Dutoronomi 6:13 - Ạḍinya Iigbia

¹³ Ikueni Ọmoogh-we Ẹnaan phọ anyina, eeseeny ghan nyọdi, eghunya ghan ḍien phọ ọdi.

Dutoronomi 6:13 Iomraidhean Croise

Emiighom 24:3

Mị rạwa dị nạ kakol ḍien Ọmoogh-we Ẹnaan kꞌạke phọ rꞌade phọ akunyan mọ nạ kápinanaan mọony phọ ạmi ạnir ọlo aKenan ẹphen mị arugh bọ.

2 Ạbudaam 17:36

Ighiilaan ghan ịmi Ọmoogh-we phọ ọpo ịsighe bọ inyina ẹpe ade phọ Ijipt rꞌiboom ịikpo rꞌạḍighaagh iphelegbe phọ ạmi, ịiḅereghi ghan ịmi, eḍighi ghan rạraar aghuḍum ịngo ghan ịmi.

Ạsuor 15:4

Ọpo aphogh bọ asooromi bụphe Ọmoogh-we phọ maghel bọ kụ rakueni ghan bọ bụphe rokiilaan bọ Ẹnaan. Tọrobo ịlo kemite, ọpo rạ́bile ghan bọ oḍighi ịlo ọdi aguan.

Ạsuor 63:11

Loor esi dị Ẹnaan ẹngo nyọdi ọkpar opu, ọdaam mọ kabo ni. Bụphe oghunyaam bọ ḍien phọ Ẹnaan kooseeny nyọdi, kụ ịnhu ạbugbaam ọkpe kokpomori ni.

Ẹḍua 20:7

“Kạ́sighe ghan ḍien Ọmoogh-we Ẹnaan phọ ạna apeghom ephegh, ịdi eḍighi bọ mị Ọmoogh-we phọ kạ́sar ạ́bilenaan oye lọ apeghom ephegh ḍien phọ ạmi.

Ẹḍua 23:25

Eḍighi ịyaar lọ nyina iiseeny ịmi Ọmoogh-we Ẹnaan phọ anyina, mị kịsephom ni inyina eḍien rꞌạmuum ạḅile aporogh rẹezegh phọ anyina.

Azaya 45:23

Oguan ạmi pọ ịne phọ ni ọkpe ólho ghan kụ kónme. Mị akunya esi aḍien phọ ạmi rꞌoomo ịpe mị ạman bọ: Tọrobo oye katu kụ akpuḍian ghisigh ạmi kụ akunya mọ ọno kaler ri loor ọdi ụngo ịmi.

Azaya 48:1

Iler rụru ẹnaghan ịphen phọ, weye Ịzirel, nyina ẹemara ẹemara phọ aJuda. Nyina ekunya esi aḍien Ọmoogh-we phọ kụ ekophora mọ nyina reeseeny ghan Ẹnaan phọ Ịzirel — kụ rꞌeniin ekpo ọnhu ạna dị ẹman ịyaar ílho.

Azaya 65:16

Tọrobo oye lọ odi sịen ade phọ lọ ạwa ḍịseph kạlom mọ Ẹnaan phọ rébi ghan bọ ạseph nyịno. Tọrobo oye lọ aghunya kakunya ni rꞌaḍien Ẹnaan phọ rébi ghan bọ. Ịiḅaghami phọ ịpe emite bọ mem dị ebia, meten kụ obula.”

Jerimaya 12:16

Eḍighi ịyaar dị bịdi omeera mọ awe phọ ạmi ọtughemi bụno ịlo ooseeny ạmi rꞌoomo ologhi phọ kụ kokunya ghan mọ ‘Esi dị Ọmoogh-we phọ odi bọ ni’ — ọdo ịpe bịdi mọtughemi ghan bọ ni weye phọ ạmi oghunya rꞌaḍien aBaal — pọ bịdi kẹn koḍighi aani ni pạkiri awe phọ ạmi ḅịle kẹn edughom kẹtolonaan ni bịdi.

