị bịdi ọwa ole.

Ẹḍua 17:2

Awe phọ Ịzirel ọwa sighiton Mozis kụ ọḅeni nyọdi mọ, “Ụngo iyoor mụum ọphughol.” AMozis apuru bịdi mọ, “Nyina ịtuan eeghe kụ retu bọ esi ạmi? Nyina ịtuan eeghe kụ rẹdegh bọ Ọmoogh-we phọ?”

Ẹḍua 17:7

AMozis aghol ḍien esi phọ mọ aMasa rꞌaMeriba loor esi dị bịdi ugum ni ophogh ịpe Ọmoogh-we phọ kaḍighi bọ dị bịdi opuru mọ, “Ọmoogh-we phọ odi ni rꞌayira ḍụghum kụ ólho?”

Igbiighi 20:13

Ịphen imite ẹpe ạrumuum mọ aMeriba, esi phọ awe phọ Ịzirel ụwa bọ Ọmoogh-we phọ sighiton kụ ọdi aḍeenaan bịdi mọ ọno oye iigbia.

Matiu 4:7

ẠJizos ạphagharanaan mọ, “Ọge kẹn ni pạ ạḍinya iigbia phọ mọ, ‘Kạ́degh Ọmoogh-we Ẹnaan phọ ạna apogh!’”

Elegh aLuk 4:12

Kụ ạJizos ạphagharanaan nyọdi mọ, “Ọge ni sịphe ạḍinya iigbia phọ mọ, ‘Kạ́degh Ọmoogh-we Ẹmugh phọ ạna apogh.’”

1 Bụo ạKorint 10:9

Yira kúḍighi ghan ịlo ọdegh Ọmoogh-we phọ ịdipho buniin ạbidi oḍighi bọ kụ iḍigh-eḍum mọ ẹḍaanyogh ghan bọ bịdi ẹze.

Dutoronomi 33:8

Kụ ịlo eghun aLivai ọdi ạḅem ịduon: “Nạ, Ọmoogh-we, gananami igbiighi phọ ạna esi aYurim rꞌaTumim; Gananami olegheri ịyaar phọ ạna ạngo bugey abutelhedom mọ ạna, Bụphe nạ ạdegh bọ aphogh ẹpe Masa, Kụ ạmiin mọ bịdi igey awe ẹpe ạrumuum aMeriba.