Dutoronomi 6:11 - Ạḍinya Iigbia

¹¹ rꞌaruutu dị oomo igey ạraraar kụ emuza, ịdi nyina kụ ị́moogh, rꞌasighuḍia dị oguphogh, ịdi nyina kụ íguphogh, rꞌiizo avain rꞌireeny ọliv dị nyina kụ ị́zuphogh, mem lọ nyina elhe kụ ịpher inyina,

Dutoronomi 6:11 Iomraidhean Croise

Nehemaya 9:25

Awe phọ ạna eeghian ni ọsighiogh rạmha dị ophiighiom rꞌịikpo, de ẹnuum, ruutu dị aruphua emuza rꞌariini ạmuum ọphughol dị oguphogh, ireeny ọliv, ireeny iimuma, rꞌiizo avain. Bịdi ule ni tọrobo ịyaar lọ bịdi ọwa, kụ ọbughogh; bịdi ụghelom ni oomo ịma ạraraar phọ nạ ạngo bọ bịdi.

Ạsuor 105:44

Ọdi ạngo bịdi rere awe ịnon areelhe kụ aḍighi ịdi bịdi ọsighiogh iizo ạbidi,

Dutoronomi 11:15

Kụ mị aḍighi ịdi ạroogho kasiighi sịphe asileeny phọ anyina ịlo ạsinam mọ anyina, ọbo nyina ele ghan ịpher inyina.

Dutoronomi 14:29

Kụ bụo aLivait phọ, loor esi dị bịdi úpin aani bin ḅịle kẹn ụ́moogh aani bin ẹmoogh phọ ịdipho anyina, rꞌaruuruen phọ, rꞌịnyigo ạnmuny phọ rꞌarukpekele ạnmariir phọ, bụphe odi bọ sịphe ạramha phọ anyina, bịdi oru ọsighe olhe aani ẹpher bịdi, ọbo Ọmoogh-we Ẹnaan phọ anyina ạseph oomo arukumuan phọ anyina ịpe nyina ẹsighe bọ rạghaagh phọ anyina kụ ekumuanam.

Dutoronomi 19:1

“Mem dị Ọmoogh-we Ẹnaan phọ anyina kamutonaan kụ apiemi bọ reelhe phọ ịpe ade phọ ạḍiphe Ọmoogh-we Ẹnaan phọ anyina ịngo bọ inyina kụ nyina kẹboorom bọ bịdi kụ etugh sịphe ạramha phọ rꞌaruutu phọ ạbidi,

Dutoronomi 32:15

“AJesurun mạnuum ạpataghan, aruwol ekpulughan, tụ nạ maphoph ạmoogh ịnyaam, tụ nạ mạnuum, ẹnuum eekpereghiom nyịna. Ọdi maghel Ẹnaan phọ ẹpe ẹlhem bọ nyọdi, ạḅitonaan ḍighiigh phọ ạḍiphe ẹphel bọ nyọdi.

Josua 24:13

Kụ mị ịngo inyina de dị nyina ị́miinom, rꞌạramha dị nyina kụ ị́loghoḍi kụ nyina etughogh, kụ nyina rele ghan ibusi rꞌiimuma oreeny-ọliv dị nyina kụ ị́zuphogh.’

Bụo Ịiruen 3:7

Kụ awe phọ Ịzirel oḍighi ịkaraph risigh Ọmoogh-we phọ; oghel Ọmoogh-we Ẹnaan phọ ạbidi, kụ ooseeny ghan Baal rꞌAsera.