Jerimaya 4:2

pọ keḍighi ni sụo ịngo inyina dị nyina kekunya ghan rꞌaḍien ạmi. Pọ kụ amem dị oomo areelhe phọ kụlom ịmi ọseph ạbidi, ḅịle kẹn bịdi kuboom ni ịmi.”

Jerimaya 5:2

Ghạlamo ịduon nyina ẹḅem bọ ni mọ nyina rẹeḅereghi ghan ni Ọmoogh-we phọ, nyina rẹḅem aani ghan ni bịn.

Jerimaya 5:7

Ọmoogh-we phọ apuru mọ, “Eeghe kụ iḍighi kụ mị kạbilenaan bọ ịkaraph awe phọ ạmi? Bịdi mụwile ịmi ọki ọoḅereghi rụmugh dị ị́moogh ịyaar oḍighinom. Mị ụngo ni weye phọ ạmi eḍien dị ẹpher bịdi, kụ bịdi ọḅile ghụn olhe ghan ẹmha ọsighe mem mọ ạbidi ọtolan ghan rꞌạbuo oliom ẹmha.

Lịvitikos 19:12

Ị́sighe ghan ḍien phọ ạmi ekunyaam iikunya ọkpe, ẹphue ḍien phọ ạmi. Mị kụ Ọmoogh-we Ẹnaan phọ anyina.

Matiu 4:10

Kụ ạJizos mọ, “Setan, ḍụa sịen ghisigh ạmi. Ọge ni pạ ạḍinya iigbia phọ mọ, ‘Nạ kakpuḍian ghan ạngo eghuan Ọmoogh-we Ẹnaan phọ ạna, kụ aaseeny ghan nyọdi bịn!’”

Matiu 5:33

“Nyina mẹnaghan ghan kẹn ni mọ gediidi ụḅeni ni bụrude phọ anyina mọ kékunya iikunya dị nyina íiko. Ịtuugh ịpe nyina meghunya bọ ẹngo Ọmoogh-we phọ eeko.

Elegh aLuk 4:8

Kụ ạJizos ạphagharanaan mọ, “Ọge ni sịphe ạḍinya iigbia phọ mọ, ‘Nạ kakpuḍian ghan ạngo eghuan Ọmoogh-we Ẹnaan phọ ạna, kụ aaseeny ghan nyọdi bịn.’”

Dutoronomi 10:12

“Kụ nyịidipho, we Ịzirel, ịphen phọ kụ ịdi Ọmoogh-we phọ Ẹnaan phọ anyina rạwa ḍịghaagh anyina: oghiilaan Ọmoogh-we phọ Ẹnaan phọ anyina, rꞌọdaph ghan oomo areten phọ ọdi, rꞌọphomoghian ọdi, rꞌooseeny ghan Ọmoogh-we Ẹnaan phọ anyina rꞌoomo ologhi phọ ạna rꞌuwaloor phọ ạna.

Dutoronomi 10:20

Ikueni Ọmoogh-we Ẹnaan phọ anyina. Ọdi kụ ọdi nyina keeseeny ghan. Iḍighom ghan nyọdi, eghunya ghan ḍien phọ ọdi,

Dutoronomi 13:4

Ịdaph ghan Ọmoogh-we Ẹnaan phọ anyina kụ erelhe ghan. Ikueni nyọdi, eeko ghan iilogh phọ ọdi, ẹnaghanam ghan ẹḍogh phọ ọdi eeseeny ghan nyọdi, eḍighom nyọdi.

Dutoronomi 13:5

Ikiigh oyil-uḍien phọ ọpo phọ mꞌọmalhaam rạmalha phọ ọpo phọ, ịdi eḍighi bọ dị rạkaaphogh ghan ịphen phọ ịlo nyina kẹbile Ọmoogh-we Ẹnaan phọ anyina ọpo ịsighe bọ inyina ạḍuanam ẹpe ade phọ Ijipt, ịtagharan inyina ạsighe esi ạdol ạrebene phọ, ịlo nyina kẹbile reten phọ ịpe Ọmoogh-we Ẹnaan phọ anyina ạlogh bọ ologh ịngo inyina mọ itelhe ghan phọ, ọbo nyina ẹwile oḍighi ghan ịkaraph sịphe ogbo phọ anyina.

