Dutoronomi 6:12 - Ạḍinya Iigbia

¹² ịmaar egona siloor anyina ọbo nyina kebula ghan bọ Ọmoogh-we Ẹnaan phọ anyina ọpo ịsighe bọ inyina ạḍuanam ẹpe ade phọ Ijipt dọl ạrebene phọ.

Dutoronomi 6:12 Iomraidhean Croise

2 Ạbudaam 17:36

Ighiilaan ghan ịmi Ọmoogh-we phọ ọpo ịsighe bọ inyina ẹpe ade phọ Ijipt rꞌiboom ịikpo rꞌạḍighaagh iphelegbe phọ ạmi, ịiḅereghi ghan ịmi, eḍighi ghan rạraar aghuḍum ịngo ghan ịmi.

2 Ạbudaam 17:38

Rꞌịyo phọ ịpe mị rꞌanyina eghiran bọ, íbula ghan, kẹn kékiilaan ghan ịnon ạrumugh.

Job 8:13

Awe dị Ẹnaan úlegheri ọkigh iipoghoḍian phọ ịpe phọ; oḍuom ologhi phọ ạbidi maphe, ịduon bịdi mowula bọ Ẹnaan phọ.

Ạsuor 103:2

Boom Ọmoogh-we phọ, nạ uwaloor phọ ạmi! Kábula oomo iiḅi phọ ọdi maḍighi bọ nyịna.

Ạsuor 44:17

Oomo ịphen phọ mimiteghunaan iyoor, ghạlamo ịduon yoor nyịna úbula bọ ni, ḅilẹ kẹn ụ́ka bọ ịyo phọ ạna.

Ạsuor 59:11

Kạ́ze bịdi, Ẹnaan, ọbo awe phọ ạmi kobula ghan bọ. Wạawalamiom bịdi ịnyaam mọ ạna kụ ạkpar apu bịdi, Ọmoogh-we, ọsuaram ayoor.

Ạsuor 78:7

Ịduon phọ kẹn kụ ẹdi bịdi kọkpasi emooph ạbidi esi Ẹnaan bịn kóbula ịpe ọdi aḍighi bọ, omuton ọnaghanan ghan ịto phọ ọdi oomo amem.

Ẹḍua 13:14

Ḍio dị ọony ạna apuru nyịna mọ, ‘Ẹmhu ịphen phọ pọ ika?’ ḅẹni nyọdi mọ, ‘Esi ạḍighaagh iphelegbe phọ ọdi kụ ẹdi Ọmoogh-we phọ ụsighe bọ iyira amitiom ẹpe Ijipt, ẹpe ạdol ạrebene.

Ẹḍua 13:3

AMozis ạḅeni we phọ Ịzirel mọ, “Ịitughian ghan ḍio phọ arodon. Arodon kụ ẹdi nyina ẹḍua bọ ẹpe Ijipt emite, esi phọ nyina eḍighi bọ rẹbene; ạḍiikpara ạḍighaagh ọdi kụ ẹdi Ọmoogh-we phọ ịsighe bọ inyina amitiom. Íle ghan ạbred lọ ọlogh yist.

Ẹḍua 6:6

Loor ịduon phọ ḅẹni we phọ Ịzirel mọ, ‘Mị kụ Ọmoogh-we phọ. Mị kịsighe ni inyina esi ịminimiin phọ Ijipt rịmiine bọ inyina. Mị kịsighe ni inyina esi ạdol ạrebene phọ. Mị kapoophe ni ḍịghaagh iphelegbe ạmi ịtagharan inyina rꞌịgbagara ịiruen.

Asidogh 30:9

Mị ạmoogh ẹlo ẹphughan, iini mị kạḅem mọ mị nyịna ụ́wa mun. Kụ mị ameel ekulom, iini mị kami kụ asiphe umugholoor Ẹnaan ạmi.

Azaya 17:10

Ịzirel, nạ mawula Ẹnaan phọ ẹtagharan bọ nyịna, ẹḅile bọ eghoph nyịna ịdipho aḍigbogh aḍighiigh. Kpạripe ghụn nạ ạḅile rạzuph ghan iimuma roghoony iigbia ọbo nạ aaseeny ghan eeruen ẹmugh.

Azaya 51:13

Nyina mewula Ọmoogh-we phọ ịlhem bọ inyina, ọpo ạreghe bọ sịke phọ kụ aphighi bọ de phọ ạkparami? Eeghe kụ nyina edi ghan bọ dọl oḅio-kakaph ọghagh ologhi ạbidi inyina kị́teeny mun, ạbuphe ọnya bọ ophiemi anyina? Ọkaraph ookuugh ạbidi inyina kạ́teeny.

Hosia 2:13

Mị kạliom ni nyọdi ịdi eḍighi bọ ọdi úwula ịmi kụ rạsuanaan ghan Baal ịnsens ịlo ooseenyom ọdi; mị kạliom ni nyọdi esi amem mọ ọdi adoghoḍian bọ rạla ạraghaagh ọbo ọdi ạḅeeraan rụga phọ ọdi. Ọmoogh-we phọ kụ ạḅem.

Igbiighi 15:39

Ịsawolowo phọ keḍighi ghan ịdi tọro amem lọ nyina ephogh bịn nyina kẹetughian ghan iilogh phọ ạmi kụ kẹdaph ghan eḍighi, ọbo nyina kẹdaph ghan bọ rụuphua iloghi phọ anyina rꞌịpe ariḍien phọ anyina rẹmiin bọ bịn ẹdaph ele ẹmha,

Dutoronomi 32:18

Nyina ị́logh mun elegh ḍighiigh phọ ạḍiphe ịmar bọ inyina. Nyina mewula Ẹnaan phọ ịlhem bọ inyina.

Dutoronomi 4:23

Igona siloor anyina ọbo nyina kebula ghan bọ ịyo phọ Ọmoogh-we Ẹnaan phọ anyina, ịpe ọdi rꞌanyina eghiran bọ,

Dutoronomi 4:9

Igona siloor anyina, ẹphama uwaloor anyina, ọbo nyina kebula ghan bọ rạraar phọ ịpe nyina ẹmiin bọ, ọbo kẹḍua ghan bọ iloghi anyina oomo asuḍughul-otu aghuḍum mọ anyina; ẹtughemi ịphen phọ nmụny phọ anyina rꞌạnmuny ạnmuny phọ anyina.

Dutoronomi 8:10

Mem lọ nyina ele kụ mịpher inyina, ịseph ghan Ọmoogh-we Ẹnaan phọ anyina ịlo aḍiiḅi ade phọ dị ịngo bọ inyina.

Bụo ạKolosi 2:8

Igona loor ẹphama iloghi anyina, ọbo oye kạsighe ghan bọ olegheri ịyaar aḅirini phọ iikeleghiom inyina ạboor ologhi. Ọdo olegheri ịyaar phọ ọpo ọ́moogh ịyaar oḍighinom, ạdaph eḍighinom ịyaar agediidi rꞌịtughemi ẹghoroghor bịn, kị́pe aKraist ạtughemi bọ.

Bụo Ịiruen 2:12

Bịdi ughel Ọmoogh-we Ẹnaan ạburude phọ ạbidi ọpo ạsighe bọ bịdi ẹpe eelhe phọ Ijipt ạḍuanam, kụ omiigh ọoḅereghi ịnon ạrumugh, rụmugh awe phọ ạbuphe orugh bọ otuman bịdi kụ rokpuḍian ghan bịdi. Kụ ẹghagh ologhi Ọmoogh-we phọ.