Dutoronomi 5:11

“‘Kạ́sighe ghan ḍien Ọmoogh-we Ẹnaan phọ ạna apeghom ephegh, ịdi eḍighi bọ mị Ọmoogh-we phọ kạ́sar ạ́bilenaan oye lọ apeghom ephegh ḍien phọ ạmi.

Dutoronomi 5:29

Mụghumo ọphon kụ aru ologhi dị bịdi kọmoogh oomo amem, oghueni ạmi rꞌooko ghan oomo iilogh phọ ạmi, pọ kẹnighenaan ni bịdi rꞌạnmuny ạbidi kꞌagee-pọ.

Dutoronomi 6:2

ọbo nyina ekori eghueni Ọmoogh-we Ẹnaan phọ anyina, eeko ghan ịtooghi phọ ọdi, rꞌiilogh phọ ọdi, ịphen mị ạlogh bọ rịḅeni inyina, nyina rꞌạnmuny anyina rꞌạnmuny ạnmuny anyina, oomo asuḍughul-otu aghuḍum mọ anyina, ọbo asuḍughul-otu phọ anyina ẹdoony.

Josua 2:12

Kụ nyịidipho mị rịiḅereghi ni inyina mọ ikol ḍien Ọmoogh-we phọ eghunyian mọ nyina kẹmaar ri ẹpam eghunotu ạmi ịdipho mị ịpham bọ inyina kụ ụngo ịmi eḍeenaan dị mị kaḍuom inyina ologhi.

Josua 23:7

ọbo nyina keeḍikuan ghan bọ rꞌareelhe phọ ịphen esugha bọ sịen ogbo phọ anyina eeghologhan siḍien ạrumugh phọ ạbidi. Íkunya ghan rụmugh phọ ạbidi, eeseeny bịdi. Ísooromi ghan siloor anyina ẹngo bịdi.

Josua 24:14

“Kụ nyịidipho, ikueni Ọmoogh-we phọ eeseeny ghan nyọdi rꞌoomo ologhi anyina rꞌomeeraam. Ịbile rụmugh phọ ịpe ạburude phọ anyina ooseeny ghan bọ ẹpe Mesopotamia rꞌẹpe Ijipt. Iiseeny ghan Ọmoogh-we phọ bịn.

1 Sạmuel 20:3

Kụ aDevid ạphagharanaan mọ, “Ọde phọ ạna alegheri ni mọ nạ ụphomoghian ni ịmi iboom kụ ọdi magbiighi mọ ọdi káḍighi ịlo nạ kalegheri ịpe ọdi rạwa bọ oḍighi phọ, loor esi dị kepin ni esi ạna iboom. Ageny ni, mị ọkpe rạ́gba ghan. Mị akunya ni rạḅeni nyịna rꞌaḍien Ọmoogh-we phọ ọpo odi ghan bọ mọ ọku dị odi ogbo ạmi rꞌaḍuugh ọ́bugh.”

1 Sạmuel 7:3

ẠSamuel ạḅeni we phọ Ịzirel mọ, “Eru mạar dị nyina ekiton ni eru esi Ọmoogh-we phọ rꞌoomo iloghi phọ anyina, pọ nyina ẹmoogh oroḅologhi iiruen ạrumugh phọ anyina rꞌịkaaghineen ạraraar ẹya-eru Astarte. Ịḅogh siloor anyina ẹngo Ọmoogh-we phọ, ẹeḅereghi ghan nyọdi bịn, pụruku ọdi kịtagharan inyina ḍịghaagh ạbuo aFilistia phọ